正規及非正規社會控制

樓主似乎對社會學非常有興趣喎~
(定係上堂搵周公之後,還0左'非正規社會控制'俾某某professor呢?)
不過,不論任何一個理由,都可以聽小弟講兩咀...

非正規社會控制0既例子:潮流(Fashion)、習俗(Custom)等等
其作用方面,可以有以下呢幾方面:
(1)肯定社會內每一個人0既身份,從而加強一個群體0既團結性
例如:中國人中秋食月餅、玩燈籠(韓國人反而當中秋係'重九',走去掃墓)
又例如:感恩節食火雞 = 懷念當年英國->美國0既新移民受當地土著借糧之恩
故此一到當日,全家大小一律相眾吃火雞(似中國人0既年晚飯呢?)

(2)與人可以模仿0既型象('從眾心理'作用)
多數人跟潮流行事,原因有二:
01: 年晚煎堆油角:人有我有,我無的話就係話俾人聽'我無力/心跟上'
(之後當然正是排他化同烙印化跟唔上之人...
各位千萬不要行如此劣行,否則殺錯好人就...良心譴責囉~)
02: 一般人不好思考,又不好獨創一格之流
就跟蹤潮流等等而走,正是'跟大隊,無乜大差錯'之心理

(3)複製社會固有0既不成文之規矩
相信禮貌同禮儀,法例無規定,但肯定家長會教,小弟亦唔怕教
(不過小朋友肯唔肯受小弟禮法之教,另當別論)
不學禮儀之結果?當然就係受社會上某些講究禮貌0既'上等人'排斥啦

(4)創造相關文化出現 及/或 引發新產物出現 (樓主講完,小弟補充)
例子:即食麵文化 由即食麵出現0既一刻開始
(繼而出現0既恐怕係微波爐同微波爐食品,仲有快餐文化...)
另一例子(次文化Subculture層面):
角色扮演Costume Play(一作Cosplay)雖為漫畫文化0既其中一個分支
但係更重要0既係令到相關服裝行業如雨後春筍一樣出現

都差唔多啦
各位版友,有漏請代小弟補充,有錯請指
反正小弟都未必盡舉其目...

回樓上: 算係其中的一種。

正規對社會的控制係重要，
呢度係可以有阻嚇、懲罰的作用，
但係人係有辦法避得過正規社會的牽制。

反而覺得非正規的控制對社會有更深遠的影響，
文化、社會建構等，
並非一人之力可以影響，
而且無人可以脫離，
故得出的效用更深遠。

要維持社會秩序，係大家有差唔多價值 / 規範，而價值方面：
mores，程度輕o的，當你犯左錯，冇咩人會話你。
folkway，排隊打尖，俾街上人駡，係其中一個例子。
taboo，一o的禁忌或意想不到的，例如社會認為大學生斯文，
但係竟然搞四院互片，講淫野，咁就受公眾強烈指責；又另
外近來賢仔被斬，公眾認為唔應該咁對細路仔。
最後係law或institution，透過成文的條例去管制，犯左錯有
一定o既懲罰。

有唔少野係非正規同正規控制，例如點解當年中國儒家思想
維持左咁多年，係因為家庭非正規同法律 (要代父母罪等)並
用。