《可持續大嶼藍圖》相關鐵路建議
政府今日公佈了《可持續大嶼藍圖》有關鐵路建議如下：
1)2023-2030年沿東涌綫新增鐵路車站：東涌西站、東涌東站、小蠔灣站
2)2030後連接新界西北-大嶼山-都會區-傳統商業核心區的策略性鐵路(屯門南-港珠澳大橋香港口岸-東涌東-都會區-港島)
3)規劃南北運輸走廊：新界北策略增長區-新界東-九龍西-都會區
歡迎討論鐵路走綫細節
本帖最後由 ryandroid 於 2017-6-3 23:32 編輯
以下係小弟建議
A.建議2020年後優先興建南北運輸走廊(新界北至九龍西段)
舒緩沙中綫通車後
東鐵綫因減卡而造成沙田至大圍段提早飽和的問題
以及於上水/粉嶺新市鎮(上水北/聯和墟/華明)及大埔新市鎮(大埔超級城)增設新車站
以改善東鐵綫走綫未能覆蓋多個人口密集的住宅區的歷史問題
並於古洞站、大埔墟站、沙田站、大圍站、深水埗站、南昌站設轉乘
直接舒緩大圍、九龍塘、太子多個轉車站轉乘繁忙的情況
使沙中綫南北走廊紅磡至會展段能夠有更多剩餘載客量
應付下面將會提到的沙中綫南北走廊延綫
車廠建議設於南昌站長沙灣副食品批發市場或上水北天平山村一帶
B.而新界西北-大嶼山-都會區-傳統商業核心區的策略性鐵路方面
建議政府分拆落成
2030年前先將西鐵綫從屯門站伸延至東涌東站
中途設屯門南站及香港口岸站
C. 待政府開始為東大嶼填海時
建議政府將沙中綫南北走廊從金鐘站伸延至東涌東
途中設中環南站、香港大學站、東大嶼(不止一個車站)、小蠔灣站、東涌東站
好處係無論港島綫、北港島綫(包括將軍澳綫)、南港島綫東段、南港島綫西段乘客都能夠經金鐘或會展轉乘快速到達東大嶼、北大嶼山
九龍城、油尖旺、黃大仙乘客同樣可經紅磡站轉乘快速到達東大嶼、北大嶼山
在東涌東轉乘更可到達香港口岸及新界西北
幫手分流東涌綫及西鐵綫的乘客
同時避免西港島綫形成樽頸
南北走廊延綫車廠可設於東大嶼都會或擴建小蠔灣車廠應付
本帖最後由 20160424 於 2017-6-3 23:35 編輯
我真心希望佢起返1994年西部外走廊版本，即擬建十一號幹線，屯門＜＞小欖＜＞欣澳＜＞東大嶼＜＞港島（全長約22公里）咁樣搭鐵屯門四個字已經出到港島
本帖最後由 ryandroid 於 2017-6-3 23:43 編輯
20160424 發表於 2017-6-3 23:31
我真心希望佢起返1994年西部外走廊版本，即擬建十一號幹線，咁樣搭鐵屯門四個字已經出到港島
...
十一號幹綫同西部外走廊好似係兩樣嘢
前者係道路
後者係鐵路
十一號幹綫走綫依家應該都大致走綫定實
西部外走廊就會變化大啲
無論獨立成綫定分拆營運
走綫經邊幾個站
兜唔兜梅窩、喜靈洲都係未知之數
個人建議唔經梅窩、喜靈洲
直去交椅洲可以補嘗返屯門人要喺東涌東轉乘嘅時間
梅窩-喜靈洲-交椅洲另建新鐵路接駁
講真如果政府真係屬意香港口岸向西南伸延至東涌東
我唔明點樣可以300度轉彎去東伸延去梅窩or交椅洲
本帖最後由 ryandroid 於 2017-6-3 23:56 編輯
20160424 發表於 2017-6-3 23:31
我真心希望佢起返1994年西部外走廊版本，即擬建十一號幹線，屯門＜＞小欖＜＞欣澳＜＞東大嶼＜＞港島（全長 ...
不過政府多數唔跟1994年版本起
政府似係想將東涌東取代東薈城一帶變做東涌真正嘅市中心
配合返鄰近香港口岸同機場站嘅中心點
有機會變咗四綫交匯
包括東涌綫、機場快綫、屯門-北大嶼鐵路、北大嶼-東大嶼-港島鐵路
我反而最想將黃埔站延伸至北角喎
使來往港島東及九龍中時間縮短, 及分散荃灣線過海人流
本帖最後由 20160424 於 2017-6-4 10:38 編輯
ryandroid 發表於 2017-6-3 23:55
不過政府多數唔跟1994年版本起
政府似係想將東涌東取代東薈城一帶變做東涌真正嘅市中心
配合返鄰近香港口 ...
