本帖最後由 ctb7k-pc6795 於 2017-5-27 10:03 編輯
在2010年同埋13年的聖誕, 我都先後安坐11米密龍 (FX7476) 同埋黃柱龍 (GR3201)
遊走沙田火炭同埋大埔華明一帶, 為的是送別臨退車,
當中本文主角 AD251 - GR3201 更係花左兩日坐......
簡史 -遠征與開荒:
佢在95年聖誕節後兩日出牌, 頭兩年主力大西北, 行走天水圍69X, 期間曾經披著藍色電器廣告,
亦行過當時最長途的過海線369(去上環), 經吐公, 大老山隧道同埋東隧遠征上環.....
直到大欖隧道通車後做後備...
之後除下廣告, 成為大埔教育學院穿梭線 275固定用車兩年.......千禧年做 261(屯門廠) 的開荒牛~~~~~在261 被安裝細 Roadshow Mon....
六年後261 加金, 佢係最先被換走~~~~ 2007年之後又重返大埔, 為埔公大圍線72A 加冷(但係第一日用左另一款車行),
數月後又被末代短龍取代, 從此長註北區;做了牛雜多個月, 期間被加裝固定禁區紙, 做邊境線常用替車. 亦不時在278X 出現. (當時影過佢, 但唔敢坐......); 見過相佢做70, 70X...
我有朋友去坐佢, 在屯門公路行得好辛苦, 上斜起步好快無力, 在261平路表現也不太好. 部車另一特點係佢把聲較低沉, 據聞是原聲...
邊境/接駁生涯
到2009年 78K 要油缸大一些的巴士做全日, 就用左佢代利蘭, 直至78K 要統一用車, 就在轉去接駁線, 如 71A / 73, 亦曾有數個月服務沙田總廠線, 亦在2013年3月返回北區, 做273A兩味車, 禁區證都除下了..... 佢做 78K / 73 / 273A 的相有空再貼吧!
最後 - 聖誕遠征? 來到最後數日, 本來GR3201 在冬至同埋平安夜都派去做 75K, 以為佢最後一程會比區內線, 但在聖誕假期的最後兩日, 佢居然全日被派去行走華明經火炭去沙田愉翠苑的 埔公線73A, 真係一份大禮 (對我來講)......
一向73A 假日都用大車, 但就少俾尾日冷馬做, 之前的尾日冷馬都係綠柱短龍, 今次用 AD251 - GR3201, 真係對架車載客生涯一次完美總結. 唔止行哂佢在北區的主要路段, 更因佢新出亦有行吐露港公路, 再加上佢係第一批為埔公加冷用車之一, 更令這安排顯得更特.......
73A.... 講番兩日的送別, 我都在兩邊總站為架車做最後留影, 26號更在火炭落車,
影佢由火炭出站的一刻, 亦剛好架車遇紅橙, 就有機會影佢最後入火炭的一刻.....
全車外觀都算原裝, 因為車尾無開散熱口, 但歲月痕征近望可完全見到,
架車派埔公吐公都因為車長的表現而生色不少, 上埔公斜有助跑, 都不太慢;
雖然極速話低, 在公路都跑得起, 行到 72km/h.....
不過好多車身或組件摩擦聲 (非來自引擎水箱聲), 好似散散地咁, 但都比熱狗好....
果兩日全程都好爽快, 俾左架車有最後最美的一刻, 埔公沿途都有巴迷留影....
據指架車在尾日係收沙田, 有機會係由總站直接拉回廠榮休.
而27號係佢到期日, 到期當日就不出車, 就此結束3201 18年的載客生涯.....
分享完, 再次祝大家聖誕快樂!~~
下次有時間分享下73a 熱狗遊河...
|
