7/1/2019 城巴 ETA 大幅delay問題
本帖最後由 ViviTse 於 2019-1-9 01:39 編輯小弟好少喺B2開po特登"經歷分享"，或者申訴經歷，
但今次我覺得有必要，一來小弟自己對ETA大幅delay到咁係好少見，未知原因為何(未必係城巴ge問題)，冀望各位板友可以講兩句，
二來起碼大家可以知道有件咁ge事，多加留意。
事緣小弟琴日大概18:45喺 "七海商業中心" 等690翻康盛，
望過ETA，九巴個app寫 "非九巴時段"，
而城巴個app寫下一班大概係 "七海商業中心 / 18:51 / 2.0公里"。
點知每等1分鐘，ETA果班車預計到站時間就delay 1分鐘，
睇住1分鐘1分鐘咁變成 "18:52" "18:53" "18:54".............
而 "2.0公里" 亦都平均每分鐘減0.1 公里..............
初時諗住就算班ETA delay 10分鐘都唔緊要啦，路面遇塞車都唔出奇，
但越等越唔對路，最後竟然果班車個ETA delay到 "七海商業中心 / 19:14 / 0.2公里"
(我中途係一直企喺巴士站，望實ETA & d巴士，而delay其間見唔到有任何同方向ge 690線扺站)，
而最後實際上車時間大概19:16，足足等咗30分鐘。
呢個時段中環開出ge班次根據時間表係12-15分鐘，都算啦，唔怪佢，就當係有車長缺勤/車務調動。
但佢個ETA預計同實際差咁遠ge？如果明知架車"18:51"扺達唔到，咁仲點解要寫喺ETA???
而琴日港島區路面情況，亦無聽聞有大塞車之類；上車之後車長行車速度亦算正常，
咁何來可以畀個ETA delay接近半個鐘???
如果行車受阻或有任何原因，大可以唔顯示果班車個ETA，
我可以搭地鐵轉小巴，但1分鐘1分鐘咁delay係咩料????
果班車個ETA delay完果個時間，已經係遲過 delay之前再下一班車ge扺站時間，咁究竟點解？
有咩原因可以令個ETA 1分鐘1分鐘咁delay，然後一共delay咗成半粒鐘.............?
最後係每個站上車人數明顯多過平時，而到"電廠街"果時已經無位坐，幾乎爆住過海
未知上述情況係偶然定係常見，定或另有原因，希望各位板友可以畀少少意見~
P.S. 以上係小弟所見所聞/見解，
未知是次ETA 大幅delay係路面情況問題、另有原因、定還是其實係鬼班次，
稍後將再向運輸處相關部門/城巴/區議員查詢，並要跟進是次事件。
若有新消息/新進展，或會於留言/編輯本帖以通知大家。
P.S. 小弟有抄低小弟上車ge果班ge車牌號碼，但如無需要，都只會喺同相關部門溝通時使用，恕未能於本板公開
這時候可以開Google Map看看這兩公里之間的路面情況是怎樣 點只delay, 我等2X成日班次突然消失,
明明話5分鐘後有車, 點知5分鐘後再睇就唔見咗,
多次以為十分鐘內上車, 結果企足15分鐘以上 琴晚銅鑼灣好塞車，由杜老誌道開始塞車；我搭你後一班既九巴690，喺百德新街不停話1分鐘埋站最後要成5分鐘先埋到 印象中，新城嘅 ETA，只要真係有距離同時間
果班車可以幾乎 100% 係真車
樓主講嘅情況通常係啲意料之外嘅塞車造成
反而出"非實時"就要小心，好多時班車係唔存在嘅
試過幾次係港澳碼頭等 720
夠鐘架車都唔上客，睇住司機入好價錢方向再轉私牌
喺 ETA 睇住沿途車站一路按序出"非實時"到站時間
最後捉到入境處車站 ETA 由無車突然變成 1分鐘／0.6公里
先知佢係踢咗去入境處起載
難為中環金鐘客以為"非實時"只係嚟緊部車壞機 本帖最後由 AV296-HL1875 於 2019-1-8 09:24 編輯
琴日好塞車喎我搭18:51中環開果班
19:45先到北角 仲追到前一班(18:36中環開)
呢2班成個幾鐘都未過到海
城記6點幾開果幾班好少收車，通常都係塞車塞到拖哂卡
如果係 7 號嘅話係塞到核爆，
城巴頭車平時 1820 左右已經到北角，噚日 1849 先到，
同埋樓主唔好彩因為二車手車快，1856 都到咗北角，樓主 1845 七海等車，變相送咗兩班車車尾。 ETA: Estimated Time of Arrival
新城係用"實時抵站時間查詢"包裝
因為係實時，所以有塞車就會大幅delay，實時報告預計會delay既時間
而家科技係有可能配合不同data去計算塞車所帶來既delay，但始終塞車幾時開始，last幾耐，就真係非常隨機，好難100%準確預計。新城套系統計埋一日不同時段正常行車時間，已經係好好啦
所以科技點先進都好，都要識點運用，有好多站友都提過，如果見到個距離同時間一路延後，就自己計0下值唔值得等