薄扶林道南行個數碼港牌誤導駕駛者？
薄扶林道南行臨到醫院前，個路牌將香港仔同數碼港指落薄扶林村方向，而瑪麗醫院、沙宣道同碧荔道就指向燈位。但事實上，落數碼港係經沙宣道直落最直接，跟牌行嘅話會兜大圈兜到落華富上邨。點解啲路牌要老點人？ 交通分流問題，橋面轉入沙宣道應付唔到所有數碼港嘅交通流量 沙宣道同埋沙灣徑路又窄 又多彎 又多學生過馬路
平時港大shuttle落去已經塞下塞下咁
繁忙時間小巴同的士都夠曬多
點曬啲車落去係要玩和你塞？
你不如叫人去碧荔道落？
知道既自然識路落
唔知既咪兜大路入去減輕吓沙宣道負擔
咁都好拗？ 路牌同交通管理有密切關係，例如震寰路青田路口，佢會指你經鳴琴路去九龍，但係人都知轉另外一面直落屯門公路最快，但係為咗疏導屯門公路市中心段嘅交通，先會有咁嘅路牌⋯⋯ hoi_him 發表於 2020-5-27 21:05
路牌同交通管理有密切關係，例如震寰路青田路口，佢會指你經鳴琴路去九龍，但係人都知轉另外一面直落屯門公 ...
有寫經鳴琴路嘅，提供可行路線，係有用資訊；另一面有齊市中心同機場（應該屯赤路開會改），係人都知啦。
本帖最後由 Schrodcan 於 2020-5-27 23:14 編輯
michlui0718 發表於 2020-5-27 20:40
沙宣道同埋沙灣徑路又窄 又多彎 又多學生過馬路
平時港大shuttle落去已經塞下塞下咁
繁忙時間小巴同的士都 ...
重要考慮大車。大路又快又好行，都唔係好兜。
khl265 發表於 2020-5-27 19:32
交通分流問題，橋面轉入沙宣道應付唔到所有數碼港嘅交通流量
即使應付到，喺功能同表現上（最重要嘅對居民）都唔符合，through route要分清楚。
咁相反方向，由數碼港海濱長廊跟中區牌，或者由貝沙灣域多利道路口跟中區牌，最終係會經沙宣道上薄扶林道。咁點解出市區又會指導最直接嘅路線，無沙宣道車流嘅考慮？（而事實上，喺數碼港趕時間去中環，我都唔會搭架爛鬼30X慢慢碌，一定係碧瑤灣搭8X。如果兩者同時起步，8X到中環總站嗰陣，30X先到香港大學） miklcct 發表於 2020-5-28 09:26
咁相反方向，由數碼港海濱長廊跟中區牌，或者由貝沙灣域多利道路口跟中區牌，最終係會經沙宣道上薄扶林道。 ...
數碼港道近華富一段率先於2002年落成，
而近沙灣徑一段要到2005年才通車。
上面自然係教人去到華富先轉入去。
另一方面，當區又學校又住宅又醫院，仲有個遠D嘅數碼港，
早晚最繁忙嘅車流可以係兩回事。
更何況就算同樣車流計，响路口左轉，
同回程同一個路口右轉對路口嘅影響又係兩回事。
上落斜等同樣有影響
加加埋埋一個方向頂得順，
同一條路另一個方向唔得係一D都唔奇。
早上由數碼港出中區，如果响華富入大路，
就會同香港仔黎嘅車齊齊上斜，塞爆薄扶林道都唔奇。
相反响瑪麗先入，薄扶林道已經開始落斜，
咁就無問題啦。
仲有一個因素同歷史有關嘅，
例如荃葵有堆教人入貨櫃碼頭，
甚至逆向上三號幹線入大嶼山。
係當年青嶼幹線通車，
太多人用最直接條路入大嶼山，塞爆荃葵。
所以加佐堆牌，“刻意誤導”駕駛者利用貨櫃碼頭支路上青葵公路。
擺到今日雖然係On居，但至少無誤。
而正如樓上師兄話齋，路牌係其中一項交通管理方法，
當年擺嘅原因可以五花八門。
除非係去唔到目的地，否則難言誤導。 講誤導唔少得呈祥道西行教人行青山公路去荃灣，最初朋友剛買咗車，就以為跟荃灣牌去屯門，結果中晒招
頁:
[1]
2