一些關於航空的問題

近年有機會坐過幾次飛機，試過不同航空公司的飛機，有些問題請教，謝謝各位解答！

1. 坐過國泰、港龍、長榮航空時，飛機起飛後不久，安全帶指示燈會一閃然後空中服務員開始派餐，但當時乘客仍然要戴安全帶，惟獨韓亞的安全帶指示燈係完全熄了之後服務員才開始工作。
請問一般航空公司比服務員工作時，係故意要乘客留在坐位方便派餐所以唔咁快熄燈
還是真的有安全上的需要，故此只先讓服務員行得？

2. 請問在同一款飛機的不同位置，起飛、降落時所感受到的動力感覺是否相近？(除離地或碰到地面的力度和時間之外)
例如在爬升時所感受的上升力會否有明顯不同？
如沒有太大不同，請問不同公司的爬升力會否有分別？因為坐韓亞時坐的是機身中間，感覺上爬升得無咁急，落地剎車時亦無咁急。

3. 韓亞在派餐前會派熱毛巾比客，收回後再兵分兩路，一些派餐一些做飲品，和其它公司不同，請問在香港坐到的航班，有什麼公司有這些較特別的安排？

4. 請問在降落之前時，安裝於座位上的電視會不會關上？
試過一次飛機在碰到地的一刻，所有座位上的電視全數應聲關上，於同一時間關上，飛機降落得左搖右擺，有點驚，降落後剎剩的速度亦比較快
好似開快車咁去轉幾個直角彎，莫非發生了什麼事？

5. 韓亞機係裝有比乘客自己決定開不開啟的冷氣出風口，請問有沒有其它公司有這類設計？
另不同航空公司開冷氣的凍度是否有明顯差距？韓亞空調開得非常之熱，開埋風口都係好熱。

6. 沒有座位電視的飛機，在加裝電視時，係成張坐位換走，還是改裝該坐位？

7. 試過坐長榮的B777機，途中會自動鎖上客倉手提行李櫃，中途不能取回已放上架的行李，請問是航空公司的獨有設計，還是機種上的要求？

8. 飛機上的喇叭是不是設計得比較細聲？因為次次坐飛機，廣播即使係廣東話都係細聲到聽唔到

謝謝解答！

[ 本帖最後由 superay 於 2010-4-16 16:36 編輯 ]

(1) 既然在起飛前和降落前空服員比乘客遲需要坐好, 那麼起飛後佢o地可以早o的走動亦係合理, 似乎只係安全上o既安排。

無正式既飛行知識, 但想拋磚引玉, 答下樓主既問題, 如果有專家解答當然更好

1. 坐過國泰、港龍、長榮航空時，飛機起飛後不久，安全帶指示燈會一閃然後空中服務員開始派餐，但當時乘客仍然要戴安全帶，惟獨韓亞的安全帶指示燈係完全熄了之後服務員才開始工作。
請問一般航空公司比服務員工作時，係故意要乘客留在坐位方便派餐所以唔咁快熄燈
還是真的有安全上的需要，故此只先讓服務員行得？


飛機起飛後/降落前15分鐘(應該係約14000米左右), 係進出高空大氣同低層大氣既時間, 而呢個時候既氣流係最唔穩定(特別係低空氣流), 所以所有機員都要坐好. 但當進入高空氣流後, 飛行會比較穩定.

機員響派餐前要做好多準備工作(例如加熱焗爐, SET好餐盤, 開汽水等), 所以呢段時間可以比佢地做一D唔太危險既工作, 但飛機仍然上升緊, 如果乘客要周圍走去廁所, 就可能有危險, 所以就唔熄安全帶燈

我未搭過OZ, 不過可能各航空公司既安全要求有所不同, 而有不同既情況啦


3. 韓亞在派餐前會派熱毛巾比客，收回後再兵分兩路，一些派餐一些做飲品，和其它公司不同，請問在香港坐到的航班，有什麼公司有這些較特別的安排？


呢D情況, 可能係唔同既機艙服務經理, 或者唔同既機員都有唔同既習慣
我呢3個月坐CX來回吉隆坡3次, 每次機程既安排都有唔同, 有D起飛後半個鐘派花生, 有D派果汁, 有D兩樣都派, 有D完全唔派. 同一條路線, 有D仲係同一個起飛時間, 都有唔同SERVICE, 所以好難話係個別航空公司既規定, 定係個別機員既習慣


4. 請問在降落之前時，安裝於座位上的電視會不會關上？
試過一次飛機在碰到地的一刻，所有座位上的電視全數應聲，於同一時間關上，飛機降落得左搖右擺，有點驚，降落後剎剩的速度亦比較快
好似開快車咁去轉幾個直角彎，莫非發生了什麼事？


降落既情況, 其實每班機都唔會一樣. 當一班飛機遇上強烈側風, 或者遇上風切變, 成架機既降落都會好危險同有突然變化. 機師要因應情況而作出應變, 降落期間到touch down都會好顛簸.

