城巴 315 今朝留廠

城巴 315 今朝留係西九廠，不過架車擺係正常泊車位，車頭向外，而且車頭擋風玻璃無貼任何封車紙。
今朝繁忙時間西九場內只有四部非專有頂雙層：
315
2212
991 - 有封車紙，放在維修區
952 - 放壞車區(?)，車頭向鐵絲網
即係如果繁時壞兩部車，315 就有可能出動....

另外想講下坊間對 315 劏車資助同退役日期的誤會...... 首先，有人話 315 係歐一車，劏車拎資助限期係今年底，
但其實根據資助計劃，如果部車首次登記日期係 1/4/1995 之前，係一律當歐盟前期車處理，亦即係話其實 315
申請資助的限期早已過了。

咁點解 315 上年無拎資助呢？因為拎劏車資助仲有一個條件，就係部車係 10/1/2014 當日係有登記的，但係
315 當時其實仍然以專利巴士身份停緊牌，去到 2014 年 2 月先轉去做非專利巴士，所以 315 係唔符合資格拎資助，
亦令佢有機會續多一年牌。不過因為新環保例下，歐盟前期巴士係 31/12/2015 後唔可以再申請續牌 (留意係講緊申請)，
所以上年年尾續牌後，315 亦無法再次續牌，理論上根據法律佢可以行到目前行車證到期日 (26/2/2017) 為止。

至於點解部車要提早兩個月退，據聞都係同城巴內部政策有關，同劏車資助或環保新例無直接關係。