葵涌老照片一幀

呢張相由中央圖書館找得，由本人加上原創標示。根據中圖資料本圖為1963
年拍攝。估計拍攝位置係青山公路葵涌段近石排街向山下方向拍。如今相同
位置已無法拍攝相同景物，因為圖中菜田的地方已建成多幢二三十層高的工
廠大廈。好難相像八十年代污煙瘴氣的工業區昔日竟是綠油油的鄉村田野。
不過九十年代後工業北移，現時那處的廢氣又少了點。

意想不到昔日葵芳竟然是海灣，
那麼圖中所見林士德、葵芳邨和葵興站的位置，是正在填海之中嗎？

整個葵芳同大半個葵興都係填海而來的。若以天然岸線來說，大約是在
大連排(中葵涌公園對落)、光輝圍、葵興對面山坡、葵盛對落山坡、興
盛路等等，而昌榮路迴旋處一帶昔日應該係一條由和宜合道山上流落黎
溪涌入海口。至於青衣大橋葵涌起點旁邊山坡昔日係一個海島。而圖中
所見黃色平地應該都係進行中既填海工程。

另外另文討論醉酒灣堆填區昔日其實都係海黎。填海成陸地後再在上面
堆填垃圾。所以現時葵涌公園範圍內的山丘大致都不是天然山體，而係
垃圾堆填後再覆蓋泥土而成的。

[ 本帖最後由 fai 於 2011-8-28 13:51 編輯 ]

師兄你果張相片都係我收藏品之一，另外我貼張應該係同時期的相片，
位置應該係葵盛泳池附近影落的，可見遠方荔景山還在開山劈石階段

原帖由 3ASV174 於 2011-8-28 13:29 發表
意想不到昔日葵芳竟然是海灣，
那麼圖中所見林士德、葵芳邨和葵興站的位置，是正在填海之中嗎？

香港市區的平地，除了跑馬地之外，幾乎都係開山填海而來

原帖由 komodo 於 2011-8-29 21:14 發表
香港市區的平地，除了跑馬地之外，幾乎都係開山填海而來

跑馬地（快活谷）附近的摩利臣山便是因為灣仔第一次填海而被填平。

原帖由 fai 於 2011-8-28 12:58 發表
呢張相由中央圖書館找得，由本人加上原創標示。根據中圖資料本圖為1963
年拍攝。估計拍攝位置係青山公路葵涌段近石排街向山下方向拍。如今相同
位置已無法拍攝相同景物，因為圖中菜田的地方已建成多幢二三十層高的工
廠 ...

光輝圍
係唔係本身一個村?一個圍??

原帖由 FD8977@102 於 2011-9-2 23:56 發表

原來工業區以前係綠油油的鄉村田野
石排街上面石梨村同華景山莊係咪石礦場?

石籬（一）邨及怡峰苑的位置是石礦場，華景山莊則不大清楚了。

原帖由 dcyw 於 2011-9-3 23:29 發表


石籬（一）邨及怡峰苑的位置是石礦場，華景山莊則不大清楚了。

照張相咁影法, 既然最下方係大連排工廠區, 華景山莊應該冇入鏡頭了