Kaix 發表於 2019-2-17 09:06
畀d創意同vision好唔好？多站唔係唔起站的理由，而係要檢討運作模式同著手規劃新線，東鐵搞繁時特快、非 ...
再多站都滿足唔晒全部人需求
只不過會將東鐵越拖越慢
好似你咁講，白石角係要加兩站，加中間頭尾咪好難搭？
污水廠又加，跟住未完，禾輋都要加，愛民再加
快慢車？繁時快慢車咪影響班次law，係咪四線？
Kaix 發表於 2019-2-17 08:58
佢當年成日短視發up瘋你同佢癲？佢用同樣理由否決顯徑站，又合併土瓜灣站同馬頭圍站，MTR一接管KCR顯徑站 ...
我唔認為佢咁講係短視，五萬人流係有冇需要設站嘅準則界線。
多一個車站，入面啲燈油火蠟/電力設備都要營運成本。
為左遷就一個乘客量不足嘅地方，
而要其餘幾十萬乘客付出更多時間成本，咁係對北區/大埔居民嘅不公義。
而要全香港市民額外畀多幾十億公帑加個拍蚊車站，咁係對全香港市民嘅不公義。
加車站，括除居住/就業人口因素，
除非車站週邊可發展潛力極大(eg.康城)，規劃人口超過五萬以上。
或者做到重要轉乘功能(eg.九龍塘)，否則正常情況下係毫無理據要人加車站畀你。
唔好攞宋皇壹/土瓜灣站出黎誤導其他人，呢兩個站週邊人口係遠超過五萬。
就算依家唔夠，未來啟德發展+紅土重建，都會改變該區人口密度。
顯徑站係特殊例子，因為要顧及大圍站承受力問題。但最超碼週邊人口都接近四萬。
而白石角係以中低密度形式發展，未來人口最多得嗰兩三萬，遠未夠格支持到一個重鐵站。
攞台鐵捷運黎講更係可笑，
拎一個三卡列車輕鐵級車站，同一個九卡列車重鐵級車站黎比，有可比性?
車站每日得一千客運量，你會唔會吹大左?具體證據/數據呢?
再講一個車站人流少可以有眾多原因，
但唔代表相關部門冇喺規劃走線時考慮過各車站客運量，冇就週邊需求計過數。
唔好倒果為因，將乘客量不似預期，講成人流少都照起車站。