以前有好多特快線，搞到變晒做特慢
九巴70嘅前身19開辦嗰陣係特快線，由上水開出，全程沿大埔公路直出獅子山隧道，過獅隧後沿窩打老道直達佐敦道碼頭，只需一小時左右就行完全程。該新增路綫經獅子山隧道行駛，由佐敦道碼頭至上水行車時間約一小時，較諸以往快捷，減少十二分鐘左右
但係呢條線之後就越兜越多地方，1971年已經兜聯和墟，到1982年兜埋大埔墟、禾輋同沙田圍，到1992年以後再兜埋太和同運頭塘，結果最後兜到太迂迴取消收場。
除咗70之外，亦有唔少路線有同樣情況，越兜越多地方。好似N241最初開線叫241S嗰陣，行完青衣之後就行高速公路特快直出美孚，之後就行44嗰條路去旺角火車站，除咗行經青衣南之外服務範圍同44分別唔大。但係呢條線之後又兜青山道取代206S、又兜荔景、搞到啲人都唔係太願意再搭啦。
85K最初開線嗰陣就係由恆安邨特快直出富安花園，但係1997年之後就越兜越多地方，而家變成咗由86K取代當初85K嘅角色。
68A情況都一樣，當初係朗屏直出屯門，唔經元朗市，之後搞搞下兜完元朗市之餘兜埋洪福邨，搞到朗屏啲客都唔太願意再搭啦。
N969改道重離譜，好好地行洪福邨入天水圍就好啦，係都要兜埋屏山。
點解啲巴士路線下下要兜路趕客？啲線越搞就越臭，搞到啲人搭晒鐵先安落。 85K都畀你形容為「特快」真係笑咗 ;P 點夠東西快線被建議兜落電車路精彩？將僅有$8都趕走埋，都唔肯承認當年錯誤取消快線。 要大包圍就係咁 N260簡直係表表者屯門全包宴 :lol
本帖最後由 miklcct 於 2017-7-19 10:37 編輯
Choi 發表於 2017-7-19 01:11
點夠東西快線被建議兜落電車路精彩？將僅有$8都趕走埋，都唔肯承認當年錯誤取消快線。 ...
呢下真係精彩啦，重要唔行東區走廊整個5.2分段即係變相18復活，唔使再旨意有客西環上車啦。
咁有部分快線因為有更快嘅路，要開新線，令舊線變成慢線，點計？
89 VS 89X
74A VS 74X
miklcct 發表於 2017-7-19 10:33
呢下真係精彩啦，重要唔行東區走廊整個5.2分段即係變相18復活，唔使再旨意有客西環上車啦。
...
有，$2客去大會堂囉 TankKingEH9697 發表於 2017-7-19 10:11
要大包圍就係咁 N260簡直係表表者屯門全包宴
N260都未算精彩呀，起碼無行到富泰嗰段青山公路，而係喺屯門公路設站當做咗，更加無喺屯門至荃灣之間行下路。同樣道理N241都唔大必要兜上荔景山，行下面葵涌道整荔景邨同葵涌交匯處兩個站當做咗都得啦。
另外至於喺屯門公路工程期間N962無比人乘機拉埋落深井我真係覺得出奇啦。N962本身已經要兜入大欖涌，咁與其返轉頭上高速不如慳里數直行深井好過啦。又話者等睇將來N30(S)到洪水橋發展嗰陣又為咗慳里數拉埋落洪水橋。嗱呢啲唔係兜路呀，只係順路經過整站咋。
本帖最後由 miklcct 於 2017-7-19 10:54 編輯
PKD32 發表於 2017-7-19 10:45
咁有部分快線因為有更快嘅路，要開新線，令舊線變成慢線，點計？
89 VS 89X
74A VS 74X
89而家都重係快線，沙田市中心直出九龍，快過89X。
至於74A呢，唯一兜路嘅地方係運頭塘，其實喺熱狗年代都重係好好地，可以話係大埔公路沿線出九龍嘅快線（同70、72差唔多），只係因為中大火車學生優惠連同全冷加價先變成咁。當年74A呢等路線非繁忙時間都只係19至20分鐘一班，而家求其一條路線都閒閒地20分鐘一班。 284 發表於 2017-7-19 00:55
85K都畀你形容為「特快」真係笑咗
85K定位根本唔係特快線
不過85K能稱得上「特快」係因為當年車手太多
江湖傳聞當年9分鐘行晒既紀錄，到底係真定假?