（問)大西北搭西鐵去九龍塘較快捷方法
如果由大西北搭西鐵去九龍塘，美孚轉定紅磡轉較快捷？雖然紅磡轉東鐵係轉直接，但如果不幸去到啱走班車，下一班閒閒地都要5-10分鐘先開
美孚轉荃灣綫＋觀塘綫感覺上會快些少，不過美孚行去轉車條路都要D時間
歡迎討論
人越大越唔想行，越唔想罰企，一定係紅磡轉，等多班車都係咁話！ 南昌好似轉回頭車落荔景轉會好d啊 你幾點出發？東鐵幾時有5-10分鐘咁疏車 美孚站人行到去荃灣線月台，繼續搭西鐵都可能去到尖東甚至紅磡，除非有摩打腳。;P
兩種我都試過
美孚轉係快少少，雖然行一大段路先到荃灣線，又一定冇位坐，但時間上係快紅磡轉少少。
紅磡轉會受制於西鐵車到站後能否和對面東鐵車完美交接，下繁來講，已經試過無數次下班車客仲快過我地轉車，而且紅磡上亦未必有位坐，咁計的話，美孚長路就唔算係乜了 睇你幾點出發，朝早繁忙時間，紅磡轉會快D+舒服D，因為往往對面就係等待出發既東鐵，而且相比起美孚，紅磡站冇咁迫亦唔洗行咁遠
其他時間應該不相伯仲
(利申，係九龍塘其中一間大學讀過三年) 唔理其他因素, 淨係想快係應該美孚轉, 只要揀啱車門, 一到美孚就上扶手梯上大堂, 條路係長, 不過較闊落, 行快行慢可以自己控制.
要睇彩數嘅紅磡站, 一上一落, 仲要博過到去趕得切車, 去到架車走左又要走返過嚟, 會白白浪費好多時間. 本帖最後由 lsc04d11 於 2019-6-24 20:17 編輯
當年日日紅磡站轉某日開始加密左班次 我個搭法反而慢左 經常唔可以30秒內轉綫兼開車 又為左個位要等2班(因為每個月台等一班車即係兩班車開出嘛)有時仲要九龍塘搭遲一架車仲會快啲轉到車所以九龍塘有車都唔會追跟隨天意
(我係講緊九龍塘往屯門)
見住堆友往落馬洲/羅湖仲好笑都係要等同一月台其實上左先 一係旺角東轉番岩目的地 一係上水轉都好過企喺同一月台等等等
本帖最後由 mckhgc 於 2019-6-25 00:51 編輯
紅磡站個轉車安排，真係失敗到貼地差劣到冇朋友，宣傳就話咩行過對面，實際上？繁時西鐵密D可能得，非繁？西轉東好少少，東鐵通常比較密，就算對面冇車，等下班都通常唔會超過5分。東轉西就認真濕滯。
非繁，十有八九都係東鐵入1(4)台，就見得3(2)台有車，2-3分後開，對面2(3)台就要等8-9分，如果我落車位對正電梯都仲好，對唔正的話真係上唔上大堂轉好？
一係呢，就見對面2(3)台有車，以為咁好彩，唸著陣間買六合彩，點知東鐵一開門，對門西鐵就即閂門，當然呢D情況係永冇彈門。
之前有人賴話東西鐵控制中心分開，之後合併晒去青衣控制又幾多年了？依然一D改善都冇。寫個match得好D既時間表真係咁困難？定係又係東鐵D永不準時既蝗車打亂？
西北貴客成日話西鐵超多人超飽和超大需求要起多條，但既然咁大需求，點解龜鐵一直冇將西鐵加班至東鐵水平？如果西鐵做到非繁都同東鐵差不度，通常少於5分就一班，以上問題已解決一大半。
都係嗰句，97年方案，柯士甸站作為東西鐵唯一交匯站兼南端總站，馬鐵過海，味完美晒囉。
再唔係，紅磡站改為三軌雙島式月台，西鐵只用其中一月台，例如只用2台，將3台路軌改成月台，西鐵開兩邊門，咁都好過咁不知所謂。
頁:
[1]
2