[新聞?] 本港至南沙航線擬加密至每小時一班
港府代表團聽取南沙區區長曾進澤簡介(商台新聞)廣州市南沙區區長曾進澤指，正爭取本港來往廣州南沙的船，加密班次至一小時一班，並由現時七十五分鐘船程提速至六十分鐘。行政長官梁振英率團一連三日考察粵港澳大灣區，首站抵達南沙，參觀南沙規劃館，聽取曾進澤匯報南沙新區開發建設情況，期間梁振英問及有關交通基建問題，曾進澤指，除了向珠江客運商討加密班次，正興建來往深圳和中山的深中通道，落腳點有高速路接駁中山和南沙，亦能夠成為連接香港和南沙的快速通道。曾進澤又向港府代表團簡報南沙自貿區的企業投資和金融發展等情況。
考察團下午會跟廣東省省長馬興瑞，在廣州舉行粵港澳大灣區座談會，之後會轉往佛山繼續行程。
Link:
http://www.881903.com/Page/ZH-TW/newsdetail.aspx?ItemId=935472&csid=261_341
問題係：
點樣可以提速到15分鐘咁多？
同埋如果啲客最後都係去廣州…同坐直通巴時間差唔多但南沙港出地鐵站要駁多程巴士
直通巴價錢平一半有多
似乎同F1版啲建議差唔多
少十五分鐘
開行turbo 行42節可能得？
提速15分鐘?
可能係換船囉﹐另一可能係現時的船未開到最快﹐仲有加速的空間(但燃料方面會用多左)。
另問﹐CKS隻新船(金珠湖)極速係幾快?
得啖笑
早興4月1日起已經停辦九龍-南沙航線，衣家所有班次轉曬俾蓮花山客運做“九龍-南沙-蓮花山”嚟行、
早興代理嗰幾條南沙XX號船，停航前得翻南沙11同68系正常行緊，其他船隻不知所踪
衣家呢南沙11差唔多夠鐘退役，而南沙68就租咗俾珠海補充運力走港珠線，公司已經安排外表同內籠翻油，大概6月份咁上下復出啦
所以話南沙想做到珠海線點點鐘有船搭，都睇下CKS有冇出到咁多船先算
本帖最後由 kei_hk 於 2017-4-19 16:18 編輯
PZR58 發表於 2017-4-19 14:43
得啖笑
早興4月1日起已經停辦九龍-南沙航線，衣家所有班次轉曬俾蓮花山客運做“九龍-南沙-蓮花山”嚟行、
南沙蓮花山﹐2間公司都相爭左多年﹐一直都係蓮花山客少D的﹐直到廣洲地鐵通番禺市橋﹐蓮花山藉此接駁車程較短的優勢﹐才爭回唔少南沙客。
2間公司爭左多年﹐客量大家都有高低互換角色﹐最終CKS 總算涯得住。
未來二至三年﹐坐船上去都仲叫有得做 (當然唔係淨係講南沙區的客﹐而係講整個番禺區周邊地區)﹐但係當香港高鐵開通之後﹐香港可直達廣州南站﹐又會唔會又一次大洗牌﹐連CKS 都做唔住?
除非﹐南沙的客源有大幅度增加﹐可以支持得到一條航線啦。
珠海(及澳門)方面﹐我都放長雙眼睇下大橋開通之後﹐有幾多人轉投坐車﹐要cut幾多航班。
PZR58 發表於 2017-4-19 14:43
得啖笑
早興4月1日起已經停辦九龍-南沙航線，衣家所有班次轉曬俾蓮花山客運做“九龍-南沙-蓮花山”嚟行、
早兩日撘南沙回鄉，南沙68同18都喺南沙港執緊。至於話不嬲南沙客多過蓮花山，十年前可能仲係，南沙搬新客運港後每況愈下，近幾年被蓮花山超前，數據一查海事處網就知。原因無外乎新港太遠，無乜接駁。 sls19957 發表於 2017-4-19 19:46
早兩日撘南沙回鄉，南沙68同18都喺南沙港執緊。至於話不嬲南沙客多過蓮花山，十年前可能仲係，南沙搬新客 ...
十年前﹐南沙普遍真係客多過蓮花山﹐真係基於船快﹐同埋班次密。而且接駁巴士又做得好﹐去好多地方 (真係完勝蓮花山)。
但係你都講了搬了新碼頭﹐再加埋廣洲地鐵通番禺﹐近蓮花山﹐CKS自此積極左﹐加左班吸客﹐都吸到些少去廣洲的客。
自此﹐南沙的客又有部份因此過戶。
真係風水輪流轉。
新聞講話想增加航班﹐我都係當笑話睇﹐放長睇下高鐵通香港後﹐有幾多人轉坐高鐵去廣州南站。
所謂的廣州南站﹐咪即係番禺囉;P
有無咁大需求呀?
sls19957 發表於 2017-4-19 19:46
早兩日撘南沙回鄉，南沙68同18都喺南沙港執緊。至於話不嬲南沙客多過蓮花山，十年前可能仲係，南沙搬新客 ...
18做緊乜野唔清楚，今年2月之後已經track唔到運行data，不過按照大陸25年強制報廢年限，11同18都係已經係夠鐘等收檔（11係92年出廠，18係93年，source：昌記），而68遲D等外判招標完就會送去中山潤航船廠翻油，珠海呢頭話預計6月份就有得出來見客，畢竟98年出廠嘅仲可以玩到2023年
始終覺得，南沙作為自貿區，發展得太慢，有排都做唔到區長提議嘅密度咯
kei_hk 發表於 2017-4-19 23:04
十年前﹐南沙普遍真係客多過蓮花山﹐真係基於船快﹐同埋班次密。而且接駁巴士又做得好﹐去好多地方 (真係 ...
今年年底（甚至可能提前）廣州地鐵四號線就會延長至南沙客運港，會不會是想趁機搶回早年流失去蓮花山線的客？
遲啲有埋18號線，南沙去廣州東站只需要半個鐘
頁:
[1]
2