本帖最後由 HJ7480 於 2018-12-13 00:17 編輯
用月票坐唔坐得先坐得既話理得佢加到四五十蚊;P
053h4 發表於 2018-12-12 23:43
無計wor, 運吉話地區人仕唔支持否決P960, 地區人仕話無咁ga事。
地區人仕當然信九巴作風有新資源就真係 ...
地區人士覺得岩，就代表岩？
你無自己睇法？
好老實係有村巴，960同968 BBI 或電車轉乘優惠下，P960係無需要開
依家就成個屯門攬炒(欣田硬食貴車)，成就九巴大幅加價同部份巴膠想坐「豪華」車既慾望
S3BL343@66 發表於 2018-12-13 00:20
地區人士覺得岩，就代表岩？
你無自己睇法？
好老實係有村巴，960同968 BBI 或電車轉乘優惠下，P960係無 ...
大家留意番, 地區人士係指什麼?
報導都有講過, 其實只係問下區棍意見就當係,
好了, 區棍係什麼人主導? 一定唔會有唔岩的FEEDBACK 番來的
回#22 一早講左 ， 月票客都要補錢
逐樣逐樣嚟
一般情況之下，理論上如果架車係較為舒服又或者快捷嘅，收貴少許係一個正常嘅做法。而市民普遍亦都會願意比多少許嘅錢去乘搭一個更加好嘅交通工具。不過人數有幾多、願意比到幾多同埋能夠負擔到幾多，就有地區性嘅差異。
所以用一個貴啲嘅價錢開辦一個相對地優質嘅豪華巴士服務直達市區，呢個做法係合理嘅
問題係我上面都提及到
首先，屯門嘅居民係咪願意比多十幾蚊去乘坐一條相對地比較優質嘅服務呢？屯門居民又係咪可以承受到每日來回多於20蚊嘅差額呢？屯門依一類新市鎮大部分都係公屋同埋居屋，佢哋係咪真係有咁迫切嘅需求，需要呢一個豪華巴士服務呢？
其次，根據當年嘅一啲資料，其實呢條豪華巴士路線同埋常規嘅服務應該都係差十分鐘左右。VoT真係去到一分鐘一蚊？你巴士公司覺得一分鐘值一蚊，乘客又係咪咁覺得先？
再講，只係快十分鐘。咁樣嘅話，其實我坐番原本嗰條路線有有咩問題呢？仲要平十蚊。
而且銅鑼灣嘅站係放喺百德新街，係咪真係咁多人願意由百德新街行返入裏面呢？你快咗十分鐘，但由百德新街行返入去崇光嗰邊，咁其實同我坐960去到灣仔轉電車/968、甚至係行落去坐962S/962X，個時間差距又有幾多呢？
如果堅持要用呢個價錢去做豪華巴士服務，咁麻煩你由最北嗰幾個居屋出發，經一兩個私樓之後立即上公路，轉乘站同隧道口都唔停，直接去到中環、金鐘、灣仔北，然後告士打道維園作結
回程就中央圖書館起載，淨係停崇光百貨附近、菲林明道、太古廣場、匯豐總行大廈同砵甸乍街，之後直接入到去屯門。
倒轉如果係想令到屯門大部分嘅屋邨都比多D錢去坐一個貴啲嘅服務，首先價錢方面麻煩同960保持係一個只差20%嘅水平。至少大家見到價錢牌，會覺得兩者嘅差別唔算係太大而有機會轉投。賺3個$10同賺30個$4，邊個賺得多少少，我諗九巴自己都心中有數啦。
最後，的確香港有唔少地區對於啲豪華巴士服務又或者直出市區嘅服務係有一定需求嘅。咁但係點樣定價同有效咁去搶佔市場，唔係大家坐喺辦公室入面吹著冷氣就可以諗到，亦都唔係對住一啲所謂議員做出嚟嘅問卷調查就可以做到。麻煩真係確切地落去地下，睇下究竟係一個咩地區、住咗咩人、有咩要求先。
RyanPun 發表於 2018-12-12 22:58
根本就唔存在公屋私樓問題，住公屋一樣有人比得起$30起跳馬鞍山直出中環豪華價，同樣住私樓唔代表洗得豪爽 ...
你個說法只係證明咗對於新界東居民而言，過海嘅需求係未能夠貼切佢哋嘅需要。
但係唔能夠論證到新界西冇呢個需求，甚至係九巴唔識做生意
係咪唔能夠應付所有需求就叫唔識做生意呢？唔識做生意嘅定義又係咪單純地指有需求存在而未能夠解決呢？我諗呢個你需要深究一下
S3BL343@66 發表於 2018-12-13 00:20
地區人士覺得岩，就代表岩？
你無自己睇法？
好老實係有村巴，960同968 BBI 或電車轉乘優惠下，P960係無 ...
事實上
參考2X同城記A車兩大案例
有唔少市民的確係會願意比多啲錢去買時間，又或者買服務。
問題係對於佢哋而言，佢願意付出幾多錢去買一個咩質素嘅服務？依個數係有地區差異。就例如你可以見到寶琳坑口啲人入機場基本上清一色上A29，那怕佢42蚊一程。但係對於天水圍嘅人嚟講，佢哋只會繼續死等E車。
我可以講嘅就係，屯門區居民唔會出十蚊去買十分鐘同埋一張坐得舒服啲嘅凳
本帖最後由 RyanPun 於 2018-12-13 08:04 編輯
Charon1999 發表於 2018-12-13 07:45
你個說法只係證明咗對於新界東居民而言，過海嘅需求係未能夠貼切佢哋嘅需要。
但係唔能夠論證到新界西冇 ...
當然我講法係就著新界東嚟講，我亦都冇否定過新界西有豪華車需求，對新界東嚟講有豪華車唔會反對，亦都有人會比多十幾蚊買個位坐。但要知道新界東冇乜九巴獨營過海線，要豪華線分分鐘同對家公司講數。
我認我係對九巴有偏見，不過九巴重新界西多過新界東係事實，可以話九巴唔識做生意係我個人睇法，你可以唔同意。不過新東過海線一直都需求咁大，有心去賺返啲客返嚟，一早應該用方法挽留乘客，而唔係就咁不停收車、不停咁班班頂哂閘咁唔理。