本帖最後由 cyc_yin 於 2017-2-21 04:05 編輯
053h4 發表於 2017-2-20 22:48
可唔可以介紹下濱松工場，係唔係佢有咩大工程要做，所以先會發現美軍二戰D不爆彈？
另外三級修其實搵起起重 ...
JR東海為左應對將來潛在既地震風險、保住東海道新幹線呢條日本既生命綫，就由2010年開始就將新幹線開業以來一直用到宜家既浜松工場重建。其實為左對抗地震，東海道新幹線已經做左好多改造工程，例如設置護軌、為N700系加裝地震煞車系統等。當日部分新起既廠房已經啟用左，除左係防震建築之外仲引入新技術黎提高效率（所以舊既吊起車體工序就被取代），可惜無開放參觀。基本上好多鐵路公司車廠都係咁樣吊起車體做大修，可能係以前既技術限制遺留落黎既工序，不過咁樣方便平衡車體。
cyc_yin 發表於 2017-2-21 01:25
JR東海為左應對將來潛在既地震風險、保住東海道新幹線呢條日本既生命綫，就由2010年開始就將新幹線開業以 ...
吊起車體係因為第三級修要檢查行走部，行走部要同車身分離
一般來講可以用地面的起重機頂起個車身已經達到相同效果
吊到咁高維修反而麻煩
本帖最後由 cyc_yin 於 2017-2-21 20:01 編輯
053h4 發表於 2017-2-21 07:46
吊起車體係因為第三級修要檢查行走部，行走部要同車身分離
一般來講可以用地面的起重機頂起個車身已經達到 ...
除左檢查行走部之外，車體都需要做檢查、重新上油之類既工序。嗰陣就需要打橫移動車體去其他區域，有時要吊高先夠跨過其他車體，例如阪急（另外一段片）、大阪市營地下鐵、東京metro等等，有好多唔同公司既片睇。
cyc_yin 發表於 2017-2-21 13:24
除左檢查行走部之外，車體都需要做檢查、重新上油之類既工序。嗰陣就需要打橫移動車體去其他區域，有時要 ...
濱松工場應該只係做三四級修，車體檢修唔係太需要移動
未來也就原位升起車身
本帖最後由 cyc_yin 於 2017-2-21 19:54 編輯
053h4 發表於 2017-2-21 17:52
濱松工場應該只係做三四級修，車體檢修唔係太需要移動
未來也就原位升起車身
...
浜松工場係幫JR東海旗下所有既新幹線車輛做「全般檢查」，姐係車輛全部地方都會整修、最大陣仗既定期檢查，唔係咩「三四級修」（我唔知你講緊乜，唔應該用其他國家既concept套落人地度:funk:）。東海道新幹線得浜松工場係做全般檢查既地方，所以佢係成個系統既心臟地帶。
cyc_yin 發表於 2017-2-21 19:42
浜松工場係幫JR東海旗下所有既新幹線車輛做「全般檢查」，姐係車輛全部地方都會整修、最大陣仗既定期檢查 ...
日本新干線線修分五級，三級修就係行走部與車身分離，用專用設備對輪對進行檢查。第五級維修就係全列車拆解再裝番
唔知你全般檢查指咩啦
按你提供資料，濱松工場正係由全車起吊，改為由起重機把全列車身舉起
把行走部與車身分離過程簡化
而本人疑問係本來就可以咁做，從而縮短維修的麻煩程度
點解唔一早就採用呢種方案
本帖最後由 cyc_yin 於 2017-2-21 20:45 編輯
053h4 發表於 2017-2-21 20:18
日本新干線線修分五級，三級修就係行走部與車身分離，用專用設備對輪對進行檢查。第五級維修就係全列車拆 ...
你既concept錯左，五級制度係應用落「中国高铁／动车」既concept。頭先「全般檢查」條link（https://www.wikiwand.com/ja/日本の鉄道車両検査）已經列出日本既鐵道車輛檢查制度，並且係國土交通省既告示亦都清楚寫明（http://wwwkt.mlit.go.jp/notice/dispAction.do，係「キーワード(1つ目)」打「施設及び車両の定期検査に関する告示」搜索即可）。之前都講過，浜松工場由東海道新幹線通車開始一直有幫新幹線做全般檢查，所以呢樣有可能係以前既技術限制遺留落黎既工序。宜家新起既新幹線既車輛所／中心都無採用呢種工序。仲有唔係「新干線」係「新幹線」，日文同正體中文都唔係咁樣寫。
圖中第六條寫明http://i.imgur.com/ENz2LZy.png
本帖最後由 053h4 於 2017-2-21 22:11 編輯
cyc_yin 發表於 2017-2-21 20:39
你既concept錯左，五級制度係應用落「中国高铁／动车」既concept。頭先「全般檢查」條link（https://www.w ...
你列出係法律上限, 實際上係用行走公里計算的
你如果多查一下資料, 日本新幹線係用行走公里計算, 相關準則全面套用到日本出口的高鐵, 例如中國及台灣的高鐵
例如台灣高鐵, 同樣係分五個級別的維修程序, 燕巢總機廠就係負責第四五級維修
本帖最後由 cyc_yin 於 2017-2-21 22:36 編輯
053h4 發表於 2017-2-21 21:56
你列出係法律上限, 實際上係用行走公里計算的
你如果多查一下資料, 日本新幹線係用行走公里計算, 相關準 ...
圖入面既「別表(第五条関係)」咪寫左新幹線電車進行唔同檢查既準則lor，已經包埋行走里程架啦，唔爭在譯埋比你啦：
車両の種類（車輛種類）> 機関車、旅客車及び貨物車（機關車、旅客車及貨物車）> 新幹線の電車（新幹線之列車）
状態・機能検査（狀態・機能檢查）：三十日又は当該車両の走行距離が三万キロメートルを超えない期間のいずれか短い期間
（每隔三十日一次或該車輛的行走距離不超過30,000 km時作一次檢查，以兩者之中較頻密者為準）
重要部検査（重要部檢查）：一年六月(新製した車両に対する使用開始後最初の検査については、使用を開始してから二年六月)又は当該車両の走行距離が六十万キロメートル(主回路の制御方式がタップ切換方式である車両にあっては、四十五万キロメートル)を超えない期間のいずれか短い期間
（每隔一年六個月一次（新車最初的檢查為開始使用兩年六個月之後才進行）或該車輛的行走距離不超過600,000 km時作一次檢查（採用tap changer黎控制主電路的車輛為450,000 km），以兩者之中較頻密者為準）
全般検査（全般檢查）：三年(新製した車両に対する使用開始後最初の検査については、使用を開始してから四年)又は当該車両の走行距離が百二十万キロメートル(主回路の制御方式がタップ切換方式である車両にあっては、九十万キロメートル)を超えない期間のいずれか短い期間
（每隔三年一次（新車最初的檢查為開始使用四年之後才進行）或該車輛的行走距離不超過1,200,000 km時作一次檢查（採用tap changer黎控制主電路的車輛為900,000 km），以兩者之中較頻密者為準）
如果唔識日文可以用翻譯架嘛:L
你話日本既準則全面套用到日本出口的高鐵？但係點解日本無你所講既五個級別既？;P
本帖最後由 053h4 於 2017-2-21 22:46 編輯
cyc_yin 發表於 2017-2-21 22:25
圖入面既「別表(第五条関係)」咪寫左新幹線電車進行唔同檢查既準則lor，已經包埋行走里程架啦，唔爭在譯 ...
全面檢查的維修項目唔同，所以先有第四（120萬公里）同第五級（240萬公里）的分別好唔好？