上面慢車下面都會塞仲要有燈
下繁搭80都覺得好煩 冇用, 早繁觀塘入油塘在藍田站擠塞, 仲塞過入開源道, 架車入到油塘私番出黎就要行茶果嶺道, 一來一回用多左行車時間, 客又唔會多左.
傍晚油塘出黎觀塘一樣塞, 觀塘法院巴士站已經夠多巴士埋站, 站位行人路本身又係細, 已經冇位俾人排隊, 再排就冇位俾人行, 塞多一條線死多幾錢重.
就以尋晚為例, 6點龍尾已經頂到落東隧收費廣場, 塞左25分鐘先到法院, 而呢段路只不過是15分鐘步程, 巴士站前面準備落隧道的快線完全無車, 茶果嶺道轉出去亦是暢通.
既然茶果嶺道駛出鯉魚門道仲順過埋法院站, 藍田站後應該跟33轉入偉發道, 再轉茶果嶺道停番成業街休憩花園, 無謂加重法院巴士站負荷, 乘客亦都唔駛分兩個站等車.
平時見d 11B 11C 89C入完偉發道, 停完成業街休憩花園係仲快過同一時間埋法院站堆巴士到油站, 之後轉出快線落隧道.
無論去藍田站, 抑或去油塘, 架巴士都要行藍田迴旋處, 但油塘開出就要停藍田站路邊巴士站, 不能靠右直行直過.
開源道 敬業街交通擠塞問題有如洪水猛獸, 但不要忽視早繁觀塘警署至油塘及下繁藍田站至觀塘法院一段鯉魚門道來回線擠塞情況也很嚴重. 建議往油塘方向跟214行，方便牛池灣、西貢及清水灣、安泰及安達邨居民。
頁:
[1]