本帖最後由 miklcct 於 2019-5-23 08:05 編輯
我所指嘅外國例如Stockholm之類嘅城市，一出市界過條橋去近郊Lidingö，所有巴士都只係去Ropsten，而且嗰度嘅地鐵接駁係得10分鐘一班；如果要去Nacka或者Värmdö呢啲東面嘅地方，所有巴士都係由Slussen出發，喺繁忙時間通往Slussen嘅巴士專線上面真係一大抽4字頭嘅巴士，終點站全部都係Slussen。至於香港？嗰啲八鄉錦田林村係郊區（rural）囉，一間屋周圍都係田，好似掃管笏嗰啲先有得比，但係嗰度有962B全日出銅鑼灣。
就以住八鄉為例子，嗰度直接揸出市區根本就唔吸引，因為路程太長，而且路費貴（大欖隧道），用八鄉轉車站park and ride其實係係比直接揸出市區更理想
miklcct 發表於 2019-5-23 08:00
我所指嘅外國例如Stockholm之類嘅城市，一出市界過條橋去近郊Lidingö，所有巴士都只係去Ropsten，而且嗰度 ...
香港養車貴
你唔整公共交通方便啲啲人咪玩park and ride，結果八鄉又咪係充滿著廢氣？手痕結果又咪係渣車出市區塞爆啲路？
cobalt174 發表於 2019-5-23 08:17
香港養車貴
你唔整公共交通方便啲啲人咪玩park and ride，結果八鄉又咪係充滿著廢氣？手痕結果又咪係渣車 ...
喺鄉下地方養車貴極有限，唔使過隧道，泊車又平，同埋嗰啲地方得啲班次非常疏落嘅巴士，所以park and ride先係王道。想人唔養車嘅話除非每5分鐘有架16座載人去地鐵站／隧道口轉車站啦。根本上呢啲綠色小巴應該要同離島渡輪一樣，有補貼先合理，同埋快啲整埋ERP啦，舉例一至五8-19私家車／的士／貨車入親中區就收$1000，送貨就8點前／19點後／星期六先好送啦，ERP嘅收入就用來補貼公交。
miklcct 發表於 2019-5-23 10:41
喺鄉下地方養車貴極有限，唔使過隧道，泊車又平，同埋嗰啲地方得啲班次非常疏落嘅巴士，所以park and rid ...
不如你又問吓門常開肯唔肯同你19:00-08:00之間有人同你收貨吧！
香港本身就唔大，況且因為地形、歷史同全世界好多城市規劃佈局都唔同
全世界有幾多地方會肯整一組兩站跨月台轉乘出黎？咪又係得龜鐵叉隻腳埋去嘅地方，根本香港個地形同用地使得路線網絡唔可能好似其他地方稠密，無咁多起地鐵空間同需要，於是咪選擇跨月台而非十字交匯
類似秀茂坪安達咁嘅住宅區，俾著喺其他城市一早有地鐵，係香港平地太少要起上山，山下又無空地，起地鐵相對困難得多，就變咗唔抵玩
cobalt174 發表於 2019-5-23 08:17
香港養車貴
你唔整公共交通方便啲啲人咪玩park and ride，結果八鄉又咪係充滿著廢氣？手痕結果又咪係渣車 ...
新界好多地方駁鐵可以善用+改善現有單車徑推廣單車接駁
單車唔似行路能量消耗多，其實相對可取
做多啲宣傳，教人喺單車徑踩車嘅禮儀就ok，仲可以順帶減少亂踩單車徑嘅假日L;P
每日150個 就算開多3條鐵路往來新界市區都唔夠做
Ricky403 發表於 2019-5-23 11:32
香港本身就唔大，況且因為地形、歷史同全世界好多城市規劃佈局都唔同
全世界有幾多地方會肯整一組兩站跨月 ...
嗰啲山區其實可以起纜車
香港土地空間愈嚟愈少，想整個成十幾個月台嘅交匯處係好唔容易慨事。另外，如果市郊巴士只可以到城市邊緣，咁咪要轉車好唔方便，加劇塞車問題。近年因為生活模式加速而愈嚟愈多人想一程車深入市區，可以慳時間之餘，亦能減少塞車問題。
3asv166@w3 發表於 2019-5-24 19:35
香港土地空間愈嚟愈少，想整個成十幾個月台嘅交匯處係好唔容易慨事。另外，如果市郊巴士只可以到城市邊緣， ...
減少塞車？咪玩啦！而家朝朝繁忙時間港澳碼頭塞咗幾多部9字頭巴士呀？就係越開越多西隧線，全部停哂上環中環金鐘嘅結果！
好心就分流啲路線上林士街天橋啦。