Lyt_Kondisc 發表於 2019-9-5 12:20
即使港鐵行為失當而冇合理解釋，你地都唔應該破壞港鐵。你咁做只會令自己理虧，俾人捉痛腳，反而大條道理 ...
由5年前出左夏慤道佔領開始，呢啲失民心論已經聽過好多次啦，又黎「去律敦治醫院生仔」？
宜家既公民抗命已經唔係5年前既程度，當年佔領道路宜家已經變成最低消費，亦無大台去控制場面
我只可以講，日趨激烈既抗爭係可以理解，要民意逆轉既話一早就逆轉左（不合作運動6月就已經有），希望你update下
本帖最後由 paul2357paul 於 2019-9-5 16:48 編輯
Lyt_Kondisc 發表於 2019-9-5 12:20
即使港鐵行為失當而冇合理解釋，你地都唔應該破壞港鐵。你咁做只會令自己理虧，俾人捉痛腳，反而大條道理 ...
不過幾奇怪，明明機場同埋港鐵範圍已經續哂禁制令，
到頭來都做唔到封鎖大嶼山成班友隨即被拉哂去法庭立即開庭審藐視法庭罪，
反而容許到佢地破壞埋東涌站仲要北大嶼公路長征離開大嶼山？
當然我再次強調，破壞港鐵站威逼港鐵侷住罷駛係超錯既戰略。
cyc_yin 發表於 2019-9-5 13:26
由5年前出左夏慤道佔領開始，呢啲失民心論已經聽過好多次啦，又黎「去律敦治醫院生仔」？
宜家既公民抗 ...
你聽左咁多次仲唔識得執生？人哋小市民打工係真係為咗生計，你而家直情係打爛佢哋飯碗，好多人被迫放假，係用走佢哋本身有嘅有薪假，當佢哋嘅有薪假都冇晒嗰陣就會開始發無薪假，到最後呢啲人就會好容易被炒，你有冇以從佢哋嘅角度出發？
你哋呢啲「帶着光環」嘅抗爭者只會覺得人哋堅持返工係不理會時事同政事，政治冷感，但係你有冇諗過佢哋返工都可以有一種使命感，例如醫護人員、消防人員、office receptionist，你就淨係覺得佢哋識得向錢看。
唔該你都update下，有部份本身反對修例嘅人都支持警察執法，你就可以諗其實而家呢一連串嘅不合作運動已經令到部份原本同你站在同一陣線嘅人反感。
本帖最後由 cyc_yin 於 2019-9-5 19:58 編輯
Lyt_Kondisc 發表於 2019-9-5 18:42
你聽左咁多次仲唔識得執生？人哋小市民打工係真係為咗生計，你而家直情係打爛佢哋飯碗，好多人被迫放假， ...
飯碗冇咗可以再搵，但香港只有一個。
2月13日，保安局開始就送中條例進行公眾諮詢
3月4日，大律師公會發聲明反對
3月19日，香港總商會主席表示反對
4月2日，政府提交條例草案，大律師公會再反對。（留意返咨詢期係比正常短）
4月3日，在爭議聲下，親中議員支持下，首讀通過
4月28日，13萬遊行
5月15日，大律師公會再發聲明反對
5月28日，學界和宗教界發聯署反對
6月6日，法律界遊行反對
6月9日，100萬遊行
從最初諮詢到宜家經歷過咁多事，只係得「動議撤回」。和平表達過意見，到612催淚彈掀起越來越激烈既抗爭，問題亦由送中擴大去警察濫用暴力、醫院洩漏資料、黑社會無法無天、港鐵姓黨、國泰自閹等等方面。正正因為有使命感，醫護人員會靜坐，各界人士出黎罷工、學生罷課。
一百萬遊行，無用
二百萬遊行，無用
圍立法會，無用
圍警總 ，無用
地區示威，無用
民選議員 ，無用，DQ埋你都仲得
司法覆核，無用
香港之路，無用
全球登報 ，無用
聯署白宮 ，無用
要求英國介入履行中英聯合聲明，無用
機場示威，（可能）無用
被捕人數過千，重傷不計其數，斷腳、盲眼、昏迷，更有人唔敢求醫；拘捕後受凌辱、性侵、暴力、非人道對待；死諫者有9人
整個運動黎到呢刻已經唔係單單反送中，係關乎有否惻隱之心、良知：有良知既，對警察執法既反感肯定大過對示威活動既反感。你話既執生，唔好影響飯碗，但面對極權政府仲可以點做？
可恨裝睡既人係叫唔醒既，你可以繼續停留係打爛飯碗既思維上。
最諷刺既係，香港既野要由我呢個住喺日本既人同返你講。
cyc_yin 發表於 2019-9-5 19:43
飯碗冇咗可以再搵，但香港只有一個。
2月13日，保安局開始就送中條例進行公眾諮詢
你呢啲咪就係搞分化嘅人囉。即使大家都係反對修例，但係你仲要控制埋其他人反對政府嘅方法，然後當比較中立嘅人唔太支持你哋嘅做法嗰陣，你哋就覺得係我哋割席。
你憑咩講側隱之心？示威者多次影響到港鐵職員，仲要令港鐵職員受言語辱罵、挨粗口，你哋有關心其他工作人士咩？你哋成班人都冇返工，淨係去示威，跟住就話啲返工嘅人士唔理社會時事，仲要對呢啲人加以抹黑，什至網絡公審。你有冇資格講側隱之心呢樣嘢？
可惜一啲真正裝睡嘅人居然話一啲只係意見上有少少唔同嘅人做裝睡者，仲要以為自己思想幾咁前衛、清高，要全世界都圍住你轉，你呢種諗法完全係離地。
你真係咁關心香港嘅，你就唔好再喺度做鍵盤戰士，立即番嚟香港做示威前線。唔好人住日本，然後就叫啲香港人為你所謂高明嘅政見幫你孭飛！
本帖最後由 cyc_yin 於 2019-9-5 21:15 編輯
Lyt_Kondisc 發表於 2019-9-5 20:16
你呢啲咪就係搞分化嘅人囉。即使大家都係反對修例，但係你仲要控制埋其他人反對政府嘅方法，然後當比較中 ...
