輕鐵路線重組
本帖最後由 rtxc 於 2018-9-27 18:31 編輯
喺港英政府嘅年代 面對每年龐大嘅人口增長政府銳意發展新市鎮 其中屯門起咗輕便鐵路（簡稱：輕鐵）當時政府諗住屯門咁僻 應該唔會有太多人搬入去住啦點知依家屯門人口已經超過五十萬啦（加埋近幾年從大陸落嚟嘅新移民輕鐵載客量已經到達臨界點無奈輕鐵營運成本高 即使載客量高 新西人逼輕鐵好似沙甸魚咁加上西鐵, 港鐵巴士配合嘅轉乘優惠 輕鐵年年都令港鐵蝕錢港鐵都唔願意投資到輕鐵項目 包括路線重組及架空鐵路嘅方案 提高乘車舒適嘅體驗及服務質素畢竟輕鐵現行路線已經沿用近二十年 新西人不斷埋怨好多時「上唔到車」、「好逼」咁嘅感覺有見及此 我諗咗個輕鐵路線重組的方案 一齊諗下可唔可行/有冇更好嘅改善建議?
首先 了解到港鐵對改善建議嘅接納程度 港鐵係唔太願意為輕鐵這個蝕錢項目付上太多嘅投資以下嘅建議只會針對輕鐵路線改組（例如合併路線 改線減線）方案不會涉及收地、建設新的路軌及供電纜（唔會有新站）旨在提升輕鐵整體載客量為主 當中強調提高乘車舒適嘅體驗及服務質素改線後乘客未必可以好方便咁一車搭到目的地 反而要透過轉車嚟到某啲站帶嚟不便（例如元朗唔可以一程車到屯門碼頭）但整體車程會進一步縮短 好多時候都會上到車（詳情稍後再講）
現行路線：http://www.hkitalk.net/HKiTalk2/data/attachment/forum/201809/27/182602gx7m7a4daoa44oaa.jpg.thumb.jpg
簡單嚟講：505：兆康至三聖507：屯門碼頭至田景610, 614, 615：屯門碼頭至元朗（屯門元朗連接線）614p：屯門碼頭至兆康（東行）<-> 615p：屯門碼頭至兆康（西行） （可理解為屯門循環線）751：友愛至天逸705（逆行）, 706（順行）：天水圍循環線761p：元朗至天逸（天水圍元朗連接線）路線原來一共11條輕鐵車卡一共130輛
現在會談及輕鐵新路線嘅構思 以下方案根據天水圍循環線作為構思藍本：http://www.hkitalk.net/HKiTalk2/data/attachment/forum/201809/27/182603wv304b2vw2z0ycey.jpg.thumb.jpg
新路線（順行代表順時針行駛，逆行代表逆時針行駛）：614：兆康至屯門循環線（順行、屯門東）（一圈約20分鐘）614R：兆康至屯門循環線（逆行、屯門東）（一圈約20分鐘）615：屯門至屯門碼頭循環線（順行）（一圈約30分鐘）615R：屯門至屯門碼頭循環線（逆行）（一圈約30分鐘）610：兆康至河田循環線（順行、屯門西）（順8字）（一圈約40分鐘）610R：兆康至河田循環線（逆行、屯門西）（逆8字）（一圈約35分鐘）620：兆康至元朗（來回約30分鐘）班次加密：港鐵巴士K51，以取代原有三聖站的505及應付未來青山公路住宅區的人口增長保留不變路線：751：友愛至天逸705（逆行）, 706（順行）：天水圍循環線761P：元朗至天逸（天水圍元朗連接線）刪除路線：港鐵巴士506，加密的615及615R能有更大的承載量到屯門站（屯門交通核心）刪除車站：三聖站路線跟原來11條一樣冇變，有理由估計兩者嘅營運開支相近（只係可能班次較以往密而營運成本上漲）*走線順時針行駛 R就係逆時針行駛（呢個安排係因應市民可能上唔到車而安排，唔洗兜彎）
班次及車卡分佈：輕鐵車卡一共130輛 以下係各班次嘅安排（每條路線班次應維持5分鐘內一班?!）614/614R：雙 單 單 單 5x2=10615/615R：單 雙 單 雙 單 雙 單 10x2=20610/610R：單 雙 單 雙 單 單 8x2=16620：單 雙 單 雙 單 7x2=14751：雙 單 單 雙 單 7x2=14705/706：雙 雙 雙 6x2=12761P：雙 雙 雙 雙 8x2=16已用車卡：112 /130P.S.：以上純屬係因應非繁忙時段嘅情況成估算X2用作來回方向用車計算麒麟站客量偏低 輕鐵途經該站是為了作轉往路軌方向 部份用車可能會飛咗呢個站輕鐵屯門站位置近河田站（只係西鐵唔同嘅出口）可考慮加強兩站或係建安站嘅連結方案冇考慮日後屯門南站的建成
