港鐵網絡擴展至希斯路機場＋希斯路機場鐵路特集
本帖最後由 tfzoofsss 於 2018-5-22 19:56 編輯港鐵嘅網絡又再擴張，因為倫敦Tfl Rail (未來Crossrail) 往來柏靈頓（Paddington）同希斯路機場（Heathrow Airport）路段正式投入服務，取代行駛同一路段嘅Heathrow Connect同埋Great Western Railway (Paddington - Hayes & Harlington)。
先介紹一下Heathrow Connect，條線係有少少似入機場嘅東涌綫或者成田機場Sky Access，停所有中途站（除Acton Main Line）。佢嘅存在係比較少人知道，因為班次疏落（30分鐘一班），而且只有少量班次入英航基地T5、加上機場同火車站嘅宣傳極少，主要係想谷人坐機場公司營運嘅Heathrow Express（機場快綫）。但實際上T2 & T3去Paddington車程只係23分鐘，慢快線7分鐘，但車費只係£10.30 (HK$113.30)，同快線£25 (HK$275) 相比實在係平一半有多。有時候上Heathrow Connect分分鐘係快過等下一班快線。
https://sites.google.com/site/tflrailpicutrestfzoofss/home/DSC_4055.JPGhttps://sites.google.com/site/tflrailpicutrestfzoofss/home/DSC_4058.JPGhttps://sites.google.com/site/tflrailpicutrestfzoofss/home/DSC_4122.JPG
Tfl Rail就係未來Crossrail (Elizabeth Line)嘅一部分，未來兩段Tfl Rail將會透過穿越倫敦市中心嘅新地底路段連接一齊，要由機場去金融區Canary Wharf實在快一倍有多。
本來Tfl Rail係應該由服務緊Liverpool Street至Shenfield嘅Class 345行，不過因為新車唔能夠適應機場段訊號，所以只會行Hayes & Harlington同Paddington之間（每小時兩班），所以接管初期機場段仍然會用Class 360行，分別只係換咗logo同埋可以用Oyster Card同Apple Pay搭到入機場。
https://sites.google.com/site/tflrailpicutrestfzoofss/home/DSC_4001.JPGhttps://sites.google.com/site/tflrailpicutrestfzoofss/home/DSC_4004.JPG
同Class 345比較，class 360用3+2座位設計同超細行李架，舒適度欠佳，唔太適合行機場線。https://sites.google.com/site/tflrailpicutrestfzoofss/home/DSC_4003.JPGhttps://sites.google.com/site/tflrailpicutrestfzoofss/home/DSC_4095.JPG
Class 345相對上似London Overground，車箱闊落過3+2唔少。呢一款車係英國史上第一款唔再用黃頭嘅國鐵列車，整體上睇落上冇咁悶。https://sites.google.com/site/tflrailpicutrestfzoofss/home/DSC_4091.JPGhttps://sites.google.com/site/tflrailpicutrestfzoofss/home/DSC_4106.JPG
新車起步上比得上地鐵，空間用橫排座位為主，整體上幾闊落。車卡之間唔會再有門阻隔。冷氣亦係咁多款車最涼。同期嘅Class 700同倫敦地鐵S Stock雖然都聲稱有冷氣，但實際上只係夏天冇咁熱。https://sites.google.com/site/tflrailpicutrestfzoofss/home/DSC_4089.JPG
新與舊https://sites.google.com/site/tflrailpicutrestfzoofss/home/DSC_4093.JPG
好多人比較好奇嘅係Tfl Rail到底有冇港鐵嘅元素喺入面。答案係有，不過係唔明顯。港鐵只係負責管理同營運呢條路線，係唔包括車站、列車擁有權，所以無論係車站同車廂都係沿用國鐵同tfl嘅標貼，唔會見到港鐵logo。港鐵logo唯一會出現嘅地方，就好似之前港鐵個廣告咁，show喺員工嘅證件套上面。而車廂廣播雖然唔係好似中國地鐵照搬Dr Cheri Chan嘅廣播入去，而係用倫敦巴士同埋London Overground把聲，但細心留意嘅話，廣播用詞係比較精簡，例如用「Next Station: Ealing Broadway」in stead of 一般火車用嘅「The next station is Ealing Broadway」，或者「We are now approaching at Ealing Broadway」。而停站時係直接講「Ealing Braodway」而唔係「This is Ealing Broadway」，可以話係同港鐵本身比較精簡嘅風格吻合。https://sites.google.com/site/tflrailpicutrestfzoofss/home/DSC_4131.JPG
https://sites.google.com/site/tflrailpicutrestfzoofss/home/DSC_4133.JPG
最後講下Heathrow Express，只停T5, T2&3、Paddington三個站，全程21分鐘。繁忙時間收費係£25 (HK$275)，被喻為全歐洲甚至全世界每英里最貴嘅鐵路。佢嘅總站係位置倫敦Zone 1邊緣嘅Paddington，其實並唔係主要商業同旅遊區，所以絕大部分都要轉多程地鐵去Mayfair, King’s Cross等地，加埋車費可以話係高達£27.50，接近HK$300。但車程同車費仍然比起的士低，因為倫敦少快速公路同埋成日塞車嘅緣故，值唔值呢個價錢就見仁見智。https://sites.google.com/site/tflrailpicutrestfzoofss/home/DSC_4054.JPG
