你地平時有無俾人改花名??

我就試過俾人叫「鬚根」，因為我以前真係試過唔剃鬚，
搞到 D 鬚生得好長，先至俾人改個咁0既名。

不過我始終都係鐘意 D 人叫番我個英文名。

小弟都有俾人改花名,通常都係同小弟的身型有關

無可能無


我俾人叫做"辛亥棋王",(辛亥是我校的名稱)

全間學校夠我捉象棋的10隻手指數得哂~

我有個由中學到而家都俾人叫開既花名
本身我極唔鍾意
因為對我黎講係含貶義既
改我呢個花名既人都同佢打過好多次交
但由於呢個名俾全校叫到街知巷聞
連老師咁叫我
有d 人(有d 仲係朋友)甚至只知我呢個花名
而唔記得(甚至唔知)我個真名
結果我唯有妥協
有時我仲要焗住咁樣稱呼自己

試過有朋友知道我唔鍾意佢地咁叫我
(通常呢d 朋友至少識左我十年以上)
所以叫番我原名
但我聽落竟然唔慣
寧願佢地叫番我個花名好過

至於係乜野花名
恕小弟不便透露

我相信絕大部分人都有比人改過花名
亦有改人花名

我都唔例外~

試過比人改一個最可愛ga花名....yoyo

小學至初中試過不少次，被人改出貶義的花名，連默書分數都有得改。
高中試過被女同學改一些很可愛的花名，從此較熟落的女同學都會這樣稱呼。

而我係中學時都有改0左花名,但唔知什麼原因個花名由F.1 用到F.5
連D 老師都叫我的花名