本帖最後由 kitarolo 於 2019-4-25 12:57 編輯
私家車電子道路收費,
講得掂拍攝車牌先算啦
況且提高隧道/道路收費
都係價格供求平衡原則。
到返公共交通
新渡輪月票$532
(普通等,每日來回一次)
我認為$780封頂唔足以
令離島住屋價格暴升,始終
時間成本都係要考慮。
另外係個別交通嘅
壟斷性,渡輪最明顯
除非退休或有其他收入
而很少離開島嶼、龍運
A線亦然,如果將「硬食」
無選擇嘅交通剔除盞俾人嘈
條A43已經講無數次
要去東涌就算轉車都唔
便宜(仲有時間/步行距離)
青馬轉乘捱A價兼等車兩次
叫龍運整返張$780月票先,
喺GTC辦理,不需與九巴互通,
員工/東涌居民均可申請,佢會咩?
東涌居民亦無得
申請城巴員工價。
月票唔係用嚟減價?
問心真係次次分流到
其他「合理」嘅選擇?
我理解月票係加價時盡量
提升加幅,之後搵用得唔多
嘅人補貼返常客,所以個別
營辦商做返自己範圍嘅月票
就夠,通用月票會弊多於利。
miklcct 發表於 2019-4-25 11:31
當然偏遠地區全港通我會建議月票要$1000甚至更多啦，舉例合理港九市區就$500，連近郊就$750，加埋新界遠 ...
無月票你就唔搭車? 咁其實你係無需要搭車, 留返個位比其他人啦好唔好 ;P
本帖最後由 Toz 於 2019-4-25 13:07 編輯
政府位位用成人八達通既香港永久居民係現行補貼之外, 每月再補貼三百 , 小童/學生/長者減半, 搭唔晒月月清無得儲, 已經搞掂唔洗月票啦
(唔好問長者一個月免費搭 75 程會點, 我都好有興趣知, 可能可以推動老人就業架 ;P)
Toz 發表於 2019-4-25 12:59
政府位位用成人八達通既香港永久居民每月補貼三百, 小童/學生/長者減半, 搭唔晒月月清無得儲, 已經搞掂唔洗 ...
我估政府有考慮過呢個問題
(長者搭足75程/成人直接付
$300而只用喺交通費上)先至
設定PTFSS係$400打後先開始
計25%資助,至少咁樣做就一定要
實名制,定有其他原因我諗漏咗,要
搵其他師兄補充一吓。
本帖最後由 Toz 於 2019-4-25 13:15 編輯
kitarolo 發表於 2019-4-25 13:05
我估政府有考慮過呢個問題
(長者搭足75程/成人直接付
$300而只用喺交通費上)先至
登記八達通實名制係必然既事, 唔係必然可以濫用, 走水貨唔洗錢仲得掂, 當然最大既問題係某D 唔老實既營運者做假客, 同身份證一對一起碼政府蝕有限錢兼容易查, 八達通數無上限的話真係唔知會點
佢又唔係強制, 應該唔大問題
另一樣野就係政府係有學生車船津貼, 同埋同交通相關既就業津貼, 係咪照比呢
我覺得照比無問題, 搭車都要時間成本, 不過未必個個都係咁諗
Toz 發表於 2019-4-25 12:57
無月票你就唔搭車? 咁其實你係無需要搭車, 留返個位比其他人啦好唔好
...
有月票嘅話我會轉多好多次車，減少我搭車途經嘅地方，留返個位俾真正有需要去路線途經地方嘅乘客。
例如我由薄扶林返旺角，有月票嘅話我諗都唔使諗即刻西隧口跳車，換過部唔經佐敦油麻地嘅巴士去搭啦。
miklcct 發表於 2019-4-25 13:36
有月票嘅話我會轉多好多次車，減少我搭車途經嘅地方，留返個位俾真正有需要去路線途經地方嘅乘客。
例如 ...
其實你要減少佔用資源, 係應該原車搭去旺角, 因為西隧口基本無人上 970, 970 之後都係落多過上好多
巴士公司要逼切提升利用率既線, 會有轉乘, 無就唔該你比錢買時間啦, 咁簡單既道理都有人唔明既
Toz 發表於 2019-4-25 13:41
其實你要減少佔用資源, 係應該原車搭去旺角, 因為西隧口基本無人上 970, 970 之後都係落多過上好多
巴士 ...
970係高鐵站去旺角主要接駁路線，亦都係佐敦油麻地一帶返蘇屋邨嘅主要路線之一。
原車搭去旺角就會佔用咗部車嘅空間15分鐘，但係跳車轉架唔經佐敦嘅就只會佔用部特快車嘅空間10分鐘，咁已經叫做多咗5人分鐘嘅車廂空間出來啦。
miklcct 發表於 2019-4-25 13:54
970係高鐵站去旺角主要接駁路線，亦都係佐敦油麻地一帶返蘇屋邨嘅主要路線之一。
原車搭去旺角就會佔用 ...
西隧口唔經佐敦油麻地只係得返 904/905，但兩條線去旺角彌敦道同 970/970X/971 差唔遠。
重有，薄扶林去旺角唔係 30X 去交廣轉東涌線快 D 咩?