ryandroid 發表於 2018-10-21 19:11
唔係唔得嘅
但你講嘅維園站更遠離銅鑼灣
駁去天后又唔算好方便
調返轉如果考慮起第三條平衡鐵路的話﹐點解唔可以令東涌線同將軍澳線成為呢條平行鐵路嘅一部分﹐而要堅持分拆港島線﹐再另建呢條所謂替代鐵路？
小早川優 發表於 2018-10-21 19:20
調返轉如果考慮起第三條平衡鐵路的話﹐點解唔可以令東涌線同將軍澳線成為呢條平行鐵路嘅一部分﹐而要堅持 ...
因為港島未有急設需求由一條東西鐵路一變變成三條東西平行鐵路
政府有錢都未至於將所有工程資源放哂喺港島
第三平行鐵路相信要三四十年後先有
其他任何交匯方案都係治標不治本
無助解決三年後東鐵綫通車後新增客流塞爆港島綫嘅問題
换綫方案加將軍澳綫加炮台山站月台方面我已經經回應咗炮台山居民問題嘅解決方法
你都有舉換綫方案嘅其他優化選擇
咁點解依家掉轉返去介懷港島綫是否分拆？
任何鐵路重組都會有人有機會損失既有利益
觀塘綫兩次喪失過海鐵路影響嘅包括新界東及九龍東二、三百萬居民長年至今
不見得有哪一區可以為了非工程上不可行嘅所謂問題去非理性地阻止全港性嘅鐵路效益
北港島綫規劃不當導致東鐵綫過海帶嚟嘅新增人流分流不當
影響嘅不單是東鐵綫及屯馬綫嘅過海乘客
還會影響西港島綫、南港島綫及未來東大嶼鐵路嘅乘客以至灣仔區本身嘅居民
使用港島綫來往灣仔至柴灣時深受影響
港島綫從來不只屬於東區人
除非政府喺北港島綫規劃時同時詳細規劃埋第三平行鐵路既詳細走綫、站位、轉乘方法等
否則東鐵綫及東涌綫嘅過海乘客來往灣仔以東嘅分流問題仍然是北港島綫規劃嘅首要考慮因素
炮台山居民嘅合理訴求只要在換綫方案嘅基礎上優化就可了
而無需強行搞分化對立
削弱全港整體鐵路網絡效益的最大化
自行製造全港性嘅交通樽頸
再衍生多廿幾三十年嘅全港性民怨
直至所謂第三條平行鐵路出現
其實拖得嚟第三條平衡鐵路都可以同時上馬﹐北港島線單係會展站以及維園及英皇道之間嘅樓宇地基問題已經有排搞。
根本係政府同港鐵無考慮過鐵路乘客增加所帶來的累積影響，人為製造港島區鐵路樽頸，否則為何會出現金鐘站每小時有八萬人轉車的問題？早繁客流太集中的話，是十分容易引起保安風險的！荃灣線尖沙咀至金鐘的過海隧道在2004及2017年已出現兩次縱火案了！
小早川優 發表於 2018-10-22 00:56
其實拖得嚟第三條平衡鐵路都可以同時上馬﹐北港島線單係會展站以及維園及英皇道之間嘅樓宇地基問題已經有排 ...
東區人要港島兩條平衡鐵路同步落成就請向政府及社會提出方案再研究
否則應該維持返優化換綫方案去起北港島綫
現實係北港島綫本身已經有哂詳細設計
係睇下政府最終起換綫定交匯
同埋走綫如何調整
第三條東西鐵路相信同東大嶼都會或東區第二條過海鐵路有密切關係而同步規劃
但東大嶼鐵路十劃都未有一撇
應該都要好耐先有確實規劃
但北港島綫有好多板友要求盡快起
而且北港島綫最多都係拖到東鐵綫過海段通車先咨詢
邊可能拖多十幾廿年等第三平行鐵路？
ryandroid 發表於 2018-10-22 08:41
東區人要港島兩條平衡鐵路同步落成就請向政府及社會提出方案再研究
否則應該維持返優化換綫方案去起北港 ...
睇番上次2014份報告
應該都係"預設"用交匯方案喇
就算第時有"諮詢"都係做show多
TYChow 發表於 2018-10-22 02:18
根本係政府同港鐵無考慮過鐵路乘客增加所帶來的累積影響，人為製造港島區鐵路樽頸，否則為何會出現金鐘站每 ...
當時南港島線可以增設灣仔站,有效減低金鐘-灣仔樽頸問題,但港鐵以成本效益以擱置
053h4 發表於 2018-10-22 12:54
南港島線本身係話可以加跑馬地站, 不過話要DELAY一年(當然, 南港線本身工程都DELAY左一年)
而且聲稱話跑 ...
跑馬地係高貴住宅區,唔想興建車站帶來太多人流破壞寧靜環境,取消跑馬地站