原帖由 timmylee 於 2006-7-5 21:59 發表
我行過深の都一次，之後已經唔想再行~
走廊太窄，舖位過細，蘋果商場(西九龍中心)好行過佢多多聲~
同埋佢唔識利用自然光，將所有窗口封晒~
如果比我搞，我會將走廊移去最外圍，引入自然光，而中間就間幾 ...
前鴨寮街大快活果度唔係開左鴨寮數碼城咩?
原帖由 timmylee 於 2006-7-5 21:59 發表
我行過深都一次，之後已經唔想再行~
走廊太窄，舖位過細，蘋果商場(西九龍中心)好行過佢多多聲~
同埋佢唔識利用自然光，將所有窗口封晒~
如果比我搞，我會將走廊移去最外圍，引入自然光，而中間就間幾 ...
鴨寮數碼城嘛，執左啦;P
死因我覺得係門口太細，D人唔識點上去:D
原帖由 ChickenTong 於 2006-7-5 21:21 發表
深之都既鋪位真係好細,可能比大商場既廁格仲細..
賣電腦野要咁細間鋪有鬼用咩..又淺又窄..
條走廊仲衰..幾廿年歷史既黃金都闊過佢啦..
我係客都唔會行入去..
其實深之都個位做超市最好, 或者像大陸那些賣電話的櫃位咁就有得做.
就算係做電腦場, 都要將舖面加大, 舖位數目減少, 再將當年酒樓的入口
還原才可以, 坦白講, 隔離係黃金高登, 人流唔會差, 睇下你點定位同包裝
o者, 看看旺角電腦中心, 前身一樣係酒樓, 依家咪旺足十五年, 家陣深之
都D舖位細過商場殘廁......
唯一深之都不能做的, 係賣女裝, 條街已經咁多平貨執(我指門口廿蚊件
果D), 如果賣女裝, 必死.
始終都係黃金高登最好, 兩個場有不同客路, 賣的東西也集中(高登賣砌機,
黃金賣週邊)
「深(之)都」、「e電城」、「重慶站」，
三個小弟都有行過，
「深(之)都」舖面細到有如廁格，
走廊容納唔到兩個人行，
都未必足以搞佢「死o下死o下」咁款。
如果可以打通幾間舖，
連走廊都霸埋做舖面一部份的話，
都仲可以等到福華街街邊檔要被迫上樓時，
容納o個一批商販……:L
「e電城」當初開幕唔係好耐，
人流都唔係好差，
出租率亦有八成左右，
可能同個「海景」有關係啦～～
不過睇返場內貨品，
同「黃金」、「 298 」冇乜分別，
偏偏又係死埋同一樣o野－－舖面細！
雖則同一般「精品舖」大細差唔多，
但係對於賣電腦產品o黎講，
始終仲係唔夠大……
「重慶站」，
小弟覺得個死穴係 SaSa ！
由地下望上去，
只係望到大大隻「 SaSa 」，
電梯兩邊有防盜裝置，
再加埋個「實Ｑ」，
小弟都好懷疑自己有冇眼花：
「呢個叫『重慶站』？
叫我死入去 SaSa 就叫『重慶站』？
玩o野呀？」
上到 SaSa 門口，
先知道再上多一層先係「重慶站」，
SaSa 將唯一出入通道列入營業範圍，
小弟極之討厭呢隻做法喇！:@
搞到好似幫襯 SaSa 咁……
（註：
小弟對 SaSa 印象極差，
感覺上只係一Ｄ無知、毫無品德o既「八婆」入去「搶呀！搶呀！」。）
講到呢Ｄ細商場，
小弟想講多兩個：
一個係位於彌敦道、甘肅街交界o既「數碼講」，
同埋位於觀塘牛頭角道裕民中心上層o既同類型細商場，
（唔記得叫乜名:L）
先講「數碼講」，
小弟上過去一次咁大把，
大概係開張之後半年左右。
半年喇～～
成個商場竟然只係租得出一個舖位！
仲可以俾佢o係地下入口處開張檯仔賣o野喎！
即係叫人唔使上去行啦！
咁樣搞商場，
小弟都係第一次見～～
觀塘牛頭角道裕民中心上層o既同類型細商場，
開張都只係幾個月，
（記唔清係「未夠半年」定「上年年尾」，
有錯請指正。）
開張時搵「影視紅星」安德尊做抽獎o架！
