點解啲幹線公路會設計到咁白痴，得嗰一條行車線？

AD15113 發表於 2018-3-10 13:59
以前城隧落新城市都唔會塞車， 依家收窄咗攪到晚晚都塞....

咪係
個影線區好似格硬整出嚟
不過最大問題係沙田鄉事會路
紅綠燈倒塞

唔洗講其他Forum/FB
睇下呢篇文引唔引到本板
其中一人出嚟為私家車辯護
例如係住所及上班處有得泊車
先有得自駕車返工(意即私家車
登記數量雖高,但假日司機佔唔少)
唔應該對私家車存偏見。

停車場滿咗,佔用一條
行車線排隊等其他車騰出
位置同樣造成擠塞,合理嗎?

就算將各種開支增加到
月入六位數字先負擔得起
咁用得嘅人氣燄只會更大
現時徵收萬零蚊一年嘅牌費
車主已經話付稅為何不建新路
而走去整電子道路收費。

再講就會話附帶就業機會
香港仔隧道/南港島線已是
一例,鐵路通車,香隧繁時的確
有數個月的改善,不過就係會令
中間派嘅私家車走返出嚟,現時
已經回復至港鐵通車前相若。

城隧線、龍運大部份路線
改乘港鐵明顯又貴又兜,另
起鐵路門檻比公路更高,而家
新市鎮之間公共交通不太便捷
最理想就係先由巴士做到飽和
先「考慮」規劃新鐵路。

電子道路收費一來面對
極大反對聲音,二來也不能
純粹因部分路段擠塞而徵費

舉例屯中到大埔中心,駕車
取道新田公路理應比經新城市
為便宜以作鼓勵分流,讓返路面
俾巴士或荃灣返新界北嘅私家車;

再者如果有人上落班
係龍鼓灘往返大埔汀角路
徵費也應比上列例子為低
甚至免收,因為用公共交通
(港鐵/巴士)實在太轉折。

不過好快有人衝出嚟話
要玩監控,淨係點樣收費
例如在港島北部不設閘機,
用鏡頭紀錄車牌號碼做結算
都可以話侵犯私隱,仲有咩嘢好講?