Quanta 發表於 2018-11-23 20:15
1 同 1A 同路只係一段，九龍城至竹園一大段同1A完全無關
講關係，其實睇落無乜關係既7號同1號先有更大關係，係好多人睇號碼做人先會覺得1A同一有直接關係。
要講半條線重疊，1同11K都係啦，南行去九龍城既人又係見車就上，又唔見有人將兩者拉上關係;P
Man@MFHK 發表於 2018-11-27 19:51
追上7同11K班次指日可待？還是7同11K準備再減到非繁30分鐘一班？
7,11K減班申請已被否決
Man@MFHK 發表於 2018-11-27 20:02
講關係，其實睇落無乜關係既7號同1號先有更大關係，係好多人睇號碼做人先會覺得1A同一有直接關係。
要講 ...
噢, 竟然有人覺得 1 同 7 既關係大過 1 同 1A...
論車務可能係既, 一來竹園既車會落樂富做簡單維修,
二來必要時, 樂富可拉車上嚟做 1 號, 竹園亦可拉車去樂富做 7 號 (不過事實上, 我見都係 1/2B/11C/11K 四線用車互拉居多)
但講服務範圍, 1 同 1A 主力做彌敦道、太子旺角、太子道西 / 界限街, 7 就主力做窩打老道,
就算巴士公司擺站, 都會將 1 同 1A 放同一個站, 而唔係 1 同 7 放在同一站頭啦...
而論重疊路段, 1 同 1A 的重疊其實係等如 1 號全線的 60% 路段 (15 個車站),
1 同 7 呢, 除咗窩打老道以南係同路 (但非完全同站) 外, 就只係得尖咀方向鳳舞街一小段係同路同站囉,
咁你話 1 同 1A 關係密切啲, 定係 1 同 7 喇?
浸大小晴 發表於 2018-11-27 22:21
其實每日晚上7點後出尖咀真係可以Cut到定點15都唔過份
就算Nathan Road南行仲有唔少(旅)客由旺角坐去尖 ...
這一點我同意既, 每日晚飯時間之後往尖咀既班次的確尚有下調空間, 但真係要行定點班次班客先會肯等
好似而家既班次表咁, 6-12 / 10-15 分咁出, 真係好難捉到班車幾點開囉
而日間班次呢, 我相信要留得住班客既話, 繁忙時間後 10 / 12 分一班已經係極限
但就呢幾日 app 入面既資料顯示, 日間非繁時班次都不時出現 13/14/15 分一班的情況
加上以往 07:00 - 07:30 竹園開出開既 6 分鐘班次, 昨日所見一下子已經變咗 10 分鐘一班了 :funk:
另外, 根據網上資料, 相信今次減班係 cut 走咗 1-S4
Man@MFHK 發表於 2018-11-27 19:56
下繁係旺角太子本身已經等唔到車果班客係咪以後應該死心落地底？
拉疏唔緊要，俾返多D時間行係岩，但如果 ...
真係唔夠載嘅, 轉用高載囉, 但好多好多巴迷眼中, 包括九巴自己都認為1用低載就夠.
當然, 九巴就認為你上唔到1仲有1A, 位位收多$1.1-$1.4.
北行1同7可以話冇關係, 7行聯合道直落總站, 1行鳳舞街, 除左油尖去橫頭磡東道嘅客重疊, 其他已經談唔上, 要平嘅已經搭左7, 同港鐵重疊就真.
EX-TL 發表於 2018-11-28 11:02
真係唔夠載嘅, 轉用高載囉, 但好多好多巴迷眼中, 包括九巴自己都認為1用低載就夠.
當然, 九巴就認為你上 ...
返樂富附近範圍果班，上唔到1號架1A又可以幫到D乜？唯有落地底啫。
你去太子站旺角警署後面睇下排1號條隊有幾多人會見到1A就過檔？
本帖最後由 Man@MFHK 於 2018-11-28 12:37 編輯
DR1666 發表於 2018-11-28 10:31
噢, 竟然有人覺得 1 同 7 既關係大過 1 同 1A...
論車務可能係既, 一來竹園既車會落樂富做簡單維修,
二 ...
你望下1同7既服務範圍先啦⋯⋯
北行一個竹園一個樂富，地理上只係相隔一條龍翔道。
南行1號落東頭邨九龍城出太子道，7號逆走聯合道出窩打老道擦邊何文田直出廣華，出到彌敦道再同1號會合，但站位就故意分散梅花間竹擺。中途客固然覺得兩條線無關係，反之覺得1號可以同1A叫雙飛既人除左彌敦道外就得界限街至九龍城客，明顯係老九想用貴價1A車海執呢班客，所以下繁可以三四班1A先黎一班企滿人既1號，好命就可以見到被踢出旺角道起載既1號吉車。
事實上7號就係1號既特快版，就似268X同68X咁樣，只係7號仲平過1號成蚊，老九成日想陰乾佢啫。
Man@MFHK 發表於 2018-11-28 12:27
你望下1同7既服務範圍先啦⋯⋯
北行一個竹園一個樂富，地理上只係相隔一條龍翔道。
南行1號落東頭邨九龍城 ...
1同7以前尖沙咀擺過一齊係事實
不過啲開車時間係撞到班司機頂唔順
根本整嗰陣都無諗過兩班客會明顯夾到
另外1我次次見都係旺角太子先捉到最多竹園樂富同九龍城客變頂閘
Man@MFHK 發表於 2018-11-28 12:27
你望下1同7既服務範圍先啦⋯⋯
北行一個竹園一個樂富，地理上只係相隔一條龍翔道。
南行1號落東頭邨九龍城 ...
1 / 1A / 7 既服務範圍我上面回文已經講咗, 只係你一廂情願覺得 7 係 1 既特快線。
講真, 喺樂富搭車去 1 同 7 同樣有服務既地方 (即係油麻地以南既彌敦道), 我諗大部分人都會走咗去搭地鐵囉…
況且, 如果 7 係 1 既特快版, 咁請問竹園班客應該點利用呢條 “特快線”? 唔通搭 7M 落樂富轉乘?
如果純粹利用總站地理位置嚟分, 咁唔通 5 又係 9 既特快線, 89X 又真係 89 既特快線?
九巴要陰乾 7 號, 唔係因為佢平過 1 號一蚊, 係因為條線本身收得平 (同 1 號冇關), 服務範圍同地鐵重疊, 較遠離地鐵一段獨市位 (浸大附近) 需求唔大, 而九龍塘 / 窩打老道一段又有大量路線 (比 7 號收得貴既路線) 重疊啫