要去T4嘅話係一定要去T2&3轉短棍入去。短棍通常用Class 360服務，不過呢日比較好彩，有「升級服務」。https://sites.google.com/site/tflrailpicutrestfzoofss/home/DSC_4069.JPG
Heathrow Express應該係英國唯一一條列車同月台之間完全冇梯級嘅鐵路線。https://sites.google.com/site/tflrailpicutrestfzoofss/home/DSC_4027.JPG
條線喺1998年通車，可以話係同香港機場快綫同期規劃，所以通車初期係有預辦登機服務，用機場方向頭半卡運送行李。不過因為倫敦機場交通太大競爭同埋有其他機場分薄客源嘅關係，呢個服務喺2003年已經取消，而家相關位置已經用咗嚟做鋪頭。https://sites.google.com/site/tflrailpicutrestfzoofss/home/DSC_4083.JPG
Class 332用車係Siemen同CAF製造，用4-5卡一組，不過平日多數會兩抽拼結成8-10卡。https://sites.google.com/site/tflrailpicutrestfzoofss/home/DSC_4126.JPG
列車長貼上贊助商TATA廣告，係好少機會見到原有紫色塗裝。https://sites.google.com/site/tflrailpicutrestfzoofss/home/DSC_3998.JPG間唔中都會有「降級服務」。https://sites.google.com/site/tflrailpicutrestfzoofss/home/IMG_1062.JPG
同日立Class 800同Intercity 125合照https://sites.google.com/site/tflrailpicutrestfzoofss/home/DSC_3996.JPG
車箱個Layout幾似香港機場快綫，除咗感覺上冇咁闊落之外。https://sites.google.com/site/tflrailpicutrestfzoofss/home/DSC_4036.JPG
一抽車有1-2卡頭等車廂，但車程得15-21分鐘收成£32 (HK$338)，可以話係經常吉車遊街。https://sites.google.com/site/tflrailpicutrestfzoofss/home/DSC_4068.JPG
當港鐵營運嘅Crossrail通車連接Paddington同Liverpool Street之後，到時Heathrow可以直接搭Crossrail去倫敦市中心Bond Street同Tottenham Court Road，仲可以去Farringdon轉車去英國南部。而Heathrow Express就仍然維持Paddington地面做總站，計埋行上行落轉車嘅時間，同Crossrail嘅時間差距係會大幅縮短。喺車費不變嘅情況下可想而知有幾多人會流失去Crossrail，所以之前機場公司曾經因為想收Tfl過路費而大打官司，意圖想逼Crossrail加價但唔成功，加上車廠用地要起HS2，所以2018年8月起Heathrow Express會移交俾Great Western Railway管理，到時Class 332將全面撤出Heathrow Express，由Class 387改裝取代。
Class 387亦可以喺另一大倫敦機場線Gatwick Express上面搵到，不過Gatwick Express嘅Class 387只係比普通車多行李架，其他配置同普通車一樣，服務質素會唔會跌就要到時先知喇。https://sites.google.com/site/tflrailpicutrestfzoofss/home/DSC_3894.JPG
Old Oak Common車廠：https://sites.google.com/site/tflrailpicutrestfzoofss/home/DSC_4015.JPGhttps://sites.google.com/site/tflrailpicutrestfzoofss/home/DSC_4016.JPG
講到Heathrow嘅鐵路當然唔少得呢條站站停搭一粒鐘嘅Piccadilly Line。佢勝在班次頻密，車費只需要3-5鎊同直到大部分酒店區、旅遊景點，但繁忙時間係擺滿哂行李，實在係沙甸魚。1973 stock對倫敦人嘅印象係殘舊（雖然唔及bakerloo line）。港鐵接管Heathrow Connect之後雖然單程車費冇變（10鎊左右），但因為Travelcard使用範圍都包括埋Tfl Rail，或者會少量乘客流失。https://sites.google.com/site/tflrailpicutrestfzoofss/home/10479076_837741132913159_8566105974225911347_o.jpghttps://sites.google.com/site/tflrailpicutrestfzoofss/home/10917807_859831784037427_4981710527247114766_o.jpg
要等到2023年先會用有冷氣嘅new tube for london取代。https://sites.google.com/site/tflrailpicutrestfzoofss/home/1504342_825147394172533_8750559216875305418_o.jpg
本帖最後由 ArnoldC 於 2018-5-21 23:34 編輯
BR Class 332 車體闊度 2,733 mm，確實窄過 A-Train (3,096 mm)。
英國國鐵客車闊度上限係 2,744 mm，就算初期用寬軌嘅 Great Western Main Line ，都只係行到 2,895 mm。 ArnoldC 發表於 2018-5-21 23:31
BR Class 332 車體闊度 2,733 mm，確實窄過 A-Train (3,096 mm)。
英國國鐵客車闊度上限係 2,744 mm，就算 ...
