[問]道路設計及行車路線

今日同女朋友等人一齊去o左海洋公園。黃昏離開時，收到消息香港仔隧道 Check 管道內旁板封一線，為怕車多或者塞車，走o左上黃泥涌峽經跑馬地返落銅鑼灣，打算o係舊中聯辦前少少上返堅拿道天橋。上到去之後，果然由香港仔隧道出o黎過紅隧o既車真係好多，一上橋過o左紅綠燈個位無耐應該就要入快線排隊，但係實在太多車，入唔到，如果停o係度等，就會定實後面中線 D 車﹗於是就打算前少少睇下有無位可以再入，點知一路去到駱克道o既上空，都無位可以入返快線排隊，全程都係雙白線。原本打算偷雞行巴士線入返去，點知咁o岩果個位有架警車o係度又排緊隊，無理版咁狼死o係架警車面前行巴士線入線下話。於是無耐之下就上o左東廊俾多 $5 行東隧過海，之後再行機隧返土瓜灣同女朋友去買送煮飯。出返天光道口預備泊車時，見到o係舊中聯辦上橋時見到o既果架 107~

返到屋企泊低架車後，突然一諗︰點解非雙白線路段得咁少o既呢？如果 D 車o係堅拿道西上橋的話，點入快線排隊入紅隧呢？﹗另外亦引申到我諗到一 D 地方o既劃線亦都係唔多妥或者係有問題，好似凹頭迴旋處去元朗o既慢線保護線，根本就唔係一條保護線，佢容許迴旋處o既車除o左行二線去元朗外，仲可以 cut 入慢線，對慢線本來o既行車有影響。此外馬鞍山公路錦泰苑對出一段巴士線後左右保護線又過長，同埋唔清楚，一唔留意就俾佢D單白線、雙白線玩死﹗我上次就係o係呢個位俾架旅遊巴唔睇線就咁標出o黎，搞到我迫住要往右 Cut 入快線，搞到我入唔到往聽濤雅苑果個天桶路口……

唔知大家又覺得香港道路設計，交通標誌清晰度，以及路面劃線路標等等有咩意見呢？﹗歡迎討論~

[ 本帖最後由 FX8173 於 2006-4-23 23:54 編輯 ]

要係老銅落中隧返九龍，堅拿道上橋係返唔到去的，我剛做台果陣已經衰過唔少次，
結果一次搏大霧入左巴士線直落，往後就一係落返灣仔行馬師道。直到我亞哥教我，
行黃泥涌道圍住馬場兜個圈再上堅拿道，先係最快既方法。

時至今日，我最怕的，依然係過海。

我放工搭既筲箕灣~紅磡土瓜灣紅van，以及筲箕灣~旺角既紅van好多時
都係馬場公眾席入口u turn再o係前中聯辦上橋入紅隧。

回樓主，堅拿道西上橋係唔可以去紅隧過海架！稍為有港島駕駛經驗既人
一定會知呢點。巴士(101,111,112,115,116 etc & 17座或以上既旅遊巴)除外
因為佢地可以行巴士專線。

而如果o係皇后大道東/中聯辦o個道上橋想入紅隧，上斜時就應該埃住右邊
(個度雖然冇劃線但一般司機都o會係上斜橋開兩行車)上到橋就會入左中線，
之後去到三線收窄兩線個位就會引導你cut去右線入紅隧。行左邊唔係過海
既正常行法黎架，除非你想o係橋上既紅綠燈度打尖。

原帖由 arhang2001 於 2006-4-24 00:23 發表
要係老銅落中隧返九龍，堅拿道上橋係返唔到去的，我剛做台果陣已經衰過唔少次，
結果一次搏大霧入左巴士線直落，往後就一係落返灣仔行馬師道。直到我亞哥教我，
行黃泥涌道圍住馬場兜個圈再上堅拿道，先係最快既 ...

原帖由 fai 於 2006-4-24 09:21 發表
回樓主，堅拿道西上橋係唔可以去紅隧過海架！稍為有港島駕駛經驗既人
一定會知呢點。巴士(101,111,112,115,116 etc & 17座或以上既旅遊巴)除外
因為佢地可以行巴士專線。

而如果o係皇后大道東/中聯辦o個道上橋想入紅隧，上斜時就應該埃住右邊
(個度雖然冇劃線但一般司機都o會係上斜橋開兩行車)上到橋就會入左中線，
之後去到三線收窄兩線個位就會引導你cut去右線入紅隧。行左邊唔係過海
既正常行法黎架，除非你想o係橋上既紅綠燈度打尖。

咁如果o係堅拿道西，或者晏西街左轉之後，應該點樣行先可以入到紅隧？﹗

＊始終係覺得中聯辦上橋位Cut右入快線排隊位唔夠長，一車多停o係度等就會塞死晒後面﹗加上如果好似我咁唔熟路，一過o左就真係趴o係度~

如果真係要取道紅隧往九龍，就唔應該駛入堅拿道西或晏西街，因為個
度真係冇乜直接路線入紅隧。

如果你o係摩利臣山道南行，就應該直出右轉黃泥涌道(跟跑馬地路牌)，
沿橋底行到去馬場公眾席入口(有隻馬公仔加彎型終點牌裝飾)，轉左
入去繞過隻馬公仔出番黎轉右(即係調頭)，再沿番黃泥涌道出番中聯
辦上橋入紅隧。

如果o係摩利臣山道北行，應該直行天樂里(中線)，直入馬師道，上天橋
出海皮，左轉鴻興道，左轉杜老誌道(運動場)，再左轉告士打道入紅隧。

如果已經身在堅拿道西，要行紅隧我諗到只有轉出軒尼詩道(唔好上橋)，
右轉菲林明道，o係未到會展前調頭再轉番出告士打道入紅隧。

另外中聯辦上橋靠右排隊入紅隧已經係大部份司機既共識，你停得o係度係
人都知你排緊隊入紅隧，只要唔好停左o係紅綠燈位既黃格內阻住香隧出黎
去中環/北角既車就得，正常黎講唔會有人嫌你阻佢，因為大家都排緊隊。

原帖由 FX8173 於 2006-4-24 12:32 發表


咁如果o係堅拿道西，或者晏西街左轉之後，應該點樣行先可以入到紅隧？﹗

＊始終係覺得中聯辦上橋位Cut右入快線排隊位唔夠長，一車多停o係度等就會塞死晒後面﹗加上如果好似我咁唔熟路，一過o左就真係趴o係度~

[ 本帖最後由 fai 於 2006-4-24 14:29 編輯 ]