我所指嘅外國例如Stockholm之類嘅城市,一出市界過條橋去近郊Lidingö,所有巴士都只係去Ropsten,而且嗰度嘅地鐵接駁係得10分鐘一班;如果要去Nacka或者Värmdö呢啲東面嘅地方,所有巴士都係由Slussen出發,喺繁忙時間通往Slussen嘅巴士專線上面真係一大抽4字頭嘅巴士,終點站全部都係Slussen。至於香港?嗰啲八鄉錦田林村係郊區(rural)囉,一間屋周圍都係田,好似掃管笏嗰啲先有得比,但係嗰度有962B全日出銅鑼灣。
就以住八鄉為例子,嗰度直接揸出市區根本就唔吸引,因為路程太長,而且路費貴(大欖隧道),用八鄉轉車站park and ride其實係係比直接揸出市區更理想
喺鄉下地方養車貴極有限,唔使過隧道,泊車又平,同埋嗰啲地方得啲班次非常疏落嘅巴士,所以park and ride先係王道。想人唔養車嘅話除非每5分鐘有架16座載人去地鐵站/隧道口轉車站啦。根本上呢啲綠色小巴應該要同離島渡輪一樣,有補貼先合理,同埋快啲整埋ERP啦,舉例一至五8-19私家車/的士/貨車入親中區就收$1000,送貨就8點前/19點後/星期六先好送啦,ERP嘅收入就用來補貼公交。