其實有唔少線都行緊闊2,800 mm以上嘅車（反而GWR最新嘅Class 800都只係得2,700 mm），但整體感覺上仍然比起用窄軌嘅日本/台灣窄唔少。
本帖最後由 ArnoldC 於 2018-5-22 03:35 編輯
tfzoofsss 發表於 2018-5-22 00:51
其實有唔少線都行緊闊2,800 mm以上嘅車（反而GWR最新嘅Class 800都只係得2,700 mm），但整體感覺上仍然比 ...
「標準」客車斷面界限 C1 確實係 2,744 mm 闊(見 Pg 33 - 34)，不過因為1930年代之前，英國鐵路根本無全國統一標準，所以闊啲窄啲嘅路線好多。早期 Great Western Railway 我行我素軌寬車闊，所以「勢力範圍」西南部好多路線一開始就行到闊車(9 ft 6 in / 2,896 mm)。後來其他路線做「擴闊工程」，部分索性擴闊到到同 GWR 一樣，但係「標準」仍然係 9 ft / 2,744 mm，有啲路線甚至連 9 ft 車都入唔到。
本身 Class 800/1/2 唔係專為 GWML 而設，而係取代所有 HST 同 Intercity 225。HST 同 Intercity 225 闊 2.73 - 2.74 m ， Class 800/1/2 仲要每卡長 3 m，自然要做窄啲先過到彎。
根據《維基》嘅資料，JR 雖然用 1,076 mm 窄軌，但係斷面界限可以去到 3,000 (W) x 4,100 (H) mm ，空間感當然好過 2,744 x 3,772 mm 嘅英國車。
本帖最後由 ksmbh 於 2018-5-22 13:05 編輯
ArnoldC 發表於 2018-5-22 01:36
「標準」客車斷面界限 C1 確實係 2,744 mm 闊(見 Pg 33 - 34)，不過因為1930年代之前，英國鐵路根本無全國 ...
Gatwick批387同Heathrow Express唔係同一級數
走廊窄行李架細座位硬
如果換387根本無理由搭Heathrow Express.
不如搭Elizabeth Line.
雖然單程貴過piccadilly line
但如果同一日搭其他車
用Zone6 Day pass,
就同piccadilly line一樣
咁當然搭呢個舒服過又逼又殘的piccadilly line.
港鐵新聞稿：http://www.mtr.com.hk/archive/corporate/en/press_release/PR-18-038-C.pdf
https://www.youtube.com/watch?v=RH-ghrfZHTQ
將來會係每小時4+2咁入LHR T4同T5 我買o左Railpass 先捨得坐Heathrow Express :L
前年去倫敦旅行，由於會由Paddington附近去機場，所以選擇左搭Heathrow Express。
車程真係好快，又唔駛驚塞車。價錢方面，如果持有Train pass係可以使用而唔駛另外收錢。
但係正如樓主所講，附近真係無咩行，如果唔係去開附近真係唔會搭。 ksmbh 發表於 2018-5-22 12:56
Gatwick批387同Heathrow Express唔係同一級數
走廊窄行李架細座位硬
如果換387根本無理由搭Heathrow Expre ...
根據GWR嘅資料，Class 387係會升級至頭等規格，比起Gatwick Express高級。不過而家用窄位條通道都咁窄，好難想像座位加闊之後條通道會更窄嘅畫面。