咁樣起既話又係另一條兜大圈既西鐵，屯門出市區搭巴士依然係首選，多左屯赤同十一號幹線做分流，唔駛行汀九，屯公塞車機會又細左
另外，由屯門伸延至北大嶼交比東西線做，會否超出當初既設計負荷？？？
可能因為研究緊將來會點接駁屯門南站，所以搞咁耐都唔出爐 ryandroid 發表於 2017-6-3 23:55
不過政府多數唔跟1994年版本起
政府似係想將東涌東取代東薈城一帶變做東涌真正嘅市中心
配合返鄰近香港口 ...
其實將嶼東線分段興建，又點睇，大致方式如下：規格：市區線制式（但最高速度為120km/h）
第一期：東涌東 - 港珠澳 - 博覽館 - 屯門南，東涌東站設聯絡線，借小蠔灣廠檢修
第二期：有兩個方案
方案一：東涌東 - 梅窩 - 喜靈洲 - 交椅西 - 交椅南 - 堅尼地城（直通港島線柴灣站）
方案二：方案一進入港島後，行干諾道，石塘咀 - 上環 - 添馬（直通將軍澳線）
第二期在交椅洲人工島設立車廠，與東大嶼都會至九龍線共用
附：嶼東九龍線、新南北走廊建議
嶼東九龍線
制式：市區線制式
路線：交椅南 - 交椅東 - 昂船洲 - 南昌 - 太子 - 九龍城 - 鑽石山（直通東九龍線）
新南北線
制式：如西鐵線，八卡
路線：昂船洲 - 美孚 - 大圍 - 沙田 - 大埔墟 - 富亨 - 聯和墟（分出支線） - 鳳溪 - 古洞 （直通北環線）
支線：聯和墟 - 坪輋 - 香園圍（蓮塘口岸）
車廠建議設在坪輋新市鎮內
EC1588 發表於 2017-6-4 00:18
我反而最想將黃埔站延伸至北角喎
使來往港島東及九龍中時間縮短, 及分散荃灣線過海人流
...
係好嘅
我都想
不過要排隊
沙中綫落成後
四條過海鐵路距離全面飽和仲有段距離
到差唔多飽和政府又會起屯門-北大嶼-東大嶼-港島鐵路
荃灣綫有沙中綫、東涌綫、同東大嶼新鐵路分流
荃灣綫終極飽和及觀塘綫黄埔過海段嘅日子似乎遙遙無期
反而將軍澳綫會更快飽和
沙中綫落成後
應該先盡快規劃觀塘區-東區過海鐵路
去分流將軍澳綫
20160424 發表於 2017-6-4 10:18
咁樣起既話又係另一條兜大圈既西鐵，屯門出市區搭巴士依然係首選，多左屯赤同十一號幹線做分流，唔駛行汀 ...
咁咪仲好
如果分拆營運
長遠令屯荃鐵路上馬機會就會大返啲
西鐵當然應付到啦
西鐵最繁忙路段係錦上路之後
繁忙時間東行(烏溪沙方向)係多咗批東涌客、機場客同港珠澳大橋客
不過止步於元朗/錦上路
佢哋冇可能屈上元朗落荃灣西
西鐵最繁忙路段係錦上路之後
充分利用咗元天洪屯去到錦上路之前嘅剩餘運載能力
再者
西鐵伸延去東涌東
講真將來東涌同港珠澳大橋有幾多人早繁去元天洪屯甚至古洞、落馬洲、上水？
依家E33、E34系早繁北行冇特車之餘其實正綫都坐唔滿吧
我諗唔使擔心西鐵伸延去東涌東嘅問題
依家香港口岸條鐵路入東涌東
如果西鐵伸延就會喺東涌東嘅東面上岸
如果屯門-北大嶼-東大嶼-港島獨立成綫
就會兜去港珠澳大橋香港接綫地底伸延去東涌東
但要應付唔少技術問題
主要係走綫如何兼顧港珠澳大橋香港口岸非管制區範圍位置及東涌東站位置
其餘包括兼顧屯赤海底隧道及港珠澳大橋香港接綫穿觀景山之前嘅地下行車隧道等
東涌東嘅東面上岸嘅話會簡單啲