浸鹹水遇溺記 第十七回 拜訪荷蘭航空博物館 Aviodrome
本帖最後由 HZ8186 於 2020-3-26 00:32 編輯https://1.bp.blogspot.com/-YVq8AJlNtYQ/Xhp8JbLDkEI/AAAAAAAAIOY/lUULK5HakpAo3DUW7vkjw4hk11boGfd8gCLcBGAsYHQ/s1600/LEY00.jpg
繼上回 遇溺記 乘芬蘭航空由香港前往阿姆斯特丹後, 小弟於荷蘭遊玩四天, 並前往 Lelystad Airport 參觀荷蘭國立航空博物館 Aviodrome。Aviodrome 既中心展覽題為 "100 Years of Dutch Aviation" - 入面係介紹荷蘭既航空業同飛機製造歷史, 而入面亦有一個介紹荷蘭既太空計畫既展覽。呢個展覽係依時間序列介紹荷蘭既民航史, 而展覽中有唔少位置係重點介紹荷蘭當年既飛機製造商 Fokker, 以及荷蘭既航空公司 KLM。
Aviodrome 既其餘部份則為散播係博物館周圍既 Static Aircraft - 雖然而家只係有一部 (Boeing 747-200M/SUD) 可以進內參觀, 不過 Aviodrome 既收藏其實係極度重量級 - 除咗有多部 Fokker 之外, Aviodrome 亦有一部 DC-4, 兩部 DC-3, 一部 L-749, 以及全世界最後一部 Airworthy 既 DC2。
今回 遇溺記 會用一個 photo essay 既形式報告, 希望閣下會鐘意呢個新格式~~
https://1.bp.blogspot.com/-VjZ-Rh309lw/Xhp8KH2PTsI/AAAAAAAAIOg/8VyLtt5zPbkxtQ2nen6pD2smqGHWnN55QCLcBGAsYHQ/s1600/LEY01.jpgAviodrome 係位於 Lelystad Airport, 距離 Amsterdam 約一個半小時車程。從 Amsterdam 乘火車前往 Lelystad Centrum 站後, 轉乘十五分鐘巴士即抵達今日既目標 - Aviodrome。小弟當日係買咗張 'Amsterdam and Region Travel Ticket', €36.5/3日。呢張飛係幾抵玩 - 張飛係去到 Edam, Zaanse Schans 同 Flora Holland 等熱門景點 - Lelystad Station 亦包括在內, 唯 Lelystad Station - Lelystad Airport 程巴士則要自費
https://1.bp.blogspot.com/-pSk4kbR3vOs/Xhp8J7umvYI/AAAAAAAAIOc/uiqH_zRopi0UL8k45VI7zmalJZVMubH6QCLcBGAsYHQ/s1600/LEY02.jpg除咗有一個航空博物館之外, Lelystad Airport 亦有多個航空學校同少量商業航班 - Lelystad Airport 現時係無任何 Commercial Flights, 而機場只要都係服務 BizJets 同用作機司訓練為主 - Martinair 同 AIS 都係 Lelystad 進行機司訓練, 而機場係有少量季節性航班。小弟拜訪當日, Lelystad Airport 係有唔少 GA activity, 而基本上每五分鐘就會有部 Piper 係頭頂飛過
https://1.bp.blogspot.com/-V3Elz6cmQNY/Xhp8Ml9misI/AAAAAAAAIOk/ix3XrTtsBMonYTbf_Shmpj_RuB_oIUD0QCLcBGAsYHQ/s1600/LEY03.jpg圖中既 PH-OSI 係 Fokker 製造既第二部 Fokker 50 樣板機, 退役後就移居 Aviodrome 做呢個博物館既門神
https://1.bp.blogspot.com/-rbblWHIxzlc/Xhp8NSYw-oI/AAAAAAAAIOo/vCjSNRmh0QsFCnQX4sW6U3Bv2YB20VFMQCLcBGAsYHQ/s1600/LEY04.jpgFokker Spin - 呢部係 Anthony Fokker 於 1910 年設計既第一部飛機, 而世上僅餘既兩部 Spin 都係收藏於 Aviodrome。留意 Spin 並唔係解作 '轉' - 係荷蘭文入面, Spin 係解作蜘蛛, 而呢個名係取自飛機上半部份既 Bracing Wires