淨低嘅車卡可考慮加強屯元天嘅連接或係屯門區內路線嘅連接因為新方案未有路線可以由屯門直接通往元朗；居民（尤其行動不便者）可能要跨月台轉車到目的地：例如喺屯門碼頭站唔可以一車到屯門醫院或良景等地方，市中心站唔可以一車到洪水橋等…所以可以考慮保留614P同615P嘅路線，方便市民一車到兆康轉乘往元朗方向但應保持班次較疏，因為本身路線改組已令路軌負荷量較以往高（行車密咗）
屯門改線：輕鐵屯門區將路線基本劃分成三種：屯門東，屯門南，屯門西三區原本諗住透過廢除一些較少人用到嘅站減少要停嘅站數目，以縮短行車時間，藉此提升載客量當中考慮過嘅站包括建安站、友愛站及三聖站等但建安站附近工業邨範圍將會改建為大型商場及運動場，所以予保留；友愛站則考慮保存該邨居民長久適應到該站乘車的生活模式；而三聖站位於恆福商場下方，當區居民又不多，加上青山公路住宅區持續人口增長，應加強港鐵巴士K51服務，刪去輕鐵505路線，釋放該土地空間作墟市/市集/展覽（屯門欠缺藝術及小商戶生存空間，屯門碼頭站空間如是）方案嘅敗北位係令部份原有乘客不能再搭輕鐵（例：三聖） 絕大部份乘客不能一車到目的地
路線重組希望透過提升整體載客量令屯門居民可以更方便到西鐵屯門或兆康站：
[*]利用西鐵往返市區及屯門（唔洗成日塞屯公）
[*]到屯門市中心滿足生活消費及消遣
屯元西嘅連接：751（友愛至天逸）、620（兆康至元朗）
循環線較現行屯門走線更適合的原因：
1. 輕鐵路線嘅簡化依家住九龍港島嘅人都唔太搭輕鐵 尤其係屯門地區 因為走線較為複雜新路線為新路線進行簡化 連第一次嚟嘅人都會識搭 走線基本只有順行逆行
2.進一步連接輕鐵及西鐵市民可以唔洗擔心上唔車嘅情況下搭鐵 ，屯門各區嘅人都更易到西鐵站搭西鐵往返市區
3.加強班次應付人口增長洪水橋成為新發展區，該區人口正迅速增長，須加強運輕鐵運載力
上面諗嘅嘢都度咗好幾日 唔知當中成效同可行性有幾高?歡迎comment討論
本帖最後由 groom1002 於 2018-9-29 15:54 編輯
以上建議非常擾民,首先良景冇車去市中心,往來屯碼-良景,鳳地-市中心亦冇車直達,根本只是接駁西鐵著想,沒想過輕鐵短途客需要,直情把建議扔去焚化爐。
本人建議614/615取消,614P/615P加強至6分一班,兩線可用7架單卡,505/615P南行實施聯立班次,平均3分鐘1班。
新線652屯碼-洪水橋,係552延長洪水橋版本,即經美樂,屯門,鳳地。來回約30分鐘,用12卡車.8單2雙,6-10分一班。
506巴士取消,加強K51/K58班次 秒BAN
鳴琴去青雲無咗，杯渡去市中心又無咗（根本當年取消614計劃就係因此而BAN） 本帖最後由 f2l 於 2018-9-28 12:43 編輯
以前住屯門，坐得輕鐵（特別係屯門區內）一般都唔預要轉車。樓主嘅方案，就咁睇起碼有6個OD冇咗一程過服務：良田-市中心、良田-碼頭、東北-市中心、東北-碼頭、大興-市中心、大興-碼頭；三聖仲要直頭冇埋輕鐵。而新增一程過區間就得龍門-市中心，但係506復辟又係咪真係最有需要做呢？冇咗嘅6個直達OD，需求點都係大過新增嗰個，所以依個計劃可能真係得「駁西鐵方便咗」嘅優點。不過基於樓主嘅雙循環線思路，我諗可以試下咁：良田、大興、東北做一組雙循環線，三個細區變咗可以直通；留低614P同615P，做返東北-市中心、東北-碼頭、良田-碼頭依三組OD；610留低，做返大興-碼頭同埋幫751做屯門醫院-洪水橋依段；
505留低，做返良田-市中心同埋本身嗰啲獨市位；
507、614同615唔留，過車俾新嘅雙循環線同埋614P/615P，另外可以加特車，614P/615P直通610，補返良田/東北直達洪水橋/元朗嘅需要（運作方法可以參考761P全日之後嘅舊761特車）。
以上諗法只係初步構思，歡迎賜教。:)
miklcct 發表於 2018-9-28 00:01
秒BAN
鳴琴去青雲無咗，杯渡去市中心又無咗（根本當年取消614計劃就係因此而BAN） ...
