另一單濫用長者八達通呃補助
本帖最後由 kitarolo 於 2019-6-14 08:40 編輯半年內狂嘟長者八達通2,800次呃車費補貼 兩專線小巴司機被捕
1. 究竟係靠舉報,定係電腦程序
檢測(例如同一張卡每日搭多於
兩程即會出alert俾運輸署/相關
機構)其實仲有唔少個案未揭發?
2. 情況應該係與501S類似
司機並非固定日/月薪,有相當
薪酬比例係與客量掛鈎先會咁
挺而走險?
1. 究竟係靠舉報,定係電腦程序
檢測(例如同一張卡每日搭多於
兩程即會出alert俾運輸署/相關
機構)其實仲有唔少個案未揭發?
人總要犯重覆的錯誤:L
睇睇2015年的一單案件的報導:
https://news.mingpao.com/ins/%E6%B8%AF%E8%81%9E/article/20151210/s00001/1449716788881/%E3%80%90%E7%9F%AD%E7%89%87-%E6%AD%B7%E4%BE%86%E9%A6%96%E5%AE%97%E3%80%91%E7%B6%A0van%E5%8F%B8%E6%A9%9F%E5%8D%8A%E5%B9%B4%E5%98%9F%E5%8D%A17500%E6%AC%A1-%E9%A8%99%E9%95%B7%E8%80%85%E4%B9%98%E8%BB%8A%E5%84%AA%E6%83%A015%E8%90%AC
節錄:
警方早前接獲運輸署舉報，指該路線小巴凌晨常有大批長者乘車紀錄，覺得不尋常，於是報警。
雖然根據#1內的報導所講係有人舉報﹐但我估舉報人係運輸署。
人地政府係會check有無異樣的﹐當有唔尋常就會有職員去檢視﹐有唔合理就交警方調查。
點為之有異樣/唔合理?
方法可以好簡單 :
可以睇下個所有路線長者所佔的比例﹐睇下不同時段長者的使用率。
(更進一步係可以睇埋邊部車的交易資料﹐掌握更多審查方向性資料)
如有個別時段異常高﹐或者不符合該路線以往一段長時間的乘車模式﹐就派人去睇實際情況。
真係長者係符合使用率﹐即係正常無問題﹐可以調整相關路線的審查條件。
但有明顯不同就可以考慮交警方處理作進一步調查。
以第一單案件來講﹐通宵時間持續有大量長者乘車﹐引起政府審查﹐完全係正常不過。
(簡單講﹐通宵線去大量用長者卡﹐根本係自殺)
根本當年推$2的時間﹐政府已經講明有機制去做審查。
八達通公司亦會 "交數" 比政府﹐當中包括一系列的報表﹐以做政府去審視補貼金額的去向。
雖然﹐無公開過這些 "報表" 係包括什麼﹐但點都會夠政府做審查有無被濫用/不法使用的。
而且﹐亦可以叫八達通公司幫手﹐利用數據分析﹐進一步提升審查效率。例如為不同路線設定不同時間的長者使用率﹐高過預設就自動出警示。
一開始推呢個計劃就限左個人八達通就冇事啦（殘疾人士都係咁者）
我都係嗰句 大把議員樂意協助長者申請啦（有堆都幫緊你申請長者卡，一併做者）
仲要多謝城巴 要享用60歲或以上長者優惠就要用個人八達通 053h4 發表於 2019-6-14 11:46
其實小巴係咪應該受惠於兩蚊呢樣野，個人有疑問。
有些地方出入只可靠小巴﹐特別係個別醫院﹐唔包專線小巴﹐會唔會有點問題?
只要票價係受監管﹐服務對象係所有市民﹐提供優惠都係合理的。
註 : 村巴的服務對象係相關的村民﹐唔包括在內係正常的。
反而﹐一刀切 $2 才是問題所在。
個人建議係一律以成人票價的25%作為津貼票價﹐即係成人票價 $4﹐受惠人只需支付 $1 ; 當成人票價為 $20﹐受惠人需支付$5。
lsc04d11 發表於 2019-6-14 10:45
一開始推呢個計劃就限左個人八達通就冇事啦（殘疾人士都係咁者）
我都係嗰句 大把議員樂意協助長者申請啦（ ...
仲有我在瑪嘉烈醫院工作期間，聽過90P小巴司機講不少大約二十幾歲年輕職員偷用長者八達通搭車，但因為公司有政府補貼，所以啲司機都唔敢出聲話佢哋，所以我贊成長者八達通改為同長者咭合併為實名的個人長者咭個人八達通！ lsc04d11 發表於 2019-6-14 10:45
一開始推呢個計劃就限左個人八達通就冇事啦（殘疾人士都係咁者）
我都係嗰句 大把議員樂意協助長者申請啦（ ...
個人卡才有優惠﹐我同意的。
但實行的細節就唔係簡單了﹐要避免一口氣要處理大量申請﹐可能要好幾年才可完成。
理想就係新申請長者卡﹐政府會提供一次性的補助﹐將八達通轉為個人卡。
同一時間就按長者年齡層﹐分批提供一次性補助轉做個人卡。
假如有壞卡﹐就免費換新卡。(以八達通公司標準去判定是否需要收費)
如有遺失﹐就要支付費用補買新卡。
另一個做法﹐就不用轉個人卡(實際上換卡)﹐但要睇技術上做唔做到。
只要長者帶同身份證到指定地方﹐將其八達通卡增加記錄﹐可使用$2計算﹐每一長者只限登記一張。
如有壞卡/遺失﹐可以再登記新八達通卡。
不論什麼做法﹐每一位長者同一時間只能有一張可使用$2的八達通卡。
有需要換卡時﹐舊卡自動lock卡﹐完全唔用得。
政府亦會提供資料﹐當長者移民天堂時﹐同樣地會lock卡﹐不能再使用﹐但可以退卡取回餘額。
kei_hk 發表於 2019-6-14 14:22
個人卡才有優惠﹐我同意的。
但實行的細節就唔係簡單了﹐要避免一口氣要處理大量申請﹐可能要好幾年才可 ...
澳門長者免費乘車，係必需使用有相片實名際的長者澳門通拍咭方可免費乘車，其實香港都可以用同樣方法，但要同長者咭合併！ AMN1 發表於 2019-6-14 22:00
澳門長者免費乘車，係必需使用有相片實名際的長者澳門通拍咭方可免費乘車，其實香港都可以用同樣方法，但 ...
呢個方案都可行的,但是政府或勞福局肯唔肯做都成問題;就算要做都要三二年先處理完成啦.:lol
AtrHenu 發表於 2019-6-15 09:16
呢個方案都可行的,但是政府或勞福局肯唔肯做都成問題;就算要做都要三二年先處理完成啦.
...
成個 "更新計劃" 所花時間不是問題﹐一至兩年去換卡都係合理時間。
最重要係肯去做﹐加強打擊不合法使用。
不過﹐這個期間就會有大量八達通退回﹐可能做成一大堆卡成為垃圾。;P
唔知有無方法去更新卡內的儲存的 "卡種" 資料 + 卡面的印刷﹐以便變成其他卡種再使用。
頁:
[1]
2