政府確認城巴已放棄五輛氫能巴士及柴灣車廠加氫站計劃

少少題外話
咁當年柴電氫5+5+5
測試咪無左下文?

唔用柴油就直接轉電
無野好比較

嗰架佛山氫鐵係咪都收咗皮？

魔雪巴士頻道 發表於 2026-6-11 07:32
嗰架佛山氫鐵係咪都收咗皮？

佛山嗰批氫巴好似好多都無出車；但廣州反而加碼，一口氣買咗450部【包括：250部創維（南京金龍）+200部大金龍】
其中創維嗰批已經講明係跟韓國Hyundai合作推出——韓國確實玩氫巴都算比較深入，而且Hyundai在廣州有車用氫燃料電池廠。
就睇有無邊家搵Hyundai一齊整部新嘅氫巴落香港（起碼聽到Hyundai個名會gur啲掛）

hellomato 發表於 2026-6-11 10:12
佛山嗰批氫巴好似好多都無出車；但廣州反而加碼，一口氣買咗450部【包括：250部創維（南京金龍）+200部大 ...

現代好似無做雙層經驗，如果要搵佢做即係又要搵大陸crossover。

3ASV174 發表於 2026-6-10 18:48
當日話純電唔及氫巴適合香港用嘅朋友
今日有咩睇法

係雞屎籐唔掂，加上無人肯投資啫。

純電勝在有北面相對成熟技術，但始終未拎到續航同載客量之間嘅平衡。

Man@MFHK 發表於 2026-6-11 12:38
現代好似無做雙層經驗，如果要搵佢做即係又要搵大陸crossover。

可以試下再夾創維整一部去試水，後者有做雙層。产品展厅 | 开沃集团

而且廣州和深圳都稱得上係創維地頭（計埋“前世”開沃Skywell/南京金龍），車隊數量都係差唔多排第二（緊隨BYD之後）。
就係基本未打入香港市場，只有兩三年前整過部純電SUV入黎，好似後來做咗的士。

也不排除雞屎藤捲土重來——8911再廢，起碼係叫行得郁得嘅氫氣雙巴。
假如搵到Hyundai提供加強版 Hydrogen power train，加埋最新款Facelift body（嶼巴B8L嘅殼），都有機會有人埋單

P.S. 據了解，大阪世博會堆車主要責任係日本公司，一邊呃政府subsidy，一邊向雞屎藤等3間國內代工廠壓價趕工，有啲被迫偷工減料......

Man@MFHK 發表於 2026-6-11 12:42
係雞屎籐唔掂，加上無人肯投資啫。

純電勝在有北面相對成熟技術，但始終未拎到續航同載客量之間嘅平衡。 ...

雞記係純電都搞唔掂就算啦

但氫巴 ADL 唔玩
Wrightbus 都主力賣純電，其實反映咗啲嘢

3ASV174 發表於 2026-6-11 19:11
雞記係純電都搞唔掂就算啦

但氫巴 ADL 唔玩

ADL都有出過E400FCEV，但賣得唔夠廿架。Wright係就係成功少少但都冇乜大單。其他地方我唔熟，但係英國似乎好多公司都對氫氣冇信心，一聽到氫氣缸易燃就驚，連政府都冇點sell 過，大家覺得電池車有多啲實戰經驗咪傾向all in。

JH_LE4612 發表於 2026-6-11 23:08
ADL都有出過E400FCEV，但賣得唔夠廿架。Wright係就係成功少少但都冇乜大單。其他地方我唔熟，但係英國似 ...

咁韓國氫巴真係爆過

但又唔等於電巴特別安全，電巴起火都係好麻煩

但氫巴營運上係咪真係有優勢先係重點
以香港個情況，氫巴中段都係要返廠入氫，雖然入氫時間快過叉電，但係叉電又唔一定要返廠
依家香港批電巴叉兩個鐘叉滿，一日兩叉（其中一叉其實都唔一定要叉滿，即係中段輪流總站 tup 一 tup 已經解決問題）
電巴中場補補電需時同氫巴返廠搵奶媽分別不大，仲唔使搵個司機跟車走，車可以擺低，人繼續做生意
變相入氫快營運上唔係一個明顯優勢，但一架氫巴貴過兩架電巴肯定係財務考慮

如果入氫快無特別優勢
氫本身加工都要用電，環保考慮咁點解唔直接叉電，要用電加工生產車用氫燃料再推返車上面舊電
我諗呢個先係佢唔流行嘅主因