https://1.bp.blogspot.com/-3ihAofXh53U/Xhp8N7rKldI/AAAAAAAAIOs/d7bEzB0F0MggnC5dBy3xU9JEk1nakpvbACLcBGAsYHQ/s1600/LEY05.jpgFokker Dr.1 Triplane, The Red Baron's Fighter - 相信讀者都會聽過 Manfred von Richthofen 呢個名 - 呢位德軍機師係一戰期間為德軍效力, 並係短短兩年間擊下八十部聯軍戰機, 而當中有十九次係用呢部德國製既 Fokker Dr.1 擊落
註: Fokker 原先為德國設立, 唯一戰過後 Anthony Fokker 選擇把品牌搬回荷蘭發展, 同時亦可以避開不平等條約 Treaty of Versailles 所定下既限制
https://1.bp.blogspot.com/-dtFHSouLXtA/Xhp8R4ar5bI/AAAAAAAAIOw/uSrx46dCMHc1qOGu8VO_3nZoRZ1AShy_gCLcBGAsYHQ/s1600/LEY06.jpgJunkers Ju-52 - 呢部三引擎飛機係出名於二戰時為德國空軍服務, 除咗做運輸機之外, Ju-52 亦可以做傘兵投擲, 掃雷等任務, 可以算得上係 Axis 版既 DC-3/C47
https://1.bp.blogspot.com/-w6tPr4WorYw/Xhp8R1AQsNI/AAAAAAAAIO0/vdrcuN68cFAZsS4cVSxvZmNMXxTy7S9IgCLcBGAsYHQ/s1600/LEY07.jpg前方: Douglas C-47A Skytrain PH-TCB 'Iwan W. Smirnov'後方: Lockheed L-749 Constellation PH-FLE ‘Flevoland’
呢兩部 piston airliners 可以算係呢個博物館入面其中一個最重要既展品 - 呢兩部客機除咗曾經係 KLM 既機隊骨幹之外, 亦做就咗 KLM 既光輝歲月，並於四五十年代為 KLM 重建 因為二戰而被摧殘的網絡，並為 KLM 帶來急速發展。
前方的 'DC-3' 為 PH-TCB，唯圖中既 PH-TCB 並非真正既 PH-TCB - 真正既 PH-TCB 相信早已拆毀，而博物館展出既飛機係一部披上 KLM 色彩既 C-47A 而已。PH-TCB 係為一位俄羅斯籍既 KLM 機司命名 - 呢位機司兩次世界大戰都打過，退役後就轉投 KLM 做機司 - 閣下有興趣既不妨上維基睇下佢既事蹟啦~~
https://1.bp.blogspot.com/-GCa4oFuh9vU/Xhp8UIn2wQI/AAAAAAAAIO4/Xp5d57Zvx6YN81bB0v_tHHfKzajY1v9cgCLcBGAsYHQ/s1600/LEY08.jpgLockheed L-749 Constellation PH-FLE ‘Flevoland’
同飛機身後既 DC-3/C-47 一樣，呢部機都唔係真品，而係一部披上 KLM 色彩既軍機版 L-749 (VC121-A)。呢部係世上僅餘 Airworthy 既 Connie 之一, 唯基於營運成本問題, 佢既轆係十二年黎都係掂住條跑道既。呢部 Connie 係取名 Flevoland - Flevoland 係荷蘭最後一次大型填海既區域名, 而 Lelystad 係位於 Flevoland 正中心。
https://1.bp.blogspot.com/-l2VY3IH3DyY/Xhp8Vy87TjI/AAAAAAAAIO8/vyRK4rquNAsCnh5lx7AyGGTy0oHzJ8v3wCLcBGAsYHQ/s1600/LEY09.jpg9Boeing 747-200B/SUD PH-BUK 'Louis Bleriot'
