RyanPun 發表於 2019-8-23 12:12
除非觀塘繞道入大老山龍尾未到彩虹隔音屏，否則行老龍上大老山正常情況係會快過麗晶上。
不過都唔係百分 ...
所以我覺得89D下繁應該一拆二，一半車唔停啟泰苑，上天橋cut落去停紅萼樓，就唔使受新清影響。一半就啟泰苑停完直上觀塘繞道
MCMoore 發表於 2019-8-23 12:48
所以我覺得89D下繁應該一拆二，一半車唔停啟泰苑，上天橋cut落去停紅萼樓，就唔使受新清影響。一半就啟泰 ...
我想講老龍天橋落彩虹一樣係唔穩定咁塞車，講真下繁最正路、最少影響已經係依家原路上大老山，只要將二線上大老山改做一線上、同時拆走錦雲樓盞燈，等唔駛上大老山嘅車陪塞錦雲樓盞燈，就已經唔駛經常受老龍影響。
99MAN 發表於 2019-8-23 12:28
89D同87D根本應飛走富安，分別交比89C、81C提速處理。
呢樣野，朝早已經做緊
至於點解唔全日做，在以往既post應該都有討論過
RyanPun 發表於 2019-8-23 13:05
我想講老龍天橋落彩虹一樣係唔穩定咁塞車，講真下繁最正路、最少影響已經係依家原路上大老山，只要將二線 ...
我都覺得唔應該再夾硬要老龍上大老山既車cut出二線
第一，大老山除非炒大鑊，否則上橋位幾塞車都唔會頂返落老龍
第二正是樓上所講，當老龍西行直去都大塞車時，就會頂死上大老山既車 (呢個月都試過一兩次..)
老龍西行左一線現時既使用量，即使錦雲樓盞燈會頂一頂，都唔差得過死cut出第二線
但我唔贊成拆走錦雲樓出面個燈位
kwn1029 發表於 2019-8-23 13:38
我都覺得唔應該再夾硬要老龍上大老山既車cut出二線
第一，大老山除非炒大鑊，否則上橋位幾塞車都唔會頂返 ...
錦雲樓盞燈以行人、交通同彩虹道迴旋處流量，照計就唔會對上大老山嘅車有影響，我咁樣講都係比較安全嘅做法。
RyanPun 發表於 2019-8-23 13:05
我想講老龍天橋落彩虹一樣係唔穩定咁塞車，講真下繁最正路、最少影響已經係依家原路上大老山，只要將二線 ...
我就成日見清水灣道支燈因為車海27/29M牛池灣街市同大西北線丹鳳樓埋站頂住，搞到一個phase過唔到好多架，反而橋上好穩定咁慢車。同埋睇15A其實唔係咁難cut埋去停。
當然入大老山要重新劃線我都認同，其實係削下行人路就可以將行人天橋底變兩線變三線，中間就好似堅拿道天橋咁畀一小段巴士線等巴士可以cut去上大老山嘅支路就得
MCMoore 發表於 2019-8-23 15:31
我就成日見清水灣道支燈因為車海27/29M牛池灣街市同大西北線丹鳳樓埋站頂住，搞到一個phase過唔到好多架 ...
一線停完紅萼樓最正路直行摌上大老山，一直都諗唔明點解冇人發覺呢個問題。
要老龍三線變兩線直去就冇乜可能做到，反而支路上大老山係最唔塞車嘅就焗著cut入二線同老龍車龍一齊塞，變相拖冧哂紅萼樓上大老山堆線啲班次。
MCMoore 發表於 2019-8-23 15:31
我就成日見清水灣道支燈因為車海27/29M牛池灣街市同大西北線丹鳳樓埋站頂住，搞到一個phase過唔到好多架 ...
你開頭所講，近住新清果個燈位去車不順既問題
某程度上同駕駛者習慣有關
丹鳳樓巴士站個闊度比其他一般巴士站較窄，而且一多巴士埋站就好易頂住慢線，造成兩線變一線既樽頸
加上再前少少就係彩虹邨入口，同埋唔少巴士都要埋既紅萼樓站:lol
除非駕駛者一早預測到而行第二線，否則呢D由「突然要cut過隔離線，隔離線既車要收慢」所造成既樽頸問題
其實唔單係呢個燈位，好多唔同地方都時常發生緊呢d事
kwn1029 發表於 2019-8-23 16:26
你開頭所講，近住新清果個燈位去車不順既問題
某程度上同駕駛者習慣有關
呢個問題喺丹鳳樓特別明顯，因為龍翔道巴士車流太大，丹鳳樓啲車停得突出小小，慢線就過唔到巴士。其實我見呢個位加緊升降機，但又好似無話想順便整下行人路條界