政黨要求擴大長者兩元乘車優惠

http://cablenews.i-cable.com/ci/videopage/news/522070/即時新聞/政黨要求擴大長者兩元乘車優惠

預算案公佈在即，有政黨要求擴大長者兩元乘車優惠，降到六十歲以上，或者學生均可享用。但政府暫無意放寬，原因之一是過去數年，相關公帑補貼以倍數上升。


慈雲山這個巴士站，有過海的 116 號巴士去鰂魚涌，還有兩條去觀塘及紅磡的巴士線，旁邊小巴線去鑽石山。梁伯去斧山道，其實每輛車都可以到達，不過他選擇了乘搭最貴的 116 號，同一輛過海巴士上，陳太都是乘搭短途車程，對長者來說，每輛車都是兩元、沒有分別，但其實他們每程乘搭得愈貴，公帑補貼的差額就愈多。

兩元優惠推出以來，政府會定期與巴士、港鐵、渡輪及小巴營運商核對數目，補貼差額，二零一二年、推出首年，相關開支接近三億元，之後每年都上升，到二零一五年擴展至小巴，帳目去到接近九億元，截到去年、已經接近十二億元，即是初期的四倍。

據了解，政府內部留意到這個升幅，都想過辦法，包括改作不再是每程兩元，而是按車資計一折、兩折，鼓勵長者「揀車搭」，又或設時限，每日某一時段優惠，但評估過後、認為這類優惠開始了，很難收緊、反響會極大，所以沒有再研究，到預算案公佈在即，民建聯提出降到六十歲都可以兩元乘車，經民聯就建議全日制學生也有份，據了解、政府無意放寬，而整個計劃二零一八至一九年度會全面檢討。       

這個無間地獄,真的害了不少人

多謝上屆政府囉

全面檢討，不如全面開O(Old)線
O1-O9 全用單層車。
長者八達通免費上車。
(路線待定)

其他路線用番半價搭，或者賣$100長者九巴/城巴+新巴/渡輪/港鐵……月票(300蚊全港長者月票)。
鼓勵長者多外出嘛……多多外出啦。
少外出既，咪每程半價繼續坐囉。


不過，都係O個句，香港人，開始左既野，好難收得到。
唉……邊個諗$2計劃出黎？ (係就一黎免費，唔係公帑補貼)玩到公帑補貼，再加人口老化，(老化時醫療開支都大大提升)千億盈餘都冇用……

有盲撐者表示長者多外出
可減少憂鬱心態,自然會病少咗
同入院需求下降,有正面效益……
(我自己反對此觀點,因難以證明)

我就一直視此計劃為公帑
補助私營公司,本來港鐵站站停,
每多一名乘客,相應嘅邊際成本低,
但又始終有地點港鐵不至或太轉折,
所以先逐步擴展至多種公共交通。

原意可能係減緩票價加幅
就算正價客都奢望有得加班次,
達致雙贏局面,但明顯加班次會
抵銷政府的補助,結果已經有唔少
討論長線短用/只限非繁等意見。

既然講到覆水難收甚至
可持續性都成疑問時,為了
避免魚蛋論嘅批鬥,就只好
擴展更多人受惠,但同樣引起
誰有資格誰要付正價嘅問題。

唔好忘記任何派別建議
全民派錢甚至全民退保,
為選票多過考慮可持續性。

限時段兼10蚊留下的路線再適用最實際

九成九係政府放出黎既風黎

推政策最緊要先甜後苦

2蚊車費減到1蚊

但繁忙時間就要收番半價囉唔該

根本一開始就係政府做了白痴野﹐盲跟私人公司提供的一刀切$2。

我唔反對長者有乘車優惠﹐但用公帑做補貼﹐就唔應該一刀切全部$2。
用固定折扣﹐例如二五折﹐給長者自己選擇﹐減少不必要的補貼(長線短坐的問題)。

因為唔想見到長者
花太多時間站於街上吸
廢氣、堅持等最便宜路線

因為有啲情況係貴線嘅獨市位

因為無長者就無今日嘅香港
相對其他開支十幾億唔算大

(以上來自其他網民的摘要)

個個都會諗辦法搬出
對自己有利的例子……
而家要面對現實嘅係社會
講求競爭同成本效益,卻可以
劃分一班人唔洗爭而贏硬。

唔好同我講城中富豪不搭巴士,
佢哋起碼有製造就業機會

kitarolo 發表於 2018-2-22 21:47
有盲撐者表示長者多外出
可減少憂鬱心態,自然會病少咗
同入院需求下降,有正面效益……

全民派錢個個受益，真係唔覺得有咩問題喎
而家個政府就算大把錢拎嚟亂咁揈都係唔會益你
咁不如派咗佢個個有份好過啦