如果解釋返點解示威會牽連上港鐵，示威者喺鐵路做既行為都叫「控制埋其他人反對政府嘅方法」、「分化」，咁好多社評、網上KOL都係咁啦，更何況宜家無大台既時候我又何德何能去控制同分化呢？
對於「打爛飯碗」既言論，我只係講返現時無助、傷亡既情況導致抗爭變得激烈、能夠理解事情會咁發展，咁樣就話係分化「比較中立嘅人」，我問「面對極權政府仲可以點做？」，你無回應
有關惻隱之心方面，我講示威者傷亡，你舉出示威影響港鐵職員、受辱罵，又指責「示威者抹黑、網絡公審唔理社會時事既人」（如果有呢件事唔該post返link）；我明你睇重港鐵職員，但我無資格講惻隱之心既邏輯喺邊？喺惻隱之心上，為香港未來傷亡vs受一時辱罵，唔通兩者既天秤真係向「辱罵」一邊傾斜？
我睇你寫既最後一段就覺得你一定係示威前線常客，或者鼓吹出去示威，但示威又何嘗唔係影響緊其他人飯碗？咁咪同你之前言論立場矛盾？
cyc_yin 發表於 2019-9-5 21:13
如果解釋返點解示威會牽連上港鐵，示威者喺鐵路做既行為都叫「控制埋其他人反對政府嘅方法」、「分化」， ...
我唔係前線，我亦反對嗰啲人嘅行為，覺得前線嗰咋有問題。我只想講，你咁大口氣，你應該用行動證明自己決心。你自己一個最大問題係你坐係冷氣房，仲要去咗日本住，但係你想大家一齊出戶外做比較激烈嘅抗爭，你同當年柴玲呢啲人士冇分別，淨係叫人做自己唔做，冇責任心。
冇大台，你確定？民陣算大啦，每次都被俾班較激進份子騎劫，然後仲嫌其他人只和平散去唔幫手㖭。
你覺得無助啫，抵你。五大訴求根本有啲冇可能（如釋放所有示威者），對不可能嘅嘢產生希望，只會千怨萬恨永不散。
面對極權，你更加應該要識做。香港太細，如果冇大陸人嘅支持，你就應該務實行事，着眼於有機會兼可行嘅嘢，你就算拉晒所有香港人落水都唔會大程度上影響呢個極權，七百萬人對十四億人，你就可以想像香港真係可以做到啲咩，你哋太理想化。
分化冇你想像中咁難，人不嬲都係自私嘅。唔好以為一句「核爆都唔割」就真係可以團結晒所有香港人啦，你團結嘅最多只係比較接受到暴力嘅示威者。而家勇武派一個最大問題係覺得和理非嗰啲人應該要盡量接受自己啲行為，睇到自己係成場運動嘅舵手咁，完全自我膨脹。仲要成日話啲比較和平嘅示威者阻礙或唔配合佢哋嘅行動。須知由於今次修例影響層面比較廣，所以平時比較中立嘅人都走咗出嚟，呢班游離分子好容易就會散。
呢個討論版係香港鐵路，我針對港鐵嚟講。
一例：https://lihkg.com/thread/1358862/page/1
至於點解我覺得你無資格講側隱之心，係因為你覺得其他人損失去達成你心中嘅目標係好值得，但係你冇從其他人內心出發，點解人哋都要俾你無理取鬧。喺你地眼中，支持你哋嘅行動或者係俾你地鬧嘅人，都只係你哋為咗達成目標既利器，你根本為求得成自己心中嘅目標而唔尊重其他社會嘅持份者。如果你覺得受一時辱罵係可以接受嘅，咁點解你又唔可以接受有部份示威者俾人拉去差館，反正兩者喺你角度中都係一種犧牲。喺你哋嘅抗爭行動中，你哋嘅隊友俾人拉咗，你哋就發晒火，要求放人；一啲唔關事嘅人受到傷害，你就覺得冇所謂，覺得佢哋應該接受，呢啲就係雙重標準。
本帖最後由 cyc_yin 於 2019-9-5 23:35 編輯
Lyt_Kondisc 發表於 2019-9-5 22:22
我唔係前線，我亦反對嗰啲人嘅行為，覺得前線嗰咋有問題。我只想講，你咁大口氣，你應該用行動證明自己決 ...
