減隧道費，巴士公司又可以回贈幾多畀乘客先,,,,,
053h4 發表於 2018-9-30 14:28
有D野，根本係集非成是。
6-10％隧道費唔係佔巴士公司成本好大比重? 為左節省隧道費重要夾硬塞車行遠路， ...
我先舉例一下改行更貴隧道但冇加價甚至減左價既路線:68M / 69M / 68X / 69X / 307 / 905 / 914 / 934 / 935 / 968 / 969 / 978 / 980X / 981P / 982X / 985.........
請你舉出為慳隧道費而特登兜遠左,浪費車程既路線
第一:唔知你舉101同101X既關係黎想指明D乜
第二:大把紅隧線過海前有分段,亦唔知你想講乜
第三:點明顯收貴左?對比返紅隧開通前,以往乘客先坐一程車再轉船再坐一程車,
過海巴士線定價根本冇貴到甚至更平
你認為巴士公司有可能只根據路程而定價,無需要考慮外圍因素?
第四:大把城市過海要收貴D,就以另一個大灣區為例
三藩市灣區:由東灣過海到三藩市既AC TRANSIT,過海巴士收費一直比本地線貴接近甚至超過一倍
但直至對上一次過橋費加價之前,巴士公司一直唔需要俾過橋費,
而由北灣經金門橋往返三藩市既GOLDEN GATE TRANSIT,本地線同過海線收費差距就更誇張
人地連過橋費都唔使比都可以收貴咁多,而家香港巴士公司比咁多隧道費都只係加你小小,咁都仲唔合理?
第五:先唔講香港三條海底隧道都由BOT形式興建,政府根本冇直接話事權要求唔收專營巴士既錢呢個大前題
你既然用人地條路,點解可以唔比錢?!咁都叫平衡社會利益?!
如果係咁,不如叫政府免巴士公司利得稅,慳16.5%,巴士公司可以減得仲多啦!
第六:根據香港法例第230章[公共巴士服務條例]第13(1)條,巴士車費係需要根據巴士車費等級表去釐定
咁都叫冇監管?!咁都叫亂咁收費?!
第七:我冇話過唔可以行最近既隧道,但私牌過海甚至過隧道成本大幅下降,
巴士公司就有更強既誘因將一D本身唔賺錢既班次改為私牌,變相令到一D本身已經疏既時段變得更疏甚至取消服務
受害既就係市民!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
第八:既然係咁,你竟然唔係鬧港鐵,而係鬧巴士公司,進一步証明你個人邏輯真係好有問題!