博物館既中心展品之一 - 呢部 747 係為 Louis Bleriot 而命名 - 呢位黎自法國既工程師/機師係第一位成功用定翼機飛越英倫海峽既人。SUD 係解作 Stretched Upper Deck, 而上層既機艙係比正常版 -200 長七米, 而外觀上係同 747-300 係相近既。KLM 係少有於 Modern Jet Era 依然使用 Combi 飛機既航空公司之一, 而相信香港既讀者都唔會對 KLM 旗下既 747-400M 感到陌生~~
https://1.bp.blogspot.com/-NLP0tWQrVrM/Xhp8Wm3UMaI/AAAAAAAAIPA/jqjWxV6KA90N8aEOmtz2FoTBRudW9_GHgCLcBGAsYHQ/s1600/LEY10.jpgAviodrome 既博物館大樓係有一條登機橋通往呢部 747-200, 唯由 4L 登上一部 747 呢點係幾得意
https://1.bp.blogspot.com/-a3qdwjt_j9E/Xhp8YbwGhOI/AAAAAAAAIPE/_DTZj-K7_VYHaaGsF1O2A_JuUveIgYu3ACLcBGAsYHQ/s1600/LEY11.jpgBoeing 747-200 既 Galley - 小弟相信呢個 Galley Config 現時係 KLM 獨有, 而 KLM 既 744M 上都係用呢個佈局
https://1.bp.blogspot.com/-AoisS81GVPc/Xhp8bhIUo_I/AAAAAAAAIPI/bIZCFIDXu0QZ-QA5z3ivRsBI2Hy7dUrKQCLcBGAsYHQ/s1600/LEY12.jpgKLM 747-200 既經濟艙 - Well not much has changed between KLM's 747-200 and 747-400, hasn’t it?
小弟於 2017 年搭過荷蘭皇家航空既 747 由香港來回阿姆斯特丹, 如果閣下有興趣既可以睇埋小弟當時寫既飛行報告~~浸鹹水遇溺記 第四回 KL1426 KL887 BHX-AMS-HKG 被 Avro RJ 尋找的故事http://www.hkitalk.net/HKiTalk2/thread-1052166-1-1.html
https://1.bp.blogspot.com/-EAI8EFeCQLY/Xhp8b_g5lhI/AAAAAAAAIPM/UBjPBkqJ5-k0_nAW1jp_zbo4YfDnlTtlgCLcBGAsYHQ/s1600/LEY13.jpgKLM 747-200 上層既商務艙 - KLM 係民航史上無疑係一個 Trend Setter, 而係唔少 Business Trends 上 KLM 都走得好前 - 留意呢部飛機係無頭等艙既 - 今時今日我地係會覺得飛機無頭等艙係一件好正常既事, 唯係 80年代末全面取消頭等艙 'KLM Royal Class' 呢點其實係當年係相當不可思議既。
https://1.bp.blogspot.com/-K6ZpfC2MjTE/Xhp8cLHK00I/AAAAAAAAIPQ/QqUuUNZbIF4UDIzOS7tX3RqP04eReaJzACLcBGAsYHQ/s1600/LEY14.jpgAviodrome 原先係位於 Amsterdam Schiphol, 唯由於 Schiphol 空間有限, Schiphol Group 於 2003 年把 Aviodrome 遷去 Lelystad Airport 旁邊。(註: Lelystad 同 Schiphol 都係由同一個公司擁有) 唔少展品係經陸路運送前往新展館, 而呢部 747-200 亦唔例外~~
https://1.bp.blogspot.com/-_UD-1_2YPoI/Xhp8hB2RzEI/AAAAAAAAIPY/gC4se5Jz8HM0kilVXL5IzcKIwl_Xj3fuwCLcBGAsYHQ/s1600/LEY15.jpg747-200 機尾既貨倉 - 博物館拆走咗唔少 overhead paneling, 而閣下係可以清楚見到埋藏於頭頂既 Control Wiring & Piping
