JX9097 發表於 2019-10-17 16:11
將羅湖從東鐵線撤走似乎更唔可行始終西鐵線去嘅地方同東鐵線服務範圍差太遠
唔通你叫沙田人坐東鐵經紅 ...
好唔同囉，你個例子係原車遊車河囉，我講嘅走線曾經出現喺政府報告中，可行性唔低。
我係指北環線：羅湖—古洞—新田—牛潭尾—凹頭—錦上路，約每6分鐘一班
東鐵綫：落車洲—古洞—上水—粉嶺—太和⋯⋯會展—金鐘（—中環南），可以每兩班車先有一班去落馬洲，另一半於古洞折返
兩線於古洞交匯，可以減少東鐵線因為有多種不同班次而帶來嘅混亂。唔需要等到2030打後先可能動工嘅新南北走廊鐵路，永久分走羅湖或落馬洲其中一條口岸支線，分擔東鐵線長久因跨境客而迫爆嘅問題。
現時安排下只去到古洞，落馬洲支線必定要增加班次去應付北環線轉車客，但咁又要搶走本身客量需求大嘅羅湖支線班次，最終雙輸。
Toz兄近2年前喺某個橙色討論區話北環線可以係（上水—）古洞—落馬洲—新田—牛潭尾—凹頭—錦上路，即列車喺落馬洲倒頭行駛，不過咁做會大大影響北環線班次，而且落馬洲距離古洞同新田非常遠，會大大增加行車時間，我覺得唔理想。
所以我先建議拆線。