本帖最後由 GK9141 於 2019-3-11 22:59 編輯
西鐵設計好豪華，列車亦都係靚野
感覺當年九鐵落足心機搞依條線
日本列車，全線冷氣，特大豪華車站
全部都表現出九鐵當年以客為上既公司文化
同而家以省錢為上，奶共為次
用大陸中車，架空省錢「環保」設計，偷工減料車站
既港鐵成一大對比
仲有當年西鐵係提早通車
同而家通車永遠有遲無早既港鐵又係成對比
可惜當年田二少得罪當屆政府引致九鐵滅亡
否則兩鐵合併無發生
可能今日繼續有豪華車站，繼續提早通車，新款日本製列車
而唔係偷工減料車站，無限延誤通車，新列車合約永遠只見劣質中國中車大名中標，仲可以輕鬆預測埋下份新列車合約係邊間中，唔洗估估下（因為由份合約未係世界出現之前已經有公司用左時光機提早中左標）
西鐵收費貴係因為成本貴，東鐵起左成百年，折舊率己經完。所以不可以這樣比較，政府起路也講內部回報率
轉車站就因為當年各有各做及吸收九龍塘站經驗，你八號風球或其中一面壞了，呢啲設計就發揮作用，當然平日行到激氣啦。
定綫; 元朗因為起左輕鐵，所以冇選擇。天水圍聽說過總站應該是嘉湖洒店對出，但因為屯公塌石後，要將條鐵落屯門所以變成依家咁！
GK9141 發表於 2019-3-11 22:34
西鐵設計好豪華，列車亦都係靚野
感覺當年九鐵落足心機搞依條線
日本列車，全線冷氣，特大豪華車站
西鐵並沒有提早通車，反而係因為訊號問題而數度延遲通，當年預計係八月通車，但不斷推遲而最終十二月通車
另外，西鐵亦唔係冇醜聞︰西門子，荃灣收樓，都係例子。
另外，有返咁上年紀既鐵路迷都知，當年西鐵係比人(公眾還是鐵路迷)鬧大白象，千九全港最貴晒錢，冇咁多人坐就唔好起咁大起冷氣等等，今日有完全相反既評價，我諗因為真係香港(港鐵)每下愈況，以及人類善於懷念good old days。
GK9141 發表於 2019-3-11 22:34
西鐵設計好豪華，列車亦都係靚野
感覺當年九鐵落足心機搞依條線
日本列車，全線冷氣，特大豪華車站
早在2002年6月，政府(終於)拍板提出由九鐵興建沙中線時，已同時提出兩鐵合併。後來2006年九鐵裂紋同「兵變」，只係加速左兩鐵合併。
繼續有九鐵就繼續有豪華車站？ c hing係咪唔記得「兩隻馬」：馬鐵同落馬洲站，九鐵交左乜貨出黎？仲要兩者都新過西鐵。
仲有記唔記得當時九鐵同時起四線：西鐵、尖東支線、落馬洲支線、馬鐵，前三者都攪到六國大封相(後者唔記得)，同期地鐵起將線又有冇咁多問題？
仲仲有龜鐵就擺明地產為主、鐵路為配套，九鐵雖然好似冇咁離譜，叫做仲比較有誠意喺鐵路發展上，但唔好以為佢好得好多，大圍名X呢舊垃圾，就係佢唔理大圍居民反對屏風樓既訴求而留低既遺物。
tomtom2015 發表於 2019-3-11 23:28
西鐵並沒有提早通車，反而係因為訊號問題而數度延遲通，當年預計係八月通車，但不斷推遲而最終十二月通車 ...
當年西鐵劣評如潮, 一定唔止鐵路迷記得, 客量非常不濟, 新界西居民用行動支持大白象論調, 有番咁上下年紀都會記得.
只係之後香港市道從沙士後走出谷底, 經濟發展越來越好, 西鐵亦有推出同優化配套措施去吸引乘客, 先有今日成績.
元朗區人口年輕, 近年好多人新婚後搬入去住, 或者原區建立分支家庭, 當年嘅大白象論調佢地未必聽過/感受過, 眼下西鐵(配套)嘅方便, 仲有月票加強版嘅無敵, 對佢地嚟講係一落地就有, 但對上一輩嚟講, 呢一切只係洗走以前負評嘅技倆.
咁當然, 純用而家眼光去睇, 西鐵綫係好嘢嚟, 但係咪代表當年啲人冇遠見呢, 我會話如果經濟過左沙士之後一沉不起, 繼而出現大衰退, 民不聊生, 西鐵無可否認係一隻巨型大白象.
換句話講, 當年呢隻「大白象」有啲生不逢時, 佢喺一個近代最壞嘅時間同大家見面, 當人人都擔心緊搵朝唔得晏, 返工隨時收大信封, 減人工, 失業率越來越高, 經濟前景極不明朗嘅時候, 政府興高采烈同大家講西鐵通車, 市民可以俾嘅反映, 就係當年大家見到嘅.
今時今日講呢啲, 唔好話西鐵係大白象, 叫人諗下失業率高企係一個點樣嘅概念, 整個社會氛圍會變成點, 睇怕都有難度.
mckhgc 發表於 2019-3-11 23:31
早在2002年6月，政府(終於)拍板提出由九鐵興建沙中線時，已同時提出兩鐵合併。後來2006年九鐵裂紋同「兵 ...
當年傾兩鐵合併最主要係想解決地鐵玩嘢轉乘不合作既問題
去到06年就真係拍版急急腳合併喇
因為起馬鐵時經濟差冇錢呀嘛，地鐵當年起完將線都窮到燶啦
落馬洲唔覺得好簡陋喎
地鐵將線既難度根本不能同九鐵嗰幾條線同日而語
就算轉咗係地鐵起既一樣要面對呢啲問題
mckhgc 發表於 2019-3-11 23:31
早在2002年6月，政府(終於)拍板提出由九鐵興建沙中線時，已同時提出兩鐵合併。後來2006年九鐵裂紋同「兵 ...
馬鐵當年定位係中型鐵路
加埋資金問題，先起得比較簡漏
如果資金夠相信以九鐵對鐵路發展既誠意係會繼續起豪華車站
相反港鐵係天價資金下仲可以偷工減料，用大陸車，明顯比下去
亦證明當年兩鐵合併係錯誤既決定，無合併就可能唔洗有偷工減料車站，乘客坐川崎重工而唔係中國中車
如果而家無合併香港既鐵路發展相信會好好多
tomtom2015 發表於 2019-3-11 23:28
西鐵並沒有提早通車，反而係因為訊號問題而數度延遲通，當年預計係八月通車，但不斷推遲而最終十二月通車 ...
九鐵晒錢起馬晒得值，真係有用d錢去落足本，有遠見
晒錢而家換黎既係豪華寬敞車站，能夠應付而家西鐵龐大人流，高質素日本製列車，為乘客提供更佳乘車體驗，高架段大量使用浮動道床減震
而家港鐵？晒既錢都唔知去晒邊，一樣車站偷工減料，買質素低下大陸車