tunghang 發表於 2020-1-20 03:28
開頭係回#5
#5說的介紹景點應該是指提示乘客如果想到某些景點應該在這個巴士站下車，而不是帶領乘客探索景點的意思。
另外，有關南區山頂線，其實路線15/15B上山個位就喺香隧出口隔離，香港仔/赤柱搭香隧線喺隧線出口轉15B個距離同南區直接上山頂其實差唔多里數，反而赤柱兜埋香港仔先上山仲兜得遠。與其開條疏嘅南區山頂線，不如將15B做翻密，加埋少少平日服務，再加少少BBI宣傳仲好過？
qunow 發表於 2020-1-20 06:53
#5說的介紹景點應該是指提示乘客如果想到某些景點應該在這個巴士站下車，而不是帶領乘客探索景點的意思。 ...
而家big bus 同人力車正正做緊提示，條線點行就後話
EX-TL 發表於 2020-1-17 22:02
介紹沿途車站附近景點和建築物, 城巴應該合格, A21出市區時會用兩文三語廣播介紹青馬大橋, 快將到達市區, ...
非常同意，香港市區交通相當方便，呢個年代睇住google map已經可以自己搭車
喺市區只需要big bus、水晶巴士一類，對景點解說充足嘅遊覽車，滿足鬼佬偏向知識型嘅遊覽要求，亦係佢哋有得做，而人力車愈來愈無得做嘅主因
隨住愈來愈多遊客嚮往香港郊區，郊區旅遊路線值得再推廣一下
小弟去日韓台旅行時，經常都會安排行程坐啲一日得幾班嘅旅遊路線，穿梭幾個郊區景點
例子有台灣好行路線，或者日本河口湖嘅紅藍綠遊覽路線
喺香港，以前嘅315，同大嶼山21，都做緊呢類角色
用番自己做遊客嘅經驗，其實只要資料容易搵到，每日都有車，就可以放心搭呢類路線
近年有唔少韓台東南亞遊客，都已嚟香港玩過n次，唔少都會深入郊區
就同我哋去佢哋首爾東京台北玩，都唔係淨係喺市區行街一樣
所以我會覺得只要資訊改善，開番315係有得做，而喺南區、西貢、大嶼山都有空間加開呢類旅遊路線
班次唔需要多，價錢可以貴啲
時間編配得宜嘅話，更可以善用早繁後多出嘅車源，由市區出發載遊客入郊區
本帖最後由 miklcct 於 2020-1-20 20:10 編輯
HV7025 發表於 2020-1-17 19:38
我哋去外地郊區旅遊時，其實經常都會搭呢啲一日得幾班嘅遊客巴士線，穿梭幾個郊區景點
其實放喺香港，我 ...
我去外地郊區旅遊，係基本上唔會睇呢類一日得幾班嘅遊客巴士線，主要係睇想去嗰頭有邊條最出名嘅流水線，而係班次最頻密嘅，而安排沿住條流水線來遊覽。好似我2018年去俄羅斯就係咁嘅情況，我沿住條流水線，搭一兩個站就落車行個景點，然後上下班車，搭多幾個站又落車咁。
套用喺香港，假設遊客想上完山頂再去赤柱，咁山頂最出名條流水線叫15，赤柱最出名流水線叫6／6X，咁就自然會計劃到沿住6／6X／15條線遊覽，假設先搭山頂纜車上山，之後就自然會搭15落山，落到半山就會轉6，喺淺水灣落車行一行，之後又上返車去赤柱，可能再下一個步驟就係搭14走。
喺我心目中，只要條線唔係長時間服務，而係得少量班次嘅，基本上我就會直接無視，或者直接當係主線嘅特別班次咁處理，除非已知有需要喺指定時間去指定地方而嗰條限時限刻嘅路線有服務。
而山頂去赤柱，我之前喺週末亦都做過同樣嘅行程，當然係搭15轉6落去啦。喺呢個情況，如果當時有315服務咪會上車，否則咪一樣搭返正路方法15轉6。所以基本上呢類路線除非有獨市位，否則只會係執雞線，因為已經有正常方法（普通線轉普通線）係遊客會計劃到嘅。
HV7025 發表於 2020-1-20 19:43
非常同意，香港市區交通相當方便，呢個年代睇住google map已經可以自己搭車
喺市區只需要big bus、水晶巴 ...
郊區同景點其實兩回事，如果對象只係作短時間遊覽、例如只影相打卡購物先有得做
香港郊區唔算多景點，去得郊區絕大數為行山、露營、BBQ等，好多時成身裝備，其實唔太需要觀光性質重既路線