https://1.bp.blogspot.com/-OSgCI1ThyoY/Xhp8hsoXyoI/AAAAAAAAIPk/dkOtkN0Vo4YuxpihnSJpsed7t5yaieoQgCLcBGAsYHQ/s1600/LEY16.jpg
Cockpit & Flight Engineer's Desk
747-200 既駕駛艙雖然唔對外開放，不過閣下係可以清楚見到入面既設計同儀器 - 留意駕駛艙右邊既工作台 - 呢個工作台係供 Flight Engineer 使用，而呢位 '第三機師' 既主要職責係觀察系統表現, 處理通訊等。隨住機上電腦既升級同進化, 觀察系統表現等已經可以由機上電腦代勞, 而 Flight Engineer 呢個職位亦相繼被取代。
https://1.bp.blogspot.com/-FyB0K-PyQQQ/Xhp8hKUo1RI/AAAAAAAAIPc/TKPKS37inp8sCidg9-t0wLHqhY7daf5FwCLcBGAsYHQ/s1600/LEY17.jpg
Under the Queen of the Skies - 博物館係特意開曬所有 Landing Gear Bay Doors, 而閣下係可以探頭入 Wheel Well 睇入面既結構
https://1.bp.blogspot.com/-DL1imBPbK5c/Xhp8kilpC4I/AAAAAAAAIPs/TERHcM9RCnEh0OPvxVyWlt8-moM3lEWwwCLcBGAsYHQ/s1600/LEY18.jpgDouglas 'DC-4' C-54A Skymaster PH-TAR 'City of Rotterdam'(ex PH-DDY)
DC-4 係 KLM 歷史中其中一部最重要既機型之一 - 係二戰結束後, KLM 係靠呢個機型迅速重建路線網絡, 並於 1946年開始 AMS-EWR 既 TATL 服務。惟呢部 DC-4 唔係一部 Dakota 而係一部 Skymaster - 呢部 C-54A 原先由荷蘭政府擁有，並於退役後進入 Aviodrome 既收藏中。飛機後來披上 KLM 塗裝，並獲得 PH-TAR 的註冊篇號。原則上呢部 DC-4 係依然 Airworthy, 唯小弟拜訪當日佢既 rudder 係依然維修緊~~
https://1.bp.blogspot.com/-bMA9WSKGhXU/XnuEhSImKHI/AAAAAAAAIjY/YeTy--UbLxsjvuBeLmHlIr4bcjAGM6jNACK4BGAYYCw/s1600/LEY19.jpg前方: Antonov AN-2 - (號碼不詳)後方: Fokker F.28-0100 PH-OFA
雖然呢部 An2 同荷蘭應該無咩關係, 不過可以入機艙感受下蘇聯既 Rural Transport 亦幾過癮既~~
https://1.bp.blogspot.com/-a5BJKg3ks64/Xhp8ojradnI/AAAAAAAAIP4/rrrmnrMEHO8mq2YELWOHbuWiKy8O34VmwCLcBGAsYHQ/s1600/LEY20.JPG
Fokker F.27-100Friendship PH-FHF 'Anthony H. G. Fokker'
荷蘭飛機製造商 Fokker 其中一個最成功既機型就係 Fokker F27, 而一間收藏荷蘭民航史既博物館又點會無佢? 圖中為第一部量產既 Fokker F27 - 呢部 F27 曾為 Aer Lingus, LTU 及 DLT 服役，並於 1995年退役及獲保留。同場亦有 F27 既原型機 PH-NVF，呢部 F27 披上 Fokker 既 House Colour, 並放於展館內展出。
https://1.bp.blogspot.com/-mIiOFarrL8w/Xhp8pN4TDfI/AAAAAAAAIQA/K0gjNIkW4jgZGhOQ9zgY2CnjrARweCydQCLcBGAsYHQ/s1600/LEY21.jpg故居新居也可安居就是為著安睡送走光陰拆不走的光影優雅老去牆若有記憶牆若有意識你別怕色衰粉褪歷史感是沖洗不去張敬軒 過客別墅
林夕填既詞真係特別垂淚...
