koneotis 發表於 2020-6-20 19:12
可能係蘋果既問題
所以快d勸下班果粉換手機
睇下佢地睬唔睬你
聽講其中一個原因係八達通機感應唔係太敏感
喺日本用 suica on apple pay 好似唔會出現呢種情況
珊瑚海都貼了通告，不建議乘客用手機八達通。
如果搞到最後要有任何零售商出通告 話不接受apple pay octopus付款 嗰堆等左幾年既玻璃心又要破碎喇
lsc04d11 發表於 2020-6-20 20:42
如果搞到最後要有任何零售商出通告 話不接受apple pay octopus付款 嗰堆等左幾年既玻璃心又要破碎喇 ...
呢間嘢都真係神奇
拖咁耐先出到真係出嘅時候都咁多鑊氣
btw我用Apple Watch百發百中無問題
柴小同老九都試過部機要耐少少先有反應
但只要唔好咁快縮手就無事
八達通係慢過Suica，無論卡、iPhone、Apple Watch都係，感覺係非常明顯
JC8385 發表於 2020-6-20 21:03
呢間嘢都真係神奇
拖咁耐先出到真係出嘅時候都咁多鑊氣
用咗一排
秘訣係垂直向機面拍，唔好由底攝上去
停留唔郁時間要比普通卡耐
同埋iPhone要用機頂位置
以前用Android八達通SIM都有類似情況
ccchhhuuunnn 發表於 2020-6-20 21:13
用咗一排
秘訣係垂直向機面拍，唔好由底攝上去
停留唔郁時間要比普通卡耐
iphone個sensor都好頂下，初初出iphone拍八達通check餘額，我用iphone 7平均都要試超過一次先成功。反而apple watch機細，出事機會細啲。
但八達通機反應慢又真，自己喺apple watch開新卡用，比起用實體卡嘅處理時間會慢少少。
lsc04d11 發表於 2020-6-20 20:42
如果搞到最後要有任何零售商出通告 話不接受apple pay octopus付款 嗰堆等左幾年既玻璃心又要破碎喇 ...
0生：乘客比左錢就得，而手機顯示扣左數，即係乘客已完成佢責任。
7 H! U0 X4 P! x+ G! t
而加蘋果iphone有技術問題同使用者無任何關係，自己系統出錯收唔到錢，要乘客拍多次卡，唔係蘋果手機設計不善係咩？;P
本帖最後由 kei_hk 於 2020-6-20 22:34 編輯
ccchhhuuunnn 發表於 2020-6-20 21:13
用咗一排
秘訣係垂直向機面拍，唔好由底攝上去
停留唔郁時間要比普通卡耐
生果機就在頂部﹐睇宣傳係最頂的位置。
(註 : 我無生果機)
android 機就部部機都可以唔同﹐有些偏高一些﹐有些就偏向中間位置。
講到尾﹐用家要自己了解NFC 的位置﹐自己試多幾次。
用NFC 去做 八達通 定係 google/apple pay﹐其實都係一樣。
用家先要摸熟NFC 位置﹐同埋要清楚收費器的天線位置(即拍卡位)。
2者係要對正﹐同埋唔好快速掃過。
對正等1秒聽到八達通機的beep聲才縮手 ﹐如信用卡支付就睇自己手機的display + 信用卡機的反應為準。
我自己都用左八達通sim好多年﹐同時有使用google pay﹐期間亦換過手機。
我剛剛換手機﹐結果就係初期八達通/google pay 成日失敗收場﹐要再試再拍。
甚至試過用google pay出事﹐手機話OK﹐但店方卡機話失敗。
大約2小時之後﹐手機收到google pay的pop up話交易取消左。
我承認﹐這一次係剛換手機無耐﹐我拍卡機都係要第2次﹐仲要上下慢移去scan 對正NFC/卡機拍卡位置。
新手機我用左差不多大半個月(唔係日日用NFC payment/八達通sim)﹐才開始摸熟新機NFC位置﹐而家當然係可以做到百發百中啦。
但係有一點都必須講清楚﹐其實你用實體八達通卡﹐你手快快去掃﹐其實會一樣交易唔成功﹐巴士的八達通機會show "未能交易" (類似)的字樣。
唔同的係你用apply pay就手機有pop up﹐誤以為交易完成﹐而實體卡係睇到聽到交易唔成功要再拍卡。
即使係一般店舖﹐一樣有此情況。
如果唔係﹐之前點會話因為拍卡太快而重覆交易收多左錢﹐要慢慢撈番data做對比再退番錢比用家。
八達通公司都講明﹐有問題就拍多次卡﹐係唔會收多你錢的。
就算真係收多﹐都會退番比你。
PS. 手機貼實八達通收費器/八達通卡﹐反而係最難成功。有約1 cm 的距離﹐反而係成功率最高。