當然啦, 撞正機場無風, 你會覺得班機好smooth咁touch down, 咁當然開心啦, 但唔好彩遇到班機降落左搖右擺, 又上又落, 乘客會驚, 又會話機師水準差, 無經驗, 其實機師面對住咁突發既天氣, 可以安全降落已經萬幸, 仲要比乘客話唔smooth, 真係難做

而飛機如果係趕時間, 有時會要求地面控制比佢地快D起飛, 又或者快D到停機位, 呢D都係機場地面控制要做既工作, 機師同地面控制之間會有溝通既, 而且每個機場都會對飛機taxi有要求, 唔係話機師想快就快, 想停就停既


5. 韓亞機係裝有比乘客自己決定開不開啟的冷氣出風口，請問有沒有其它公司有這類設計？
另不同航空公司開冷氣的凍度是否有明顯差距？韓亞空調開得非常之熱，開埋風口都係好熱。

以前坐過D飛機係可以調較出風口風力強度, 好似小巴冷氣出風口咁, 但飛機吹出黎既係強風, 唔涼既
而我有個感覺, 由凍既地方(約20度以下)入去飛機坐, 係會覺得熱, 而熱既地方入去飛機(25度以上), 就會覺得凍, 理論上飛機上既溫度應該係由工程師調整好, 機長機員都應該調較唔到既


希望可以解答到你既疑問, 如果有專家可以指正小弟既錯處就更好啦

原帖由 wesley 於 2010-4-16 01:33 PM 發表
無正式既飛行知識, 但想拋磚引玉, 答下樓主既問題, 如果有專家解答當然更好

1. 坐過國泰、港龍、長榮航空時，飛機起飛後不久，安全帶指示燈會一閃然後空中服務員開始派餐，但當時乘客仍然要戴安全帶，惟獨韓亞的安全帶指示 ...

謝謝你的解答！
關於4，天氣問題導致降落得不穩定，當然不怪得任何人
飛機落地落得比較大力係常見的事，但不明白為何會撞到全機電視一同熄埋，照道理開住電視降落，就預左佢落地唔會熄啦。
所以有點不明白。
另外覺得奇怪的是同樣是香港國際機場，試過好幾次，但惟獨該次做taxi開得非常之快。

原帖由 superay 於 2010-4-16 16:41 發表


謝謝你的解答！
關於4，天氣問題導致降落得不穩定，當然不怪得任何人
飛機落地落得比較大力係常見的事，但不明白為何會撞到全機電視一同熄埋，照道理開住電視降落，就預左佢落地唔會熄啦。
所以有點不明白。
另外覺得奇怪的是 ...

我諗若能提供航空公司、機型、日期時間等資料，有識之士（不包括我）會更容易解答。

另外趕泊位就可能係班機好快又要做下個flight，多點時間準備，或者要free條跑道／滑行道畀其他航班卦。

4.部分航空公司的電視，通常係臨降落前只能看一個台
AVOD的話更會不准使用，不過有D航空公司(例如長榮)就例外，泊完gate都仲睇得用得

7.我真係聽都未聽過...

原帖由 superay 於 2010/4/16 16:41 發表
飛機落地落得比較大力係常見的事，但不明白為何會撞到全機電視一同熄埋，照道理開住電視降落，就預左佢落地唔會熄啦。

可能咁o岩套系統壞壞地 ?

1,3 係機艙經理自行決定......有d想快d派完餐做其他嘢! 派唔切餐要寫報告......(上個星期坐長榮去台灣派唔切餐(差不多三份二程機都有氣流)空姐要開咪道歉.
2  爬升角度問題.
4  一時時,有時早d 有時遲d.
5  所有飛機係地面都比較熱......飛左上天後就set左恆溫.
6  成張椅換,因為要拉/內藏電線.
7  末聼過.
8  可能講嘢果個講得細聲..
希望可以幫到你們!!

我諗若能提供航空公司、機型、日期時間等資料，有識之士（不包括我）會更容易解答。

另外趕泊位就可能係班機好快又要做下個flight，多點時間準備，或者要free條跑道／滑行道畀其他航班卦。

謝謝！
那天是2008年6月20日，CX505，由東京成田去香港，準時飛，準時到港
起飛當地18:30，到港為香港22:10，機種係74A

4.部分航空公司的電視，通常係臨降落前只能看一個台
AVOD的話更會不准使用，不過有D航空公司(例如長榮)就例外，泊完gate都仲睇得用得

7.我真係聽都未聽過...

說起真的好笑，OZ的AVOD在臨降落時，若果播緊片的話會自動定格，但若果播緊航空資料就會有繼續播，無著的AVOD著唔到，著左的關唔到
剛好媽媽在播一套關於機內如何做伸展運動的影片，片中2個韓國人，全身著白色衣服，坐在放在草園上的椅子上，一邊解說一邊做伸展運動，可是做到兩腳一伸的動作，就定左格，降落時媽媽無奈看著兩個穿白色而伸直腳的人，而且一個仲要張開囗......

1,3 係機艙經理自行決定......有d想快d派完餐做其他嘢! 派唔切餐要寫報告......(上個星期坐長榮去台灣派唔切餐(差不多三份二程機都有氣流)空姐要開咪道歉.
2  爬升角度問題.
4  一時時,有時早d 有時遲d.
5  所有飛機係地面都比較熱......飛左上天後就set左恆溫.
6  成張椅換,因為要拉/內藏電線.
7  末聼過.
8  可能講嘢果個講得細聲..
希望可以幫到你們!!

2. 請問爬升角度問題，係指爬升時乘客座的位置不同、機種不同、還是飛法不同引致不同角度？
5. 奇怪OZ係全程都非常熱，中途更是熱上加熱，開埋風囗都頂唔住。

謝謝各位解答！

2  爬升角度係指飛機起飛離地嘅角度.會視機種,付重,機場跑道長短,等因素而定,最主要當然係機師個人習慣,通常揸開貨機嘅機師會較遲拉起機頭.
5  可能 set  恆溫 set 得太高(一般set 22-25度)北方國家的航空公司,可能會set高小小d機組人員會比南方人怕冷.