本帖最後由 kitarolo 於 2017-5-10 03:42 編輯
HV9990 發表於 2017-5-10 00:04
根本正常無阻礙之下水壩段路
35-45秒已經行完條路係咪上面
有人講既咁長呢？
#5引用連結已經講
一定會有司機以為在
郊區而博大霧衝紅燈,
又唔能夠整到呢條路在
違規時罰得特別重……
無錯,重型車過壩無
對頭車,都係一分鐘之內,
但用日常修路嘅單排行車
去考慮就明,除非係其中一端
紅燈時,就沒有其他車加入排
在隊尾,否則排頭位嘅肯定等候
時間在可接受範圍,或者說明顯
睇到自己過到,先會揸過去,後面
N部車肯定視線不直接,加埋等得
太耐,衝燈機會係高得多。
住得大潭道非富則貴
但揸得車大都會自律
禮讓,以我所知附近有
國際學校連冠忠都會行,
問題在於假日司機,唔識讓
真係點整都無用,一係就真係
學#7建議,決絕啲全日改單程。
嶼南道路都是私家車
班人諗出嚟話要開放,
因為有年繳牌費即是用
緊公帑去維修道路……
俾一張幾年前影嘅相
大家睇下,希望最終無
妨礙消防執行職務。
HV9990 發表於 2017-5-10 00:04
其實可以裝紅綠燈+重型車感應器，平時得私家車就長綠
當感應到有重型車差唔多駛到時，兩邊先轉紅
然後等水 ...
當你係45秒行得完這一段路﹐2邊紅燈的時間(等另一邊轉燈的時間)﹐一定唔可以係45秒﹐要再加入緩衝時間﹐以防有車真係行得比預期慢(包括有意無意的衝燈尾)﹐大既要1分鐘。
之後﹐又要睇你每次綠燈放車時間﹐要放幾耐車。
我例子用1分鐘。
假設﹐我係送燈尾﹐我要等轉燈的時間如下:
1 分鐘 (等剛放行的車去到另一邊)
1 分鐘 (對面線燈的時間)
1 分鐘 (等對面的車行晒過來轉綠燈)
即係﹐每次送燈尾都要等3分鐘才可以開車﹐但係當中只係有1分鐘時間放車。
閒日問題都不大﹐但去到假日要等成3分鐘才放行1分鐘﹐唔知交通流量又會點?
這支燈的作用又幾大?
好似片中的駕駛者技術而言﹐隨時2部車身較大的私家車對頭行﹐都已經收到慢晒。
如果裝紅綠燈只係供有大車通過才用﹐便要再增加等候轉燈的時間。
又或者都係要有大車到﹐2邊都要紅燈﹐等中間清晒車才放大車行。如果唔係﹐一樣面對中間卡死的問題。
這個過程又隨時2-3分鐘才可放到大車開行。
總之問題多多。
除非﹐有一套非常人工智能的系統﹐而且要非常可靠﹐可以好靈活去控制幾時轉燈 (即係細車便2邊都放行﹐有大車將至便已經截停另一邊的車)。
但我唔係太相信可以短時間內可以有現成產品面世。
kei_hk 發表於 2017-5-10 10:09
當你係45秒行得完這一段路﹐2邊紅燈的時間(等另一邊轉燈的時間)﹐一定唔可以係45秒﹐要再加入緩衝時間﹐ ...
係路面下放個測重既又得
好似以前新田圍咁放個laser度高又得
有心做既其實好多方法既好似係
Snoopy@FB8617 發表於 2017-5-10 11:10
係路面下放個測重既又得
好似以前新田圍咁放個laser度高又得
有心做既其實好多方法既好似係
要睇可靠程度﹐如果系統測唔到重型車﹐部重型車去到水霸位咪永世都唔會轉燈?
例如測重﹐如何確保汽車一定會所有車輪都在感應裝置的範圍上駛過?
這些地方路窄﹐好多時都會跨越另一邊行車線﹐變相會唔準確。
測高 : 重型車/闊身又唔一定係高﹐同埋會唔會受其他外來因素影響到? 會唔會掃埋另一邊行車線?
如果將石澳道至大潭水塘段大潭道劃做類似澳門澳氹橋之公共交通專道（只容許巴士、的士、小巴駛入），點看？
mak5052 發表於 2017-5-10 11:43
如果將石澳道至大潭水塘段大潭道劃做類似澳門澳氹橋之公共交通專道（只容許巴士、的士、小巴駛入），點看？ ...
大潭道沿線都有居民的﹐而且沒有代替道路 (視乎你所指的公共車輛專區有幾大)﹐所以好難實行。
要實行﹐改做單向行車的方式會比較容易。
(專利巴士及相關居民可申請通行證不受單向行車限制)
kei_hk 發表於 2017-5-10 11:51
大潭道沿線都有居民的﹐而且沒有代替道路 (視乎你所指的公共車輛專區有幾大)﹐所以好難實行。
要實行﹐ ...
我的建議公共交通專道，由石澳道口開始，在大潭水塘道交界為止，沿途沒有人居住，不會有問題（紅山半島、浪琴園私家車仍可由赤柱出入）
重新考慮81幹線,連接柴灣至大潭
mak5052 發表於 2017-5-10 11:57
我的建議公共交通專道，由石澳道口開始，在大潭水塘道交界為止，沿途沒有人居住，不會有問題（紅山半島、 ...
其實好簡單﹐在2個位置放路牌﹐話不准駛入﹐同時話專利巴士及有許可證者除外。
2個位置不別係石澳道入口﹐另一個係水霸石澳一邊的入口(或之前的一個路口位)。
第一個牌(石澳道入口)﹐基本上已經欄晒所有外來車輛進入。
第二個牌(即水霸入口)﹐只係補飛性質﹐預防有高手在這一段路調頭/有路口等因素﹐避過第一個路牌限制。
其他外來車﹐一律由赤柱一邊進入。
大致上單程行車﹐唔會出事啦。:lol
再加紅綠燈配合已經成熟的探測車輛方法﹐只要有車在水霸(石澳一邊進入)入口指定位置等候約15-30秒﹐便在對面轉紅燈截車。
平時係2邊都係綠燈﹐只要司機覺得係過到﹐便可直接通過。大車便可以在指定位置 call 轉燈﹐便可順利通過。
探測車輛的方法﹐有地下線圈(影衝燈相機﹐停車場閘口等地方已經應用多時)﹐亦有紅外線熱能深測(交通流量低的臨時修路用的交通燈已經有應用﹐要探到有車才會轉燈)。