brianso198 發表於 2017-9-26 21:22
簡單一句,
根本呢間野做得最錯既就係公關...
咁老老實實
城巴一路以黎除左flyer同電車真係冇乜搞過d公關野出黎
本帖最後由 brianso198 於 2017-9-27 04:12 編輯
brianlhm 發表於 2017-9-26 21:53
我係講緊表定班次
講實際班次有邊間公司開得足
實際班次開唔足係成日都發生緊，
講就廿二實際可以兩三班短棍先開到班灣仔車。
講表列新城好多好美好，
咁實際呢？
一日半日開唔足無所謂但2A下繁西行個case開唔足車問題好嚴重。反而東行都仲還好但正線同短棍都唔夾班次。
PB602 發表於 2017-9-26 19:12
單憑呢一點咪證明新城資源錯配晒囉！
要玩點對點的話，駛咩靠新城App？我裝個好似Citymapper之類嘅Third ...
聞說新城點對點搜尋將會同ETA有關聯, 人哋當初準備擴展ETA時, 已經有計劃重新整過個點對點, 預備將來同ETA結合, 唔係無啦啦搞搞下呢樣又搞嗰樣
第時有ETA, 點對點搜尋應該會再更新, 喺未有ETA前只能夠以過往行車數據提供搜尋結果
但係如果依家新城唔搞好個基於行車時間ge點對點搜尋 (尤其是分支路線) ge話, 將來同ETA結合可能會非常困難同花上更多時間, 到時又俾人話落後其他國家/第三方app
至於 閣下所提到ge第三方app, 係有第三方app整ge點對點功能做到類似新城app咁俾人輸入出發日期時間
不過如果將來巴士公司唔將實時數據交俾第三方app, 似乎呢啲第三方app點對點搜尋結果只可以基於過往行車數據
睇個勢似乎結合ETA同點對點搜尋只能夠依靠巴士公司
brianso198 發表於 2017-9-27 04:00
實際班次開唔足係成日都發生緊，
講就廿二實際可以兩三班短棍先開到班灣仔車。
brianlhm版友係講緊如果將所有分支路線拆做獨立路線, 時間表就會顯得班次疏落
就好似路線14咁, 由嘉亨灣去赤柱市集, Moovit個時間表係show唔哂所有分支ge開出時間, 只係show咗路線14之2號行車路線開出時間
其實重有06:40同07:40呢兩班 (3號行車路線), 都可以去赤柱市集, 只係額外繞經監獄, 不過Moovit好似當係另一條路線, 冇show呢兩班出嚟
咁咪比人錯覺, 以為去赤柱市集個班次可以疏到30分鐘甚至40分鐘一班
點會經營不善?
從來都無管理.
本帖最後由 brianso198 於 2017-9-27 09:37 編輯
Mueller 發表於 2017-9-27 08:48
brianlhm版友係講緊如果將所有分支路線拆做獨立路線, 時間表就會顯得班次疏落
就好似路線14咁, 由嘉亨灣 ...
問題係佢拎2A嚟做例子。
但2A講緊嘅程度係連14果種表列班次都做唔到。
14果隻佢定線多但衰極都仲識寫出嚟話畀大家聽邊班車點行，而呢條線啲班次都算係準時。
2A果隻只係話架車只去銅鑼灣，官方只係講最疏22分鐘一班，（豬紙根本只係寫咗某個時段去銅鑼灣）
實際條線可以成30分鐘（甚至30分鐘以上）都無車出灣仔。
咁點解唔直接寫出嚟話畀人知？
獨立拆出嚟14嚟講我唔係覺得最有必要，反而9號假日班次獨立拆出嚟必要性隨時仲高過14。
Mueller 發表於 2017-9-27 08:35
聞說新城點對點搜尋將會同ETA有關聯, 人哋當初準備擴展ETA時, 已經有計劃重新整過個點對點, 預備將來同ET ...
