CRH5
發表於 2018-1-19 23:39
當 ATENU 計，上車頭 50 個客全部都係企，如何處理剩下的座位？要揾條膠帶封住條樓梯同凳？
我夜晚想省錢，打算企返出中環，點知全部車都有位坐，咁個客點算？白等？
長途綫客唔一定坐長途的，今日先見到出荃灣既73X 大埔文娛中心有人落
同埋長途綫有D人好鍾意坐樓梯 ga wor，請問個D客應該收企位定座位價？遇著個D一個人霸兩個位個D呢？坐輪椅個D乘客呢？甚至坐行李架/前輪輪拱個D呢？如何處理？
AV385
發表於 2018-1-20 00:21
本帖最後由 AV385 於 2018-1-19 08:28 編輯
而家咁多兩蚊客長途當短途坐，當第一個比企位錢客上左車，到下一個站有人落左車，我上車時比既係坐位錢，但位就比人坐左，我點先邊個坐左我個位？你唔好話我知停低部車查cctv
又如果已經有十幾個人企緊，但有一個原本坐既人落車，咁個十幾人可唔可以補水換坐位？點決定邊個可以補？又開個cctv睇？
又如果有個臭過屎坑既客上左車，車上又冇位，咁我又可唔可以同車長講叫佢回水？
又如果有個客佢超級畏高唔坐得二樓，但比完錢發現樓下冇位，咁又可唔可以叫車長回水？
又例如有乘客係坐倒頭位會暈車浪，但比完錢發現只係得返倒頭位，又可唔可以回水？
又倒如有乘客勁怕死唔坐得車頭，但比完錢先發現只係得返車頭位，又可唔可以回水？
請答
lsc04d11
發表於 2018-1-20 08:04
直情應該上車拍卡，每張椅都有個電子鎖，要嘟多次先可以Unlock，又可以阻人用袋「坐」兩個位。被d老人家稱為「老人座」既要用長者八達通unlock，輪椅位亦要殘疾人士身份個人八達通unlock
最好就用app安排埋座位，等d長途d既客唔好坐走廊位，好好安排座位
以前o係58M沿途部份站都見有「企位候車隊」，但都係得個排，冇平。
053h4
發表於 2018-1-20 08:12
kitarolo
發表於 2018-1-20 09:09
既然有啲地區得A線無E線
再引伸點解直達機場可以貴
近一倍、青馬A轉E往東涌無
回值(因為無享用到特快……)
建議先在A線試行。
香港黃毛小子
發表於 2018-1-20 09:30
CRH5 發表於 2018-1-19 23:39
當 ATENU 計，上車頭 50 個客全部都係企，如何處理剩下的座位？要揾條膠帶封住條樓梯同凳？
我夜晚想省錢 ...
atenu冇乜可能企到50個客，仲要長途線有大把空凳都唔坐又真係匪夷所思。
夜晚想慳錢但又部部有位坐，咁就冇辦法喇要焗住俾坐位價。
但點都好過依家不論坐位/企位一律收同價。
如果坐位客有空凳唔坐嘅話，代表佢自動放棄坐凳嘅權利。
如果長途線有人當短途車咁坐，落客後剩空凳。咁咪免費俾D企位客坐囉。
照道理應該唔會有人咁做，如果咁做代表佢自動放棄搭全程、坐位嘅權利。
咁咪當益街坊囉，反正佢都係俾左全程坐位價，只不過佢放棄左自己嘅權利咁解。
坐樓梯、行李架、前輪拱明顯違反乘客守則，司機可以叫佢地唔好咁做。
輪椅客有殘疾人士優惠，位位劃一收$2。
AV296
發表於 2018-1-20 10:38
香港黃毛小子 發表於 2018-1-20 09:30
atenu冇乜可能企到50個客，仲要長途線有大把空凳都唔坐又真係匪夷所思。
夜晚想慳錢但又部部有位坐，咁 ...
每個人都有選擇坐不坐的權利，不是由你決定。
你點知頭86客一定會坐滿？你知不知道非繁坐隧巴，有多少乘客來往紅隧和港島第一個站，不是坐，而是企（雖然也有位）。為什麼乘客自己有選擇的權利，但被逼要付貴些？
你點知968灣仔方向，中環一定有人下車，空凳怎麼辦？讓那些企的人免費坐？
有些路線，越夜越少人，越多空凳。想省錢怎麼辦？
真的插你也嘥氣
matchnacu
發表於 2018-1-20 10:39
理論上可收取不同票價, 但比企位價嘅客可唔可以見有位坐時坐呢? 如果比位的話, 對已付坐位價嘅客唔公平, 如果唔可以, 巴士又有機會出現假頂閘, 如果比企位嘅客夾硬坐咗座位, 司機又如何處理, 難道叫佢補錢?如果唔補又如何? 唔通巴士司機停晒成部車,報警話有人短付車資? 請解決到以上問題先。
lwb701
發表於 2018-1-20 10:42
本帖最後由 lwb701 於 2018-1-20 10:44 編輯
不嬲坐巴士坐位都係先到先得嫁啦。
頭站上車有位坐但係要車程長要陪人兜，尾站上車要企但係車程短過頭站上。
咁樣點先叫公平咩叫唔公平？
係囉。點解你老豆唔係誠仔，要唔洗同人迫巴士企頭閘？賴個天唔公平囉;P
呢個世界從來都無公平嫁啦。
同埋呢，你覺得唔公平就唔係唔上車咁簡單就解決到。
IFC天台幫到你，一下你就唔洗再比公唔公平呢個問題困擾到你嫁啦。
cky
發表於 2018-1-21 00:42
徒咁多時間和精神幫架車裝呢樣果樣去收所謂坐位價、企位價，阿茂整餅至極。