我又唔會反對話《壹本便利》偏向三級,
但問題...
而家東方指出兩件事...
a. "身 穿 半 透 明 睡 衣 、 緊 身 小 背 心 等 ..."
呢o的叫色情嗎?
b. "更 配 以 「 初 熟 」 、 「 嘩 嘩 嘩 」 等 字 眼 "
之前其它雜誌都有用這手法, 不單止 壹傳媒
如果係有心賣弄色情o既, 實有人罷買,
但而家又未至於呢個地歩而已~
因為只是雜誌嘩眾取寵,
如果冇上述字眼, 輯相係可以接受o既~
只是字眼+相所產生的效果令某些組織有所反對~
正如上述板友所言,
呢個確實係香港市場生態的議題 la~
我同事都忍唔住話
「比森美果單更加要port」
原帖由 238X 於 2006-6-22 21:56 發表
睇完呢三篇，我至知道：
原來堅持一定既道德標準係錯既。今日我領教了。
冇人話堅持一定既道德標準係錯既
我只不過覺得錯既唔係影相既人同相中既主角
而係登呢d 相同埋響d 相隔離加鹽加醋既人
人地張相本來都唔係渲染色情既
就係班做雜誌既加d 「顏色」響旁邊
結果咪變到成本鹹書咁囉...
真係可以睇小文字既威力...
原帖由 238X 於 2006-6-22 21:56 發表
睇完呢三篇，我至知道：
原來堅持一定既道德標準係錯既。今日我領教了。
今次明係一方借機攻擊另一方，而且目的齷齪，
呢點我完全同意。但《便利》夠膽登呢種相出黎
引人遐想亦唔見得無 ...
238X兄﹐我同意你的講法。這3位版友的道德標準真的如此低落.....
原帖由 terence5070 於 2006-6-23 00:15 發表
238X兄﹐我同意你的講法。這3位版友的道德標準真的如此低落.....
喂老兄
你有冇搞錯呀！
我地都係有我地既觀點咋喎
你咁樣就話我地既道德標準「如此低落」
咁對我地公唔公平呀？
我覺得個女仔d 相影得幾靚
咁就叫做道德標準如此低落？
你咁好影響我既聲譽喎
我再澄清講句
我由頭到尾都冇講過
張相咁樣登出黎係冇問題！
本人打算保留追究既權利
[ 本帖最後由 Ketsu 於 2006-6-23 00:49 編輯 ]
原帖由 terence5070 於 2006-6-23 00:15 發表
238X兄﹐我同意你的講法。這3位版友的道德標準真的如此低落.....
等等先... 我係唔同意佢地價值觀，
但唔代表我有權判斷佢地道德水平如何。
原帖由 238X 於 2006-6-23 01:04 發表
等等先... 我係唔同意佢地價值觀，
但唔代表我有權判斷佢地道德水平如何。
老實講
238x你對我地既價值觀有意見
我可以慢慢同你解釋
其實我係以一個藝術眼光黎睇呢張相
至於話道德方面
對於香港呢個社會黎講
要人接受得到真係唔係咁易
所以其實我都認為
呢張相咁登出黎係有問題既
而問題並唔係出自張相本身
而係形容呢d 相既字句
但係呢名terence5070既言論
就正正係貶低左我同另外兩名板友既道德水平
我地接受得到呢d 相
都唔代表我地道德水平低落喎
包容唔係罪黎呀話？
接受又等於認同咩？
如果佢要咁樣講
我覺得佢係認為我地好觀迎呢d 報章
用咁既方式黎刊登呢d 相囉
我覺得佢就算要批評我地既道德標準
首先都要俾足理據囉
唔好一黎就一腳踩埋黎玩人生攻擊囉
咁盞大家冇慢慢傾既餘地
今個6月都係道德至上,朋友,睇世界盃不要賭波!
回主題,有時一兩句說話過火,就俾人鬧之前森美事件已經
見識過,亦都係香港特色.老實講,睇晒成篇文我諗起當年梁
洛施(Isabella)出道時一樣既寫法,一樣既影法(背心吊帶),只
係無係水池影,又無聽過有人投訴,但Isabella當年只係13歲
有時話過火令人反感,香港間間傳媒都做過,但有時見雜誌封
面女星件衫著到好似無著咁既款,咁有無人可以幫我投訴呢
班artist教壞細佬?
根據23/6明報既報導，警方已經介入今次事件：
《壹本便利》刊少女性感照 重案接查
另外，明報娛樂版亦有相關評論：
十四歲賣什麼性感﹗
原帖由 orange 於 2006-6-23 03:04 發表
今個6月都係道德至上,朋友,睇世界盃不要賭波!
回主題,有時一兩句說話過火,就俾人鬧之前森美事件已經
見識過,亦都係香港特色.老實講,睇晒成篇文我諗起當年梁
洛施(Isabella)出道時一樣既寫法,一樣既影法(背心 ...
其實如果話有關報導係"無問題", 我諗點都講唔通了
不過過往/一直都存在有關問題, 的確係事實, 其實
社會好多時就係咁, 有d 問題, 慢慢惡化, 但係唔會有
人出聲, 因為大家都覺無乜野, 但當一有人出聲, 或
一有人做出過火少少.... 就好易引起好大回響, 即如
今次/森美事件啦......再或者較耐之前的 東周刊事件
可能會有人會覺得, 今次事件係某d報刊集團去攻擊
對方而搞大件事, 又或者覺得 本身事件 會對某d人唔
公平, 但其實可以睇成, 係整個社會去到一個階段的
反思, 俾個機會去諗返我地一直是否越來越有問題...
最少我覺得, 經過不同事件, 業界一定程度會加重留意
返.....一段時間都會小心d....整體黎講, 真係未必係
壞事....至於大眾的批評是否過份(如甚至要警方"調查"),
就真係見仁見智了...不過正如閣下講, 香港特色~~