s121424 發表於 2017-9-25 12:31
風水輪流轉，前幾年鬧九巴垃圾服務，九巴就進下步咁啦，新城不進步咪好似退咗步啦
1.ETA 搞咗咁多年仲喺得 ...
過多幾年新城搞掂ETA又會到番九巴比人鬧架喇:lol
跳飛機才是致命原因吧？:o
新城而家有兩大問題
1. 管理問題
最基本，價錢方面，我到而家都仲未明點解中環去筲箕灣可以貴過中環去小西灣，而且可以維持咗咁多年都冇諗過要去解決。今次加價我希望佢可以解決，不過應該都只係希望。另外，當盤數開始出現問題嘅時候，做嘅嘢唔係申請加價，而係不停咁cut平嘅路線，迫人上啲貴嘅路線，呢個手法好有問題，最主要係好樣衰。希望佢今次加完價之後可以正視呢個問題。
另外印像中佢而家嘅車隊數目其實未達到政府嘅上限，不過為咗慳錢慳車，所以用跳飛機嘅形式刪減咗好多嘅車輛。但係希望佢明白，車係會壞的，入多啲 並唔係一件太大問題嘅事（反正你都冇咁多司機去渣）。但係如果你唔入多啲車，當一出現意外嘅時候，就完全冇車用。好似依家咁樣，一塞車基本上就所有路線都大亂，十個茶壺三個蓋，點搞？另外司機嘅待遇亦都唔算太好，人工偏低、工時過長，呢啲都係需要正視嘅問題。
2. 公關/形象問題
我唔明點解係一個資訊發達嘅年代底下，兩間公司可以連一個facebook專頁都冇。你希望點樣同市民溝通？另外其實大家都好明白，港鐵站其中一個作用就係比人穿過，但係你都冇可能講到出口叫人哋喺利東邨穿過地鐵站落去大街坐巴士掛，講出嚟十分樣衰。另外上面亦都提及到，為咗賺多啲錢以陰乾平嘅路線，依個做法亦都好核突。更加重要嘅係，你為咗顧全面子，而強行取消一條大家都好鍾意、你自己亦落力宣傳嘅捷徑王，去挽留一條大家都唔想見到嘅18X，呢個根本唔係顧全面子，而係丟架。
另外其實大家都明白，A21私底下加咗好多班車，加上路面越嚟越擠塞，未必有足夠嘅A車都正常嘅。但係市民最希望見到嘅其實都只係一個紅色嘅車輛，有wi-fi、有大嘅行李架就算。既然係咁點解唔求其搵幾㗎幾好樣嘅車改裝咗用住先呢？咁樣至少區議員冇辦法出聲入你，觀感上亦都叫做交足功課出整紅車。但係你就將個責任推曬落去架車早咗退役、未有咁多時間完成招標程序。咁樣做出嚟只會令到區議員有更加多嘢講，而不會將個問題解決到。班濕鳩區議員只係見到佢眼見嘅嘢，唔會理會你有咩苦衷、做緊啲咩、做過啲咩，咁倒不如求其搵啲嘢塞住佢對眼仲好啦，何必做咁多嘢出嚟令到區議員有更加多嘅爭取事項以充實自己嘅政綱呢？
如果依間公司仲想生存落去，麻煩你第一步開辦一個新嘅facebook專頁，高調地宣傳自己成立一個專責小組又或者派咗人落去同司機進行溝通交流，並且盡快推出一個改善司機待遇嘅方案，最重要係推出嘅時候緊記放上facebook專頁做宣傳 。另外班次變成定點，同埋不停宣傳自己嗰套比對家準時但係永遠唔出現嘅ETA系統，等市民知道其實你係有做緊嘢，而且感覺上加完價之後好似做得快咗咁樣，由觀感上面改善公司嘅形象，從而再將管理嘅問題收藏又或者逐步調整。但係你形像一日唔改善，你做幾多嘢都冇人會知道。
唔信嘅可以睇下對面海嗰間公司，我又唔覺得佢嘅管理好好、對員工待遇十分優良。但係佢只需要做好一個形象工程，已經可以挽回市民對佢嘅信心，甚至有市民可以覺得佢嘅管理問題係會逐步逐步改善，等三五七年就OK。點解新城會比人批評管理不善，更加重要嘅原因係因為佢從來冇諗過要去處理自己嘅形象問題。所以第一步要進行形象工程，其次再改善自己嘅管理模式。
基本上城巴換咗新創建做老闆後就已經開始走下坡
講起城巴ETA就火滾
自從東區批91XX送左去南區之後，25A成日拎南區批冇ETA嘅大9，結果ETA經常出事，一系就話服務時間已過，一系就話系統故障果D野，或者俾錯的時間，好似上個禮拜坐25A，話41分有車，結果32分就黎到，不過係南區大9，既然咁唔準，我真係寧願佢取消ETA，等D車裝好曬先開翻
講到派車好似打機咁簡單，廠有車都唔代表立刻可以幫到手