https://2.bp.blogspot.com/-8skamgQEELY/XnuFT6INiFI/AAAAAAAAIjw/60AujUuYpkYWYIM9GhlleOs7j3LJYiqtACK4BGAYYCw/s1600/LEY22.jpgDouglas DC-2 PH-AJU 'Uiver'
KLM 為 PH-AJU 取名 Uiver, 而呢個名可以於荷蘭地方方言中可以解作鸛鳥 (Stork) 。1934 年，KLM 安排左呢部 DC-2 參與倫敦-墨爾本既 MacRobertson Air Race，成功用九十小時十三分鐘完成九千英里既航程，最終於賽事獲得第二名，將 Uiver 呢個名寫入歷史書之外，亦為當年剛剛起步既航空業打左一支強心針。可惜 Uiver 同年於伊拉克墜毀，而今日見到既 Uiver 只係另一部塗上 PH-AJU 顏色既 DC-2。
值得一提既係 呢部並非世上唯一一部 Uiver - 為左紀念 Uiver 既事蹟，澳洲城市 Alburn 亦把一部前 Eastern Airlines 既 DC-2 塗上 Uiver 既顏色，並於當地機場展出，唯澳洲版既 Uiver 則係 unairworthy。
https://1.bp.blogspot.com/-tRdB5UOdgDw/Xhp8pNPtsBI/AAAAAAAAIP8/REB9R4Saek8JCh73vViPuMvQS5vmXsa4gCLcBGAsYHQ/s1600/LEY22.JPGMartinair Flight School - 值得注意既係 Martinair 早於 2004 年已經轉咗圖裝, 唯旗下 Flight School 既呢部 Socata TB-20 係依然用一個 pre-2004 既 Martinair livery
https://2.bp.blogspot.com/-Jk7OMp0GYFY/XnuCgwwVwmI/AAAAAAAAIjM/d4bSLdtbh7I3tSy0SVPGhq2jKgTwK7RugCK4BGAYYCw/s1600/LEY24.jpg 唔知大家有無留意到一個問題, 就係博物館入面有唔少飛機都係原先同荷蘭無關，只係獲博物館保留後塗上一層 KNLIM/KLM 既色彩而已。本身小弟都以為展出既飛機全部都係真品，點知小弟為飛行報告做資料收集既時候，先驚覺全部都係假的 - 館內既 DC-2, DC-3, DC-4, 甚至 L-749 全都係軍機出生，只有部 747 同館內既 Fokker 係真品 - 本身行完博物館後係覺得開心既，不過寫埋博物館報告之後反而有少少被騙既感覺咯...
Source: YouTube
https://1.bp.blogspot.com/-7TiZ5YLyDsc/Xhp8qwnILnI/AAAAAAAAIQE/zKEj-n3-IcsBPjXr1jIPJM4kb1SRzYnEwCLcBGAsYHQ/s1600/LEY23.jpg總結呢個旅程, 小弟覺得呢個博物館係頗值得去既 - 如果你同小弟一樣, 鐘意 KLM 或鐘意 Fokker 既, 呢個博物館無疑係必去既。唯如果閣下係無特定喜好, 而想係歐洲揀一間博物館去既, 由於呢個博物館既主題比較 niche, 我會建議你優先睇其他博物館先, 例如 Speyer 或 Toulouse 等等。
首先, 博物館既交通唔算太方便 - Amsterdam > Lelystad 既火車係非常密, 唯由 Lelystad 火車站去機場既巴士係每小時一班 - 閣下前往 Aviodrome 前必須好好計畫好行程, 如果閣下送車尾既咁閣下好有可能要駁的士/Uber 去博物館。另外, 其實博物館定位係相對上比較 niche, 而佢既目標客群無疑係荷蘭人 - 博物館入面有唔少展品只係帶有荷蘭文描述, 閣下去呢個博物館既時候就麻煩閣下長開 Google Translate 啦~~
