九巴準備提供電車免費轉乘, 新城又會否提供呢？
本帖最後由 CharlieSnoo@FB 於 2017-4-23 23:19 編輯九巴在今年7月1日新專營權開始後，將提供部分路線電車免費轉乘，新城又會否提供呢？因為新城大西北免費轉乘大都以10號北角碼頭為終點，往鰂魚涌後就要轉車並付全費才可到達。如果伸延免費轉乘往鰂魚涌後，新城又未必願意，減少收入。我認為如果免費轉電車又未必會流失收入，因為電車速度不快和沒有冷氣，對新城競爭相對少，反而可以為乘客增值了選擇。當然要快要冷氣往鰂魚涌後，必是付全費啦。
你認為新城會提供免費轉電車嗎，抗衡九巴勢力？
抗乜鬼嘢衡呀
969加埋電車錢先貴968三毫子
電車多年來都係新城競爭對手, 寧願俾免費轉A12都唔會免費轉電車, 去幫電車增加客量. JC8385 發表於 2017-4-23 23:26
抗乜鬼嘢衡呀
969加埋電車錢先貴968三毫子
同樣理論亦適用於962 VS 960/961
電車對新城影響多大？ 有實際數據嗎？ 最大不是港鐵嗎？ CharlieSnoo@FB 發表於 2017-4-23 23:47
電車對新城影響多大？ 有實際數據嗎？ 最大不是港鐵嗎？
有電車的地方就有新城, 等於完全重疊, 電車近年提升舒適度和行車速度, 也是競爭一部份.
九巴獨營線在港島的網絡遠遠比唔上新城, 而九巴同新城之間亦係競爭對手, 尤其在過海線可見一斑, 九巴同電車聯手搞優惠正常不過, 並唔需要講新城最大競爭對手係咪港鐵, 佔幾多百分比更加冇需要知. 如果電車影響大，我相信九巴不會益電車，就算968只去到天后，也可以遲早分拆613，經東廊天后落橋在銀幕街附近設站，再源英皇道往筲箕灣，這樣便cover左港島東了。 其實呢個 Topic 有咩討論價值？兩者經營環境唔一樣，
點解一間公司做既野，另一間公司一定要跟呢？九巴又唔學新城加少o的價？
九巴獨營線o係港島網絡有限，過海線本身雖然未必同新城直接競爭但始終係同一市場，
兩家無可能合作搞轉乘，先打無利益衝突既電車主意。
你話九巴自己獨營線轉獨營線唔係唔得，但班次唔得嘛，你 613 基本班次成 20 分甚至去到 30 分，點同電車比較？
套用返相同處境，
如果新城真係要搞類似轉乘，
目標應該要係搵九龍新界既短途專線小巴線，俾 682 694 930 962 927 969 970 971 做駁腳，而唔係同自己主場都打緊既電車分客。
睇過下呢位師兄近來嘅post, 有D都係得啖笑
我覺得喺大西北坐得車出去, 應該都冇乜閒情去特登轉電車掛....要轉車去鰂魚涌打後嘅係俾多幾蚊搭鐵或者相關巴士好過, 應該會快過電車幾多下, 真係貪電車夠風味咩
再者學師兄話齋, 新城唔會特登攞舊石頭揼自己隻腳掛, 大家行埋同一條路, 無理主動叫人搭對家, 叫人搭電車嘅協同效應都幾低下
613剛剛開線就講到分拆, 未免太快掛, 同埋你講嘅分拆係特登兜一個圈落去天后返轉頭, 到時鰂魚清打後嘅客會唔會搭返地鐵仲快呢?
其實如果唔係專營權到期，加埋政府威迫利誘，
九巴都冇咁得閒同電車攪轉乘啦
要攪既1997一早攪左啦，使鬼等到2017咩:lol