我一路都講事情既發展係可以理解，亦係我講過女友發現你有第三者，因此刮你一巴、你背叛朋友，因此被排擠呢啲。你可能覺得難以想像、唔符合你既道德尺度，但喺宜家社會氣氛上，憎恨令到抗爭者做出唔同違法野對抗、勇武「騎劫」、港鐵成為攻擊對象之一根本不意外。
抗爭者覺得港鐵喺721做得差，所以會起底、辱罵、拆站等等，不再贅述（你話咩「公審唔理社會時事既人」真係唔知你講緊個女車長，但當時襲擊之後氣氛，同埋唔交代就走左去既畫面令佢被起底，我都覺得不意外）；加上無助、傷亡令抗爭激烈，呢兩方面我都表示理解，而呢種表示理解既心態亦係好多人話「核彈也不割」既原因。我都係核彈也不割，唔反對、尊重前線選擇。
但要話我「想大家一齊出戶外做比較激烈嘅抗爭」、「大口氣」、「其他人損失去達成你心中嘅目標係好值得」根本就係誣蔑。Don’t put words in my mouth.
講多少少有關鐵道方面。正因為我係鐵路迷，我唔願見到鐵路成為助長暴政對市民肆意攻擊既工具。我見到721元朗站既處理、警察進入車廠（搭運狗車？）、831太子恐襲落閘等等事件之後，我對港鐵同警察咁樣合作非常憤怒，而呢種憤怒掩蓋鐵道設施等死物被破壞既憤怒（死物比起受傷人士當然唔算啲咩重要野）、以及人員被辱罵既憤怒，所以先會有表示理解既心態。如果我喺現場，我唔會阻同篤灰，呢個就係我表示理解、核彈也不割、唔反對、尊重前線選擇既取向。
關於「面對極權，你更加應該要識做。」，有好多人就係不願命運就咁被掌握，所以你先見到有咁多人出黎，用N咁多種手段爭取。核彈也不割背後係信念而非利益，係共同都有對抗極權既意志，我就唔明有咩可以自私啦，因為一個免於恐懼既香港係全部市民都享受到既成果。
我無唔接受抗爭者拉去差館，但你確保100%無濫捕？我唔接受濫捕、私刑、失當暴力，而呢啲事件既犧牲者更值得去憐憫，體現你既惻隱之心，而佢地真係作出左犧牲。
如果被辱罵既人都係犧牲，咁呢種「犧牲」既前提咪就係佢地都同樣都有反送中、對抗極權既意志，只係喺一時被鬧、起底，但始終唔轉立場lor，但本身唔係支持反送中／相反立場既點樣為此犧牲？唔係同路人又點套用雙重標準？
今日只係有人係太子站跪地求地鐵放CCTV比出黎比大家知道到底地鐵831有冇死人
結果地鐵封站，仲要叫埋警察?
依家咩道理呀? 放工時間呀大佬 車都飛埋 世界大亂
學搭巴士算數啦，郁啲就封站，連冇衝擊都封
香港人比政府黨鐵洗哂腦，某部份人完全唔識搭巴士剩係靠地鐵 真係多謝你呀黨鐵
HN745 發表於 2019-9-6 17:30
今日只係有人係太子站跪地求地鐵放CCTV比出黎比大家知道到底地鐵831有冇死人
結果地鐵封站，仲要叫埋警察?
依家咩道理呀? 放工時間呀大佬 車都飛埋 世界大亂
學搭巴士算數啦，郁啲就封站，連冇衝擊都封
香港人比政府黨鐵洗哂腦，某部份人完全唔識搭巴士剩係靠地鐵 真係多謝你呀黨鐵
不過巴士都係感覺上好少少，
其實有D日子有D情況都係要服從正苦嚴格既行政指令停駛。
而且巴士線改道既基準亦不一，
有時太過腦筋急轉彎既玩意冇交通迷底既魚民未必適應到。