聽說九龍站行去西九龍站好遠，行得快都要 12 分鐘，東涌線客可能在南昌站轉西鐵線去柯士甸站去西九龍站仲快，行少一點路:shutup:
kingprowm 發表於 2018-9-5 13:28
聽說九龍站行去西九龍站好遠，行得快都要 12 分鐘，東涌線客可能在南昌站轉西鐵線去柯士甸站去西九龍站仲快 ...
其實九龍站一上圓方過天橋就係
5分鐘都唔使
反而去南昌落返黎仲耐
tautau 發表於 2018-9-5 14:06
其實九龍站一上圓方過天橋就係
5分鐘都唔使
反而去南昌落返黎仲耐
由九龍站月台計，你行5分鐘只係剛剛好到連接高鐵站天橋入口，呢條天橋保守計要行多5五鐘先到車站主大堂範圍，然後再行多3-5分鐘先到柯士甸站天橋出口
利申，每朝由柯士甸站經大地盤行去ICC，而家地盤條路已經算直，由我落車起步到ICC lobby大約要15分鐘
rickywk 發表於 2018-9-5 20:40
由九龍站月台計，你行5分鐘只係剛剛好到連接高鐵站天橋入口，呢條天橋保守計要行多5五鐘先到車站主大堂範 ...
綜合開放日所得，西九龍站B1層的A出口隧道可以直達柯士甸站大堂，至少可以免卻開放日所走的天橋路線（柯士甸站D2出口<->天橋<->西九龍站N出口）之上上落落
如果以返大陸既標準，根本三個站應該合稱西九龍或九龍西站，好似廣州東站咁都係地鐵加高鐵一齊。
只係合併得叫做一個大站即係要合併埋柯士甸站同九龍站既收費區，賺到盡既港鐵又捨唔捨得先？
tuen 發表於 2018-9-6 11:46
綜合開放日所得，西九龍站B1層的A出口隧道可以直達柯士甸站大堂，至少可以免卻開放日所走的天橋路線（柯 ...
但膠鐵站無地底通道接駁九龍站
利用B3M層隧道及C出口來往九龍站會否快一點？
Man@MFHK 發表於 2018-9-6 12:27
如果以返大陸既標準，根本三個站應該合稱西九龍或九龍西站，好似廣州東站咁都係地鐵加高鐵一齊。
只係合併 ...
我諗佢係怕好似尖沙咀尖東咁
入咗尖東站又以為自己搭到荃灣綫
先至寫明三個站大名
dogdog002 發表於 2018-9-6 22:41
我諗佢係怕好似尖沙咀尖東咁
入咗尖東站又以為自己搭到荃灣綫
尖東站用八達通入完出返去再行返過去尖沙咀站用返八達通入閘咪唔使俾過路費囉！
而且尖東尖沙咀兩站只係歷史問題搞到難以整合為一個大型收費區啫，中環站同香港站咪又係行緊異站單一收費區，九龍塘站咪又可以俾港鐵諗得掂打通兩邊合併做單一收費區。如果九龍站有地底預留位，開條隧道打通晒三個站又有咩問題？係睇港鐵有無心方便乘客定係想賺到盡啫。
Fairest 發表於 2018-9-6 18:11
利用B3M層隧道及C出口來往九龍站會否快一點？
絕對唔會，先唔講膠鐵站地下空間係點設計，近九龍站一邊地庫出口只能夠用電梯上返地面，再用近溜冰場入口先入得返圓方地面