可以按路線性質設立最低服務水平嗎？
而家啲巴士公司不斷將路線減班，啲市區線唔少去到20、30甚至40分鐘一班。因為係短途市區線關係，通常搭得嘅車程都只係幾分鐘到十幾分鐘，但係隨時要等車等30分鐘以上！好似條18咁，由愛民邨搭去旺角都唔使20分鐘，但係條線大多數時間30分鐘一班！其它選擇41、45、E21A，唔單只貴勁多之餘，班次同樣係垃圾！郊區路線情況亦都一樣，撇除大嶼山之外，其餘地區以往35分鐘一班已經好盡（51減班前係24-35分鐘一班），但係近年啲路線繼續減班，獨市嘅路線竟然可以減到60分鐘一班！！！！！！！51就係最明顯例子，話就話大帽山無人住啫，但係川龍出入整個新界北，以及上村雷公田出入市區一樣係要靠條51經過大帽山出入，搭得嗰15分鐘，等車隨時等一粒鐘！唔通嗰啲郊區嘅居民真係只係值得有一個鐘一班嘅巴士？定係個個揸私家車出入？
究竟可以整啲規則，唔好再俾巴士公司再係咁減班嗎？起碼市區線30分鐘一班呢點真係勁惡頂，可以強制一減到15分鐘，唔夠客嘅話就合併路線嗎，令到可以維持15以內嗎？例如只要殺41，過車俾45就已經可以令45變15分鐘一班，唔會再41 45拖住行，同時強制市區每段有巴士行嘅路都可以做到聯合8分鐘內，方便低需求目的地嘅乘客轉車（因為15分鐘一班短途轉15分鐘一班短途一樣惡頂，而且市區交通情況難以硬性規定定時點）。
至於郊區線本身需求低，又可以學外國咁，貼哂主要車站嘅全部時間表出來，而且計啱時間方便乘客轉車嗎？例如94轉99呢個組合，兩者班次都疏，前者已經去到40，後者亦都要20，其實應該要協調兩者去到麥邊嘅時間方便乘客互轉（因為94另外亦都要就船期，所以只可以改99去就）。又或者上水去川龍，呢個組合更加係要搭3程疏車線！先搭20分鐘一班嘅77K搭25分鐘，再搭25分鐘一班嘅54或者20分鐘一班嘅251B搭4分鐘，之後再轉60分鐘一班嘅51搭13個鐘，如果計唔啱時間嘅話，三程加埋等車隨時等超過一粒鐘！重耐過搭車時間！尤其係你唔知中間嗰程54／251B等幾耐，去到上村走咗班51就唔該等多一粒鐘！如果可以列哂幾個關鍵位嘅時間表做定時點（即係喺路口嘅車站以及主要交通樞紐，包括上村、八鄉警署、錦上路站、東成里），咁已經可以容易知道點樣駁車。
會有幾多人咁得閒陪你由上水去川龍? 上水去川龍點解唔坐278X轉小巴？ HT408 發表於 2019-5-29 17:18
上水去川龍點解唔坐278X轉小巴？
上水去川龍最直接嘅路徑係經大帽山。
miklcct 發表於 2019-5-29 17:23
上水去川龍最直接嘅路徑係經大帽山。
google map 都係建議278x轉80小巴
HT408 發表於 2019-5-29 17:18
上水去川龍點解唔坐278X轉小巴？
樓主又會話小巴人多座位少、小巴上唔到車、小巴貴（雖然80平過51）云云
樓主根本到今日都唔明轉車次數越多，遇到延誤嘅風險就越大，就算set好定時點又如何？一個唔覺意塞一塞車、上多部輪椅已經遲到
Btw，樓主唔係有私人交通工具㗎咩？上水去川龍可以使用私人交通工具，按上面嘅路線唔使比隧道費
https://i.imgur.com/TVws9oW.png 本帖最後由 miklcct 於 2019-5-29 17:43 編輯
ATH1 發表於 2019-5-29 17:34
google map 都係建議278x轉80小巴
Google Map係垃圾，我以往70分鐘嘅通勤路程Google話要90分鐘，所以唔好信，而家嘅通勤路程佢識叫我保鐵（34分鐘）同搭970（43分鐘），但係佢話970可以20分鐘由旺角去到港大，呢個係頭班車都未必做到嘅時間。而我實際上嘅搭法係905一程過唔使轉車，時間同保鐵相差唔遠。
clivetock 發表於 2019-5-29 17:37
樓主又會話小巴人多座位少、小巴上唔到車、小巴貴（雖然80平過51）云云
樓主根本到今日都唔明轉車次數越 ...
兜路路程越多，遇到延誤嘅風險同樣越大，所以最好就用最直接嘅路徑前往。 本帖最後由 6516 於 2019-5-29 18:10 編輯
miklcct 發表於 2019-5-29 18:01
兜路路程越多，遇到延誤嘅風險同樣越大，所以最好就用最直接嘅路徑前往。 ...
想直接咪搭的士囉, 再唔係咪渣私家車囉
你無錢搭嘅用時間買囉, 好簡單