Ramsey 發表於 2017-2-21 01:09
今晚有時間就畫左張圖，再同大家討論下。
回應版友，落馬洲站並非呈南北走向，而為呈東西走向；
另外，落馬 ...
google map其中一個大問題係近深圳邊境會走晒位（其實係因為內地用嘅北斗衛星導航同google map用嘅GPS有誤差），所以你幅圖唔可以作準
講開又講，唔知點解內地幾個網上地圖都將廣深港高鐵拉去落馬洲站
目前北環線只規劃錦上路和古洞兩站，中間又不設任何車站（畢竟居住人口太少，最多只能搞類似南港島線那樣的中型鐵路）
唯一想到會多用這條線的，就只有粉嶺、上水轉西鐵來往西九龍一帶的乘客
唯有寄望將來新界東北新市鎮發展時，將北環線拉過去
最終目的地應該會是蓮塘口岸——深圳地鐵已經有規劃在當地設站
當有旅客（尤其深圳東部居民）經新口岸過境，可望分流他們至西鐵線進入九龍。
hellomato 發表於 2017-3-7 13:11
目前北環線只規劃錦上路和古洞兩站，中間又不設任何車站（畢竟居住人口太少，最多只能搞類似南港島線那樣的 ...
2030+規劃之下新田一帶都會發展, 到時係會加站嘅。2030+亦提過會發展文錦渡沙嶺一帶、恐龍坑再加坪輋打鼓嶺, 北環線東延應該會經過呢堆地方。
至於蓮塘, 我認為會俾第二條南北走廊接駁機會最高, 北環線應該止於坪輋打鼓嶺新市鎮。
hellomato 發表於 2017-3-7 13:11
目前北環線只規劃錦上路和古洞兩站，中間又不設任何車站（畢竟居住人口太少，最多只能搞類似南港島線那樣的 ...
蓮塘口岸其實主要係做貨運
深圳東比起深圳中部/西部係好少人住
又唔係發展重心
既無火車站更無高鐵站
香港人淨係得大小梅沙可以去下
根本無需要將鐵路拉去蓮塘口岸
蓮塘再北啲
深圳龍崗區都有坪山高鐵站
睇唔到蓮塘有咁大需求要有鐵路站接駁
eternalflame 發表於 2017-3-7 13:22
2030+規劃之下新田一帶都會發展, 到時係會加站嘅。2030+亦提過會發展文錦渡沙嶺一帶、恐龍坑再加坪輋打鼓 ...
文錦渡沙嶺唔會有住宅發展
粉嶺北人口多
需求大過文錦渡沙嶺
所以應該係東延至粉嶺北
至於會唔會伸延去打鼓嶺坪輋
我諗要睇點樣同第二條南北綫規劃
要考慮返北環綫轉乘第二南北鐵路的連接問題及聯和墟北站位置
ryandroid 發表於 2017-3-7 15:21
文錦渡沙嶺唔會有住宅發展
粉嶺北人口多
需求大過文錦渡沙嶺
因為恐龍坑主要係住宅發展, 而沙嶺就係工業地區, 如果以通勤做賣點連接會比起只去粉嶺北好。
而且粉嶺北最大問題係用地全部係梧桐河以南, 亦無預留規劃興建鐵路。
鐵路亦唔可能只做到粉嶺北就完, 看來有需要拉到落去九龍坑跟南北線轉乘, 而唔係坐倒頭車返古洞轉車。
ryandroid 發表於 2017-3-7 15:11
蓮塘口岸其實主要係做貨運
深圳東比起深圳中部/西部係好少人住
又唔係發展重心
蓮塘將會接駁到深圳地鐵, 無記錯係2號線東延段會有站。
eternalflame 發表於 2017-3-7 17:03
蓮塘將會接駁到深圳地鐵, 無記錯係2號線東延段會有站。
係2 號綫
仲有沙頭角8 號綫去大小梅沙
之但係2號綫可以喺大劇院轉1號綫去羅湖
如果去到蓮塘先經打鼓嶺再去其他地方都幾轉折
羅湖點都方便過蓮塘好多
本帖最後由 ryandroid 於 2017-3-7 17:42 編輯
eternalflame 發表於 2017-3-7 17:02
因為恐龍坑主要係住宅發展, 而沙嶺就係工業地區, 如果以通勤做賣點連接會比起只去粉嶺北好。
而且粉嶺北 ...
文錦渡、沙嶺規劃係做物流行業
打鼓嶺先係工業
恐龍坑最新規劃係住宅
但應該遲過坪輋/打鼓嶺
因為原先新界東北發展區係只有坪輋/打鼓嶺
唔包恐龍坑
又唔近蓮塘口岸連接路
恐龍坑目前都係概念
所以要十幾廿年後先會開始發展恐龍坑
而第二南北鐵路
如果只係服務坪輋/打鼓嶺得二三十萬人會唔夠客
而且連接唔到上水/粉嶺新市鎮
又連接唔到粉嶺北新市鎮
區內有大量鐵路覆蓋唔到嘅人口
粉嶺北新市鎮冇新鐵路只會令東鐵綫上水/粉嶺站將會更為繁忙擠迫
對區內外路面交通都有好大問題
所以我建議係第二南北鐵路分拆
坪輋/打鼓嶺至聯和墟以中型鐵路營運(可建延綫/支綫去恐龍坑或/及蓮塘)
聯和墟至九龍西鐵路就同北環綫合併
咁樣第二南北鐵路嘅成本效益及經濟效益比起原有概念更大
至於粉嶺北冇預留鐵路方面
依家先開始收地
就係政府應該趁依家盡早規劃北環綫及第二南北鐵路
等多幾年就會錯過此大好機會
本帖最後由 JC3987 於 2017-3-9 15:51 編輯
jpoon 發表於 2017-2-20 03:03
如果真係由落馬洲支綫拉過去，咁收費都會係一個問題，去元朗/錦上路收費會唔會貴過收緊過境費用嘅落馬洲
...
其實目前馬場車都係咁，中途站落 (沙田→馬場) 貴過坐多個站 (沙田→大學)。而且過境要收 premium fare 是常識吧，所以 上水→落馬洲→錦上路 咁走線都唔見得有收費問題呀。
荃灣西→上水/粉嶺 照返目前 $13.7，只要錦上路跨月台轉一次車，我覺得有得做喎。