ryulky 發表於 2019-10-28 22:38
呵呵,除了同機場/大嶼山有關的路線外,全都比去年下跌
經常說巴士客量急升而不用加價的人可回家午睡 ...
專營巴士於星期一至五個别時段會因乘客「罷鐵」及鐵路提早收車而使客量增加，甚至要加班，但星期六、日或因市民不敢外出而使客量減少，要看九月、十月的數字才能見真章，但近月酒樓飲宴的確減少，市民亦減少出夜街。（有人正繪畫巴士路線圖，以便市民「避鐵」，但仍需時間教育群眾，但「避鐵」之風氣已存在。）
本帖最後由 TYChow 於 2019-10-29 05:31 編輯
仲有一樣，地鐵客量跌幅比巴士多，証明市民已存在「罷鐵」、「避鐵」意識，「党铁」做任何推廣亦只會事倍功半，甚至會引起群眾反對「以鐵路為骨幹」之運輸政策，以至要求增建高速公路以取代鐵路建設。
至少現時要我搭地鐵亦會感到不安全，以及有罪惡感，寧願優先考慮選乘專營巴士，而自己對「党铁」並非全無積怨，只是以往大事化小、小事化無，但7.21、8.31之後，見到都怕！
雖然「罷鐵」、「避鐵」對「龜龜」收入影響有限，但長遠會因車站人流減少而需向商戶作租金回扣，以及向商戶發還月票優惠券之收入差額，對其財務便會有較大影響。
冇港鐵份既叮叮完全冇數據?
其實社會不穩,市民少出街影響仲大過罷搭mtr, 港鐵失客同時巴士都失客,示威遊行失控導致巴士改道停駛都會影響
TYChow 發表於 2019-10-29 04:48
仲有一樣，地鐵客量跌幅比巴士多，証明市民已存在「罷鐵」、「避鐵」意識，「党铁」做任何推廣亦只會事倍功 ...
新路同新鐵唔係相對
而新鐵帶出黎嘅效益好多時都比新路大
間公司形象差劣應該係將佢變返香港人嘅公司而唔係反對合理嘅鐵路建設，
否則同清末民初中國人民智未開走去拆鐵路無乜大分別
出年巴士地鐵都會加價 不論九新城
HG6729 發表於 2019-10-29 10:21
出年巴士地鐵都會加價 不論九新城
呢排狀況嚟講通縮唔係無機，睇定啲再講
HG6729 發表於 2019-10-29 10:21
出年巴士地鐵都會加價 不論九新城
咁老定做預言師?
九巴仲未開始動用隧道費基金, 而且仲有可觀利潤
其實係有機會批佢一個低嘅加幅,
然後淨係加聯營線, 其餘用隧道費基金抵消, 從而令到獨營線唔使加
咁就可以吹奏政府免隧道費嘅政策
kay 發表於 2019-10-29 07:04
其實社會不穩,市民少出街影響仲大過罷搭mtr, 港鐵失客同時巴士都失客,示威遊行失控導致巴士改道停駛都會影 ...
我反而好樂觀
而家嘅跌幅，只會係一個短期嘅影響，
但係罷鐵嘅習慣，令D人對巴士認知多咗好多，就算之後搞得掂反送中，市民都會對党铁有恐懼，或者知道巴士有D咩更好，都好難令鐵路客回流，從而變做一個長期嘅正面影響。
例如大家身邊總有幾個住屯元天嘅後生仔，六月之前係搭東西鐵去北區沙田:curse:
但係而家，相信新界內嘅跨區來往，例如荃灣去沙田，都會搭硬巴士㗎啦
更何況罷鐵係喺八月先開始流行
所以而家睇到嘅3％跌幅，應該只會係短期嘅效果
AV296 發表於 2019-10-29 13:31
我反而好樂觀
而家嘅跌幅，只會係一個短期嘅影響，
香港人好善忘
同埋MTR有日玩洗底
你講既野就未必岩
不過有D人提出觀點我BUY既係
MTR賺錢唔係靠鐵路
所以日日10/11點收車對佢黎講損失唔大
而對市民而言
其實香港巴士過去整頓得唔夠
有D位,唔搭MTR搭巴士要左兜右兜
一係班次疏到無人有,或者巴士要企
唔係個個人都會願意長期付出時間成本
市面回復正常就有機會還原生活方式
我擔憂既係,唔搭MTR而經濟許可既
最終會係買私家車,而唔係搭巴士