新城好叻叻，一早推出個可以配合到ETA嘅點對點搜尋，但就無ETA用。
如果管理層真係咁諗，就真係管理不善，因為資源分配錯、緩急次序錯，對乘客嘅服務需求瞭解錯。路上每一位（係每一位！）巴士乘客都想知道下班車幾點嚟，但只有少數乘客需要用路線搜尋。
再者新城啲嘢真係算把啦，你試吓Search北角新光戲院去中環置地廣場呢個咁普通嘅車程，個App嘅建議路線順序係619、690、18P、A11、最後就係10、2、18X，個目的咪又係坤你坐貴價線唔鼓勵乘客坐流水線囉，A11排得仲前過10！（不過18X排最尾係咪算好厚到？）
PB602 發表於 2017-9-25 20:28
唔準你地話城巴個ETA，人地研究多年，用衛星定位再計埋路程，係全香港最準確嘅ETA，你九巴嗰啲流嘢就唔好拎出嚟同新城比。仲有仲有，如果以路線為單位的話，新城出現ETA不準確嘅路線，數目上係遠比九巴為低。九巴認命把啦，講ETA你唔夠新城玩㗎啦！
師兄吾好意思有感而發抽下水。
唔準你地話城巴個 Service，人地辛苦經營多年，用人唯才高層貼地資源分配準確無誤，係全香港營運最佳巴士公司，你九巴得一個 9A 就吾好拎出嚟同新城比。仲有仲有，如果以乘車困難為單位的話，新城出現服務不足既路線 (班次及路線 Cut 得就 Cut)，數目上係遠比九巴低。九巴認命把啦，講 Service 你唔夠新城玩㗎啦！
講開公關，今次意外算係咁有個高層出黎講下野，以往班高層有事走佬理得你死。
如理解老闆係咩人，就吾難解釋公關及客戶服務咁差，老闆咩都吾肯比錢，高層又要攞奬出 Bonus 咩都 Cut 哂你佢自己食哂，仲有幾多 Resource 比後防?家陣聽電話仲係香港聽算係咁，遲 d 可能吾知邊個貼地高層諗個 Project 將 CS 外判兼搬上大陸轉 24 小時每年慳幾多百萬，到時你班公關或 CS Cut 多大半人啦.
PB602 發表於 2017-9-27 09:43
新城好叻叻，一早推出個可以配合到ETA嘅點對點搜尋，但就無ETA用。
如果管理層真係咁諗，就真係管理不善 ...
搜尋係可以set時間，以出發時間同行車時間決定result 0既次序
我都過search 到1st option用18X，又試過690，仲有創意性既77+722
可以見到站友提過既搜尋+ETA 係有跡可尋，不過閣下言之有理
Apps default 係出最快路線，無諗過咁多生客鍾意坐慢車慢流，下個version 應該加返可選擇價錢優先同時間優先
ETA上馬後，應該慢慢會有足夠data 去analysis
nwfb23 發表於 2017-9-27 10:34
搜尋係可以set時間，以出發時間同行車時間決定result 0既次序
我都過search 到1st option用18X，又試過69 ...
其實好多坊間App都做到「最快到達」（計算埋班次同車程）、「最短步行距離」、「最平車費」。只要Database整好咗，技術上唔難做Sorting。
但始終對於普羅大眾嚟講，顯示下班車幾時到先係最重要嘅資訊。用番我個例子，就算我無App，我喺新光戲院行去個巴士站搵吓乳豬紙，起碼大約都會知道咩車去到中環。但乳豬紙唔會話俾你知下班車幾時到，因為新坊個班次表係得嗒笑。
再進一步睇，而家無ETA，明知去巴士站係等運到，根本一早去咗搭鐵啦。
另外就算新城個App點對點幾完善都好，問題係只睇到新城啲線，而新城覆蓋又有限。好似如果我喺新光戲院想去安達邨，新城個App根本就連安達邨呢個選擇都無，因此第三方平台做點對點係有優勢，而新城應該專注做ETA。