西區天橋的行車線問題

呢排少咗坐邨巴過海，最主要原因係西區天橋交通唔係好穩定。
一時好暢順，一時塞返落西隧出口，一個唔好彩就大失預算。

其實經過呢段路幾年，甚至試過徒步跑過 (頭三次跑渣打 10 公里)，
我留意到佢個行車線構造，覺得唔係好好。

入口方面：現時慢線西接西隧出口上橋位，兩線變一線。
中線由干諾道西天橋兩條行車線合併而成至於快線就位於
西區公園外上橋位。

出口比較簡單：慢線連接民寶街、金融街、中環碼頭區，
中快線直落干諾道中。


問題有兩個。
第一，西隧車需要切線先可以直落中環，亦有唔少西區車切入
慢線出中環碼頭 (巴士為甚，而家早繁已經至少有三條巴士線要咁行)
第二，早上繁忙時間西隧車車流其實高過西區車好多，
但西區車分走一條行車線，搞到西隧果邊一有車龍就增長得好快。

其實上環消防局出面一段天橋似乎係三線闊度，
唔知點解要夾硬整到得番兩條線。不過就算係兩條線，
其實係咪應該諗下辦法改劃行車線或者控制車流？
譬如早上繁忙時間，西隧比較多車時，
就安排西隧車優先用埋「中線」，西區過來嘅車就用交通管制
要佢哋等排隊攝入去；相反如果西區車明顯多過西隧車，
亦都用類似做法 (但對象相反) 令西區車車龍清得快啲。


唔知大家對呢段路嘅交通安排又有無咩意見？

http://maps.google.com/maps?f=q&source=s_q&hl=en&geocode=&q=central,+hong+kong&sll=41.262856,-73.135493&sspn=0.024936,0.055747&ie=UTF8&hq=&hnear=Central,+Hong+Kong&ll=22.288791,114.146541&spn=0.001918,0.004506&t=k&z=19

上環消防局對開個位點睇都唔會夠擺三條闊線落去。

個到有三個上橋位，一人入一條綫都真係盡，冇可能改到乜。
停其中一條會一定衰過流住去，入口位一定塞都爆，特別係上橋位，重型車加速係一個好大嘅問題。

出口位反而可以考慮下將中線都俾出碼頭區，個落橋位有兩條線，但係得條慢綫 feed。
俾中綫出碼頭可以減少非西隧車 cut 過去慢綫嘅數量，會改善到你講嗰個情況。
個到做咗預留橋位，未來出中環灣仔繞道應該會用中慢綫一齊轉出去。

家陣個到都只係暫時性，當年中環灣仔繞道係預咗 2006 年前後就起好，
不過種種原因拖多咗 10+ 年先會可以可能變成原有嘅設計。

其實有一個想了很久的問題，這條天橋於上環一段的設計本身有沒有預計要設置6條行車線呢？因為原本這條天橋是只有4條行車線，理論上這條天橋只用1個橋墩支撐便可以應付（例如東九龍走廊也是只有1個橋墩支撐），所以當時要加多2條行車線時也想到假如只用1個橋墩支撐有6條行車道的天橋會否超出負荷。