兼職車長復工，但仍然收到卅分鐘一班車
最近聽聞九巴及龍運部份兼職車長已經復工, 主要集中喺三間廠,荒島廠就唔洗講了, 又封關, 又少咗條大水喉呢期眼見, 平日有懷疑師傅落場做沙田綫, 平日晚繁亦曾經有兼職補班救亡;
即使星期六日都有個別兼職收拉補班之後, 理論上應該夠人做返密車少少
之但係, 收車情況一直冇太大改善, 日間班次仍然疏到爆, 夜後就不用說了...
就呢一兩個星期六日所見, 唔少大西北皇牌綫收到 25/30 分一班, 架架頂哂閘,
例如 60X, 中午過屯轉後可以企到頂閘出市區;
68X, 可以做到長沙灣已頂閘入元朗;
69X, 客量無大變, 師傅表直頭改無可改, 要保留原有補水;
260X, 酒吧同食店未限四位入座前可以 15 分一班之下都爆到瀉;
2F, 5C, 又係多客到爆, 以前未見過非繁都有機會企;
89D, 長期有溜後報告;
234B, 假日可以做到頂閘入深井;
就連 E33 晚黑九點幾機場方向都可以屯轉前頂閘 (呢個真係收到抵打);
相反短途隧道巴同一二區綫就收咗車之後都一樣冇客, 例如 108, 115, 904, 914
到底係巴士公司刻意收到卅分一班搞到班咸魚等到傻, 定係 "配合" 政府唔鼓勵人地出街呢?
會否大西北/大東北其實有條件加返少少車?
269C趕客成功，晏晝出觀塘收到20坐唔滿 寶田孖寶常常30分鐘一架 89D而家下繁其實OK，係今日真係唔知做緊乜出到20-25一班 本帖最後由 MZ3101 於 2020-4-5 22:37 編輯
呢排屯轉等車返東九全部半個鐘一班 然後三架一齊到 :L
出面繼續頂閘
廠入面繼續有車長坐係度R 到爛都冇車開
彼此也在捱....:$ 本帖最後由 RyanPun 於 2020-4-5 22:55 編輯
MCMoore 發表於 2020-4-5 22:21
89D而家下繁其實OK，係今日真係唔知做緊乜出到20-25一班
89D晚繁北行班次比起其他線少有地開足車，呢一排比上年上半年都冇乜點變，似乎背後有線做祭品拎車比89D開足車，反而非繁忙就疏到嚇死人，加埋本身北行入馬鞍山一向都坐滿人，唔溜後先至奇。
我覺得九公司見今日落大雨覺得無人搭車就懶得開車 覺得九巴係刻意開疏由佢趕客，營造客量大跌嘅數字，迫政府批加價或者俾多啲補貼佢 68A,260X昨天30分鐘一班