唔好意思 唔知冇咗鳴琴去青雲站會對居民影響幾大?
我諗嗰陣只係考慮一啲人流較多嘅點(站)作連接 例如大型屋邨良田、安友同埋碼頭對市中心嘅連接
重點係靠改線路為環狀 令行車效率大大提高 從而令乘客喺搭車嗰陣冇咁逼(尤其係返工放工人多嗰陣
至於換嚟嘅可能係區內轉乘較以往繁複
至於杯渡同市中心嘅連結冇咗 我覺得唔太重要 其實兩個站之間距離唔係好遠 行過去都可能只係五至七分鐘(唔計長者)
一般屯門東(鳳地至何福堂嘅居民)大部份都係杯渡站落車 除非要去大會堂或者圖書館)(相較市中心站 行動不便嘅人更唔會考慮市中心站落車
嗰到個斜台要行多好多距離)
話去碼頭嘅話好方便係屯門站轉車唔洗轉月台轉車 但如果要去安友 就要過對面轉車
以依家過對面月台轉車可能有啲不便 但嗰邊可以整條路過對面有台轉車有冇得諗?
本帖最後由 miklcct 於 2018-9-28 18:14 編輯
rtxc 發表於 2018-9-28 16:18
唔好意思 唔知冇咗鳴琴去青雲站會對居民影響幾大?
我諗嗰陣只係考慮一啲人流較多嘅點(站)作連接 例如大型 ...
係好大，非常之大。
無咗鳴琴至青雲等同斷晒麒麟至鳴琴一路到青雲至屯門碼頭嘅連接，係成個屯門西北無晒任何去屯門西南嘅連接；
同樣道理，無咗杯渡至市中心等同斷晒鳳地至杯渡一路到市中心至屯門碼頭嘅連接，係成個屯門東北無晒任何去屯門東南嘅連接（所以當年取消614嘅方案被BAN）。
如果真係咁搞，全屯門肯定暴動。
miklcct 發表於 2018-9-28 18:13
係好大，非常之大。
無咗鳴琴至青雲等同斷晒麒麟至鳴琴一路到青雲至屯門碼頭嘅連接，係成個屯門西北無晒任 ...
冇一車到 但換嚟嘅可以係冇以前搭車咁逼 逼到可能上唔車
呢個方案係唔方便區內交通嘅轉乘 但對於人流疏導效率係好高 因為班次可以做到好密
轉車時間冇想像中咁耐 但同舊制相比無疑係煩咗 但乘車質素體驗同一程車到 要二擇其一
重點係站同站之間嘅距離係咪真係想像中咁遠? e.g.屯門站同市中心站
樓主方案BAN,假設龍門去元朗,要轉1,2次,已經煩過615一程過好多.叫我地行去市中心站?點解唔搭K51? rtxc 發表於 2018-9-29 00:42
冇一車到 但換嚟嘅可以係冇以前搭車咁逼 逼到可能上唔車
呢個方案係唔方便區內交通嘅轉乘 但對於人流疏 ...
兩個輕鐵站之後嘅距離唔一定係遠，不過行起上嚟係可以好麻煩
就屯門站去市中心為例，要上上落落先行到過去，腳骨力唔好嘅真係未必會行
而依個站同站之間唔好行嘅情況，喺好多個斷咗直車嘅位都有出現，如果要特登坐多個站再去轉反方向嘅其他線先去到目的地，可能係適得其反
屯門醫院得返一條長程線已經足夠俾人追住黎打
頁:
[1]
2