當然, 如果閣下係對歐洲既航空發展有興趣既, 相信 Aviodrome 會係一個非常值得拜訪既博物館 - 除左有 DC-2, L-749 等罕有機型之外，可以咁近距離接觸一部 747-200 亦係一個好難得既機會黎。
份博物館報告就寫到呢度先，希望讀者鍾意呢個新報告格式啦 - 小弟於一九年十月亦探訪左英國三間飛行博物館，而小弟亦努力寫緊三份博物館報告，敬請大家期待~~
--
如閣下有興趣既, 不妨睇埋小弟之前寫落既其他飛行報告?第一回 LX139 LX460 HKG-ZRH-LCY 巧遇 Avro RJ100 的故事第二回 BE1429 SOU-EMA 一個乘搭 Repositioning Flight 的故事第三回 KL888 KL1515 HKG-AMS-NWI 尋找 Fokker 70 的故事第四回 KL1426 KL887 BHX-AMS-HKG 被 Avro RJ 尋找的故事第五回 OS58 OS455 HKG-VIE-LHR 不怕神一般的對手, 只怕鹹魚般的乘客?第六回 探訪退役協和號 G-BOAF 的故事番外篇 CX416 HKG-ICN 商務艙 冬日拜訪漢城記第七回 BE7671 NCL-BHD-IOM 尋找 Jetstream 41 的故事 - 不日推出第八回 BA3287 IOM-LCY 一個避完稅走去翻學既故事 - 不日推出第九回 LX467 LX138 LCY-ZRH-HKG 尋找 CSeries 的故事番外篇 HX690 HKG-CTS 一個唔搭因航遭天譴的故事第十回 LH797 LH926 HKG-FRA-LCY 初嘗漢莎航空第十一回 AF1781 AF188 LHR-CDG-HKG 商務艙第十二回 AF185 BM1882 HKG-CDG-BRS 尋找 Embraer 145 的故事第十三回 BE7615 VLY-CWL 重逢 Jetstream 41 的故事第十四回 BT652 LGW-RIX 被 Airbus A220 尋找的故事第十五回 AY1072 AY99 RIX-HEL-HKG 尋找 ATR72 既故事番外篇 KC930 HKG-ALA 尋找 757 的故事番外篇 Z92101 ALA-TSE 一個尋找 Fokker 100 的故事 番外篇 KC992 KC929 TSE-ALA-HKG 一個歸家的故事第十六回 AY100 AY1301 HKG-HEL-AMS 阿姆斯特丹夜機第十七回 拜訪荷蘭航空博物館 Aviodrome 第十八回 BE1094 AMS-EMA 重逢 Dash 8 的故事 - 不日推出第十九回 拜訪協和號試驗機 - IWM Duxford - 不日推出第二十回 拜訪 RAF Museum - Cosford - 不日推出第二十一回 拜訪協和號試驗機 - Brooklands - 不日推出第二十二回 LS205 LBA-AMS 尋找 737 Classic 的故事第二十三回 SN2093 BRU-LHR 初嘗布魯塞爾航空 - 不日推出第二十四回 EI283 LCY-DUB 尋找 Avro RJ 的故事 - 不日推出第二十五回 FR534 DUB-EMA 初嘗瑞恩航空的故事 - 不日推出
https://1.bp.blogspot.com/-a3qdwjt_j9E/Xhp8YbwGhOI/AAAAAAAAIPE/_DTZj-K7_VYHaaGsF1O2A_JuUveIgYu3ACLcBGAsYHQ/s1600/LEY11.jpg
其實 KLM 呢個咁獨特既 galley configuration（好似 744M 同 744 full-pax 都係呢個設計）原意係咩？同埋再對落一張相，呢部 747-200SUD 既內籠旁板似乎唔係原裝…
好可惜 KLM 的 747 已經喺今日完成最後一班 MEX-AMS 航班後全數退役，結束 747 喺 KLM 前後合共 49 年既歷史，率先成為武漢肺炎下滅族受害者，捱唔到原計劃既出年，亦象徵全世界已經再無 744M 服役。以後只能從相片或者親身去呢間博物館緬懷喇。
頁:
[1]