城巴九巴回覆有團體關注118班次及用車問題
本帖最後由 bb606606 於 2020-4-10 19:35 編輯【跟進過海路線118班次不穩及擠迫情況】
路線118從來都係柴小地區一帶居民往來九龍嘅重要路線。疫情前Admin一直都留意到118線需求龐大，繁忙時間柴灣斜沿線往往無法上車。所以早前曾經拜托 曾健成(阿牛) - Bull Tsang Kin-Shing 去信城巴、九巴及運輸署，要求改善過海路線118服務，包括改派載客量較大嘅12.8米巴士，調整班次間隔以及增加班次等。
九巴回覆指已調派高載客量巴士行走118線。城巴亦回覆我哋話指已經向運輸署申請調派12.8米巴士行走，但署方一直都係「處理中」，到今日仍未批准城巴嘅申請。唔少同118線行走相近路段嘅巴士路線（例如8X、106、780等）早已獲批使用12.8米巴士行走，而且118線沿線都係市區路段為主（即使係同樣服務小西灣但係需要行駛近郊路段嘅19號線亦早已獲批），實在無法理解運輸署為何尚未批準118線使用該款巴士。12.8米巴士車身較以往118常用嘅12米巴士長約0.8米，上下層總共可以增設8個座位，企位亦可增加1人*。能夠喺唔改動班次情況下提升路線運載力，減低乘客因客滿而無法上車嘅機會。
另外，城巴亦有提供疫情前載客量資料，指平日往九龍方向於「阿公岩道」分站後平均載客率為六成，因此得出可以滿足需求嘅結論。但所謂平均載客率其實包含由康翠臺或其他中途站開出之特別班次。而且118線班次不穩定，經常出現長時間無車到站但之後一次過有幾班車到站嘅情況，而大量乘客往往需要苦等一段長時間甚至未必能登上第一班車，所以城巴嘅「平均載客率」其實不能反映真實使用情況。
奈何疫情嚴重下，現時載客數據均未能反映實際需求，所以暫時亦未能就脫班及擠迫情況作進一步調查及跟進。Admin團隊會同阿牛以及其他東區區議員保持緊密聯繫，係議會內外繼續推動改善118線嘅服務。
Source: 東區交通
https://www.facebook.com/1072363069460105/posts/3458800670816321/?d=n 城巴時段班次OK喎 唔喺月票覆蓋範圍嘅一般人唔識特登分九巴城巴？ 隧道線黎講，118服務好過102、106；
柴小線黎講，118服務好過8X、19、82。
要嘈一定係嘈左8X、19既聯合到站班次先。
特別係城仔時段既118，其實無乜好挑剔。
所謂班次不穩，喂大佬，條線經紅隧、加士居道、彌敦道，你想點樣穩定先？
至於老九，自從柴灣方向都改埋特快之後，班次已經穩定左唔少。
由藍灣開去阿公岩道，正常都要20分鐘左右。
其實呢20分鐘，已經可以好多變化。
如果前面有架82頂住，又或者有個輪椅客，就已經可以拉慢車程幾分鐘，
咁咪變左同前車隔好遠，但同後車拖卡囉。
望下堆唔夠行車時間既102、106再講啦，身在福中不知福;P neoplan720p 發表於 2020-4-10 22:15
隧道線黎講，118服務好過102、106；
柴小線黎講，118服務好過8X、19、82。
118重要性比較高，九巴班次運力不足，而班次方面即使在路面較為暢通的情況下也會出現比較離譜的情況 最治本就應該要繁忙時間小西灣轉開118P 而118就改柴灣東起載
起碼減走小西灣/柴灣東果批客，騰出空間比樂軒臺打後既客上車 其實呢段時期所見好多聯營線都係九記開得疏新城開得正常d
好似116咁
新記坐親都係10分內一班，九記就9點幾可能已經12分班，夜晚直頭常見15-20分一班
由其是夜晚10點半轉時段個時周不時發現尾車同前車隔幾遠下，跟住個班尾車係鵝頸橋底係會等客停一兩分鐘先走
而每次都見到有稽查係個站頭到 柴灣其實好多人返工
五點幾厹 118 去到樂軒台已經坐到好滿 :L
如果下繁都有 118P 過九龍就好 ;P ．KD．8283． 發表於 2020-4-11 02:40
其實呢段時期所見好多聯營線都係九記開得疏新城開得正常d
好似116咁
118呢個情況唔係近月先有
頁:
[1]
2