都唔好話冇宣傳～～
小弟上個月入過去，
發覺出租率都高達八成，
其中有廿幾個相連舖位係打通做特賣場；
場內亦有個細細o地o既「美食廣場」，
（好似得一間舖～～）
主要食車仔麵。
其實呢Ｄ「細商場」點先至可以做得起，
小弟都唔知有乜o野法則，
但係小弟諗到「觀塘廣場」呢個「豆泥商場」，
舖面大細都係唔算大，
冇乜裝修之餘，
仲要「烏燈黑火」、衰過「先達」同「信和」，
但係入面有機舖、有快餐店，
就連投注站都有！
雖則依家已經冇乜「老翻碟」舖，
得返一、兩間「四仔」，
但係都可以做得住，
唔知其他「死o下死o下」咁款o既細商場，
又係咪可以借鏡呢？:o
原帖由 bose_hung 於 2006-7-5 23:54 發表
其實呢Ｄ「細商場」點先至可以做得起，
小弟都唔知有乜o野法則，
但係小弟諗到「觀塘廣場」呢個「豆泥商場」，
舖面大細都係唔算大，
冇乜裝修之餘，
仲要「烏燈黑火」、衰過「先達」同「信和」，
但係入面有機舖、有快餐店，
就連投注站都有！
雖則依家已經冇乜「老翻碟」舖，
得返一、兩間「四仔」，
但係都可以做得住，
唔知其他「死o下死o下」咁款o既細商場，
又係咪可以借鏡呢？
觀塘廣場呢個例子好特別...
場內有電腦耗材店，賣CD-R/DVD-R同黃金差唔多價(原因主要係部分貨源近貨倉，運費可以省小小)，
所以東九龍既人有部分都會去觀塘廣場買電腦耗材，節省車費....
而且係地鐵站旁邊，入面食野又大眾化，點都有人流...
原帖由 bose_hung 於 2006-7-5 23:54 發表
其實呢Ｄ「細商場」點先至可以做得起，
小弟都唔知有乜o野法則，
但係小弟諗到「觀塘廣場」呢個「豆泥商場」，
舖面大細都係唔算大，
冇乜裝修之餘，
仲要「烏燈黑火」、衰過「先達」同「信和」，
但係入面有機舖、有快餐店，
就連投注站都有！
雖則依家已經冇乜「老翻碟」舖，
得返一、兩間「四仔」，
但係都可以做得住，
唔知其他「死o下死o下」咁款o既細商場，
又係咪可以借鏡呢？
北角的柏麗購物大道也差不多，沒有特別裝修，舖位、走廊窄，
雖然出租率也不是很高，但靠那些電腦用品店、電腦遊戲店、影
印店、「老翻」/「四仔」店，也算不錯，人流還可以；
反觀它樓上的新時代廣場就一直在發霉，出租率長期維持在低水
平，即使在大門口裝了大型屏幕，也不能轉運。
北角區還有很多商場都是同一命運，如馬寶33商場、英皇道888商場、
華滙中心商場、國賓廣場，全都長期有大量空舖位，國賓廣場最後更
要將二、三樓租給老人院救亡。
原帖由 bose_hung 於 2006-7-5 23:54 發表
但係小弟諗到「觀塘廣場」呢個「豆泥商場」，
舖面大細都係唔算大，
冇乜裝修之餘，
其實，好多好多年之前，觀塘廣場曾經係一個區內的高檔商場，除了有食肆，還有幾多CD舖、時裝、AV產品及漫畫精品舖。
不過，管理方面就麻麻地，先天的就係唔夠扶手電梯，食肆又整到個場好邋遢。再之後翻版舖入侵，東港城與新都城開張，個場就係咁先。
原帖由 ML29 於 2006-7-6 01:03 發表
北角區還有很多商場都是同一命運，如馬寶33商場、英皇道888商場、
華滙中心商場、國賓廣場，全都長期有大量空舖位，國賓廣場最後更
要將二、三樓租給老人院救亡。
講起國賓廣場就好笑, 地庫連住北角地鐵站
個層長年空置, 樓上二三樓有大家樂同萬寧
個陣都旺過一排, 但到最後....... ;P
尖沙咀仲有個細場 - 數碼都市
開幕個陣係威係勢, 但之後
次次搭車經過, 都淨係得近門口
間賣 tie 定乜